ԾՆՈՒՆԴՔ 14:13 - Գրաբար Աստվածաշունչ (1895)

¹³ Եւ եհաս ոմն ի զերծելոց անտի, եւ պատմեաց Աբրամու յայնկոյս կացելոյ՝՝. եւ նա էր բնակեալ առ կաղնեաւն Մաբրէի Ամովրհացւոյն, եղբօրն Եսքողայ եւ եղբօրն Աւնանայ, որ էին դաշնաւորք Աբրամու։

ԾՆՈՒՆԴՔ 14:13 ပူးပေါင်းရင်းမြစ်များ

ԾՆՈՒՆԴՔ 10:16

Եւ զՅեբուսացին եւ զԱմովրհացին եւ զԳերգեսացին

ԾՆՈՒՆԴՔ 13:18

Եւ չու արարեալ Աբրամու՝ եկն բնակեցաւ առ կաղնւոջն Մամբրէի, որ է ի Քեբրոն. եւ շինեաց անդ սեղան Տեառն Աստուծոյ։

ԾՆՈՒՆԴՔ 14:24

Բայց որչափ ինչ կերան մանկտիդ, եւ մասն արանցդ որ եկին ընդ իս՝ Աւնան, Եսքող եւ Մամբրէ, նոքա առցեն զբաժին իւրեանց։

ԾՆՈՒՆԴՔ 18:1

Եւ երեւեցաւ նմա Աստուած առ կաղնեաւն Մամբրէի, մինչդեռ նստէր առ դուրս խորանի իւրոյ ի միջօրէի։

ԾՆՈՒՆԴՔ 21:24

Եւ ասէ Աբրահամ. Ես երդնում։

ԾՆՈՒՆԴՔ 21:27

Եւ առ Աբրահամ արջառս եւ ոչխարս, եւ ետ Աբիմելեքայ. եւ եդին երկոքին ուխտ ընդ միմեանս։

ԾՆՈՒՆԴՔ 21:32

Եւ անդ եդին ուխտ առ Ջրհորին երդման։ Յարեաւ Աբիմելէք եւ Ոքոզաթ տաճարապետ նորա եւ՝՝ Փիքող սպարապետ զօրաց նորա, եւ դարձան անդրէն յերկիրն Փղշտացւոց։

ԾՆՈՒՆԴՔ 39:14

կոչեաց զընտանիս տանն եւ ասէ. Տեսէք զի ած մեզ ծառայ Եբրայեցի խաղ առնել զմեզ. եմուտ առ իս եւ ասէ, Ննջեա ընդ իս. եւ ես աղաղակեցի ի ձայն բարձր։

ԾՆՈՒՆԴՔ 40:15

զի գողանալով գողացան զիս յերկրէն Եբրայեցւոց. եւ աստ ինչ ոչ արարի, եւ արկին զիս ի տուն գբոյս այսորիկ։

ԾՆՈՒՆԴՔ 41:12

Եւ էր անդ ընդ մեզ պատանի մի մանուկ Եբրայեցի, ծառայ դահճապետին, եւ պատմեցաք նմա, եւ մեկնեաց մեզ զերազսն մեր, առն ըստ իւրաքանչիւր երազոյ մեկնեաց։

ԾՆՈՒՆԴՔ 43:32

Եւ արկին նմա միայնոյ, եւ նոցա իւրաքանչիւր ումեք, եւ Եգիպտացւոցն որ ճաշէին ընդ նմա՝ իւրաքանչիւր առանձինն. զի ոչ կարէին Եգիպտացիքն ուտել հաց ընդ Եբրայեցիսն, քանզի գարշելի էին Եգիպտացւոցն։

ԳԻՐՔ ՅՈԲԱՅ 1:15

եւ եկին գերեվարք եւ գերեցին զնոսա, եւ զմանկտին կոտորեցին սրով. ես միայն ապրեալ՝ եկի պատմել քեզ։

