ԾՆՈՒՆԴՔ 14:14 - Գրաբար Աստվածաշունչ (1895)

¹⁴ Եւ իբրեւ լուաւ Աբրամ թէ գերի վարեցաւ եղբօրորդին իւր Ղովտ, համարեցաւ զընդոծինսն իւր երեք հարեւր եւ ութեւտասն։

ԾՆՈՒՆԴՔ 14:14 ပူးပေါင်းရင်းမြစ်များ

ԾՆՈՒՆԴՔ 12:16

Եւ Աբրամու բարիս առնէին վասն նորա. եւ եղեն նորա խաշինք, անդեայք եւ էշք, ծառայք եւ աղախնայք, ջորիք եւ ուղտք։

ԾՆՈՒՆԴՔ 12:5

Եւ առ Աբրամ զՍարա զկին իւր, եւ զՂովտ զեղբօրորդի իւր, եւ զամենայն զինչս իւրեանց զոր ստացան, եւ զամենայն ոգիս զոր ստացան ի Խառան, եւ ելին գնալ յերկիրն Քանանացւոց. եւ եկին յերկիրն Քանանու։

ԾՆՈՒՆԴՔ 13:8

Ասէ Աբրամ ցՂովտ. Մի՛ լիցի կռիւ ընդ իս եւ ընդ քեզ, եւ ընդ հովիւս իմ եւ ընդ հովիւս քո. զի արք եղբարք եմք մեք։

ԾՆՈՒՆԴՔ 14:12

Առին եւ զՂովտ զեղբօրորդին Աբրամու եւ զինչս նորա, եւ երթային. քանզի բնակեալ էր ի Սոդոմ։

ԾՆՈՒՆԴՔ 14:16

Եւ դարձոյց զամենայն աւարն Սոդոմացւոց, եւ զՂովտ զեղբօրորդին իւր եւ զամենայն ստացուածս նորա դարձոյց, եւ զկանայս եւ զժողովուրդն։

ԾՆՈՒՆԴՔ 15:3

Եւ ասէ Աբրամ. Որովհետեւ ինձ ոչ ետուր զաւակ, ընդոծինն իմ ժառանգեսցէ զիս։

ԾՆՈՒՆԴՔ 17:12

Եւ մանուկ ութօրեայ թլփատեսցի ձեր, ամենայն արու յազգս ձեր, ընդոծինն եւ արծաթագինն, եւ յամենայն օտարածնէ որ ոչ իցէ ի զաւակէ քումմէ։

ԾՆՈՒՆԴՔ 17:23

Եւ առ Աբրահամ զԻսմայէլ զորդի իւր եւ զամենայն զընդոծինս իւր եւ զամենայն զարծաթագինս իւր եւ զամենայն արու արանց որ էին ի տան Աբրահամու, եւ թլփատեաց զմարմին անթլփատութեան նոցա ի ժամանակի աւուրն այնորիկ, որպէս խօսեցաւ ընդ նմա Աստուած։

ԾՆՈՒՆԴՔ 17:27

Եւ ամենայն արք տան նորա, ընդոծինք եւ արծաթագինք որ էին յազգաց օտարաց, թլփատեաց զնոսա՝՝։

ԾՆՈՒՆԴՔ 18:19

Քանզի գիտէի եթէ պատուիրեսցէ որդւոց իւրոց եւ տան իւրոյ յետ իւր՝ պահել զճանապարհս Տեառն եւ առնել զարդարութիւն եւ զիրաւունս. եւ ածցէ Տէր Աստուած ի վերայ Աբրահամու զամենայն զոր խօսեցաւ ընդ նմա։

ԾՆՈՒՆԴՔ 23:6

Ունկն դիր մեզ, Տէր. թագաւոր յԱստուծոյ ես ի միջի մերում. յընտիր շիրմաց մերոց թաղեա զմեռեալդ քո. զի ոչ ոք ի մէնջ արգելու ի քէն զշիրիմս։

ԹԱԳԱՒՈՐՈՒԹԵԱՆՑ ԵՐՐՈՐԴ 15:20

Եւ լուաւ որդի Ադերայ՝՝ արքայի Ասայի, եւ առաքեաց զիշխանսն իւր՝՝ ի քաղաքսն Իսրայելի. եւ եհար զԱյին եւ զԴան եւ զԱբէլ տանն Մաաքայ՝՝, եւ զամենայն զՔեներէթ մինչեւ յամենայն երկիրն Նեփթաղիմայ։

ԳԻՐՔ ՍԱՂՄՈՍԱՑ 68:12

Արարի զհանդերձս իմ քուրձ, եւ եղէ յառակ նոցա։

ԱՌԱԿՔ ՍՈՂՈՄՈՆԻ 17:17

Յամենայն ժամանակի բարեկամք եղիցին քո, բայց եղբարք՝ ի վիշտս եղիցին քեզ պիտոյ. զի վասն այնորիկ իսկ ծնանին։

ԺՈՂՈՎՕՂ 2:7

Ստացայ ծառայս եւ աղախնայս, եւ ընդոծինք եղեն ինձ. եւ ստացուածք անդւոց եւ հօտից բազում եղեն ինձ քան զամենեցուն՝ որ յառաջ եղեալ էին քան զիս յԵրուսաղէմ։

ՄԱՐԳԱՐԷՈՒԹԻՒՆ ԵՐԵՄԵԱՅ 41:12

ժողովեցին զամենայն զօրականն իւրեանց, եւ խաղացին երթալ տալ պատերազմ ընդ Իսմայելի որդւոյ Նաթանայ. եւ գտին զնա ի վերայ ջուրցն բազմաց որ էին ի Գաբաւոն։

ԵՐԿՐՈՐԴՈՒՄՆ ՕՐԻՆԱՑ 34:1

Եւ ել Մովսէս յԱրաբովթ Մովաբայ, ի լեառն Նաբաւ, ի կատարն Փոգովրայ, որ է յանդիման Երիքովի, եւ եցոյց նմա Տէր զամենայն երկիրն Գաղաադու մինչեւ ցԴան,

ՅՈՎՀԱՆՆՈՒ ԱՌԱՋԻՆ՝՝ 2:18

Որդեակք, յետին ժամանակ է, եւ որպէս լուարուք եթէ Նեռն գալոց է, եւ արդէն իսկ նեռինք բազումք եկեալ են, որով մարթեմք իմանալ եթէ յետին ժամանակ է։

ԴԱՏԱՒՈՐՔ 18:29

Եւ կոչեցին զանուն նորա Դան՝ ըստ անուան հօրն իւրեանց որ եղեւ Իսրայելի. եւ էր անուն քաղաքին յառաջագոյն Լայիսա։

ԴԱՏԱՒՈՐՔ 20:1

Եւ ելին ամենայն որդիքն Իսրայելի, եւ եկեղեցացաւ ժողովուրդն իբրեւ զայր մի ի Դանայ մինչեւ ցԲերսաբէէ եւ երկիրն Գաղաադու՝ առ Տէր ի Մասփա։

ԹԱԳԱՒՈՐՈՒԹԵԱՆՑ ԱՌԱՋԻՆ 30:19

Եւ ոչ սխալեցաւ ի նոցանէ ի փոքուէ մինչեւ ցմեծ, եւ յուստերաց եւ ի դստերաց եւ յաւարէն մինչեւ ցամենայն ինչ զոր առին ի նոցանէ, զամենայն դարձոյց Դաւիթ։