ԵԼՔ 2:11

Եւ եղեւ յետ աւուրց բազմաց, իբրեւ եղեւ մեծ Մովսէս, ել առ եղբարս իւր որդիսն Իսրայելի՝՝, հայեցեալ ի չարչարանս նոցա. ետես այր մի Եգիպտացի, զի հարկանէր զոմն Եբրայեցի յեղբարց իւրոց յորդւոցն Իսրայելի։՝՝

ԵԼՔ 2:6

Եբաց եւ ետես զմանուկն, եւ լայր մանուկն ի տապանակի անդ՝՝. խանդաղատեցաւ զնովաւ դուստրն փարաւոնի՝՝, եւ ասէ. Ի մանկանց Եբրայեցւոց է դա։

ԵԼՔ 3:18

Եւ լուիցեն ձայնի քում. եւ մտցես դու եւ ծերակոյտ որդւոցն Իսրայելի առ փարաւոն արքայ Եգիպտացւոց, եւ ասասցես ցնա. Տէր Աստուած Եբրայեցւոց կոչէ զմեզ առ ինքն՝՝. արդ՝ երթիցուք մեք երից աւուրց ճանապարհ յանապատ, զի զոհեսցուք Տեառն Աստուծոյ մերում։

ՄԱՐԳԱՐԷՈՒԹԻՒՆ ԵՐԵՄԵԱՅ 34:9

արձակել իւրաքանչիւր ումեք զծառայ իւր, եւ իւրաքանչիւր զաղախին, զայր Եբրայեցին եւ զկին Եբրայեցի՝ ազատս. եւ մի՛ ծառայել առն յազգէ Յուդայ եղբօր իւրում։

ՄԱՐԳԱՐԷՈՒԹԻՒՆ ՅՈՎՆԱՆՈՒ 1:9

Ասէ ցնոսա. Ծառայ Տեառն՝՝ եմ ես, եւ զՏէր Աստուած երկնից պաշտեմ որ արար զծով եւ զցամաք։

ԹԻՒՔ 13:23

Ելին ընդ անապատն եւ եկին մինչեւ ցՔեբրոն. եւ անդ Աքիման եւ Սէսի եւ Թաղամի, ազգքն Ենակայ. (եւ Քեբրոն եւթն ամաւ յառաջագոյն շինեալ էր քան զՏայանիս Եգիպտացւոց։)

ԹԻՒՔ 21:21

Եւ առաքեաց Մովսէս հրեշտակս առ արքայն Ամովրհացւոց բանիւք խաղաղութեան եւ ասէ.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 11:22

Եբրայեցի՞ք իցեն, եւ ես. Իսրայելացի՞ք իցեն, եւ ես. զաւակ Աբրահամո՞ւ իցեն, եւ ես.

ԱՌ ՓԻԼԻՊԵՑԻՍ ԹՈՒՂԹ 2:5

Զայն խորհեսցի իւրաքանչիւր ոք ի ձէնջ որ եւ ի Քրիստոս Յիսուս.

ԹԱԳԱՒՈՐՈՒԹԵԱՆՑ ԱՌԱՋԻՆ 29:3

Եւ ասեն նախարարք այլազգեացն. Ո՞ են դոքա որ անցանենդ՝՝։ Եւ ասէ Անքուս ցնախարարս այլազգեացն. Ո՞չ դա է Դաւիթ ծառայ Սաւուղայ արքայի Իսրայելի, եւ այս երկու ամք են զի առ մեզ է՝՝, եւ ոչ ինչ գտի ի դմա յօրէ յորմէ հետէ անկաւ ի մեզ մինչեւ ցայսօր։

ԹԱԳԱՒՈՐՈՒԹԵԱՆՑ ԱՌԱՋԻՆ 4:12

Եւ ընթացաւ այր Յամինացի ի բանակէ անտի, եւ եկն ի Սելով յաւուր յայնմիկ. եւ ձորձք իւր պատառեալք եւ հող զգլխով իւրով։