ԾՆՈՒՆԴՔ 14:10 - Գրաբար Աստվածաշունչ (1895)

¹⁰ Եւ ի ձորն աղտից ջրհորք, ջրհորք նաւթի. եւ փախեաւ արքայ Սոդոմացւոց եւ արքայ Գոմորացւոց, եւ անկան անդր. եւ մնացեալքն փախեան ի լեռնակողմնն։

ԾՆՈՒՆԴՔ 14:10 ပူးပေါင်းရင်းမြစ်များ

ԾՆՈՒՆԴՔ 11:3

Եւ ասեն այր ցընկեր իւր. Եկայք արկցուք աղիւս եւ թրծեսցուք զայն հրով։ Եւ եղեւ նոցա աղիւսն ի տեղի քարի, եւ կուպր ի տեղի շաղախոյ։

ԾՆՈՒՆԴՔ 14:11

Եւ առին զամենայն աւար Սոդոմացւոց եւ Գոմորացւոց եւ զամենայն համբարս նոցա եւ գնացին։

ԾՆՈՒՆԴՔ 14:17

Եւ ել արքայ Սոդոմացւոց ընդ առաջ նորա՝ յետ դառնալոյ նորա ի կոտորածէ Քոդողագոմորայ, եւ թագաւորացն որ ընդ նմա էին ի ձորն Շաւէ, այն ինքն է դաշտ թագաւորաց։

ԾՆՈՒՆԴՔ 14:21

Եւ ասէ արքայ Սոդոմացւոց ցԱբրամ. Տուր ցիս զմարդիկդ, եւ զաւարդ քեզ առ։

ԾՆՈՒՆԴՔ 14:3

Ամենեքեան սոքա գումարեցան ի ձորն աղի, որ է ծով աղտից՝՝։

ԾՆՈՒՆԴՔ 14:9

Ընդ Քոդողագոմորայ արքայի Ելամայ, եւ ընդ Թատգաղայ արքայի ազգաց, եւ Ամարփաղայ արքայի Սենաարայ, եւ Արիովքայ արքայի Սելլասարայ, չորք թագաւորք՝ ընդ հնգից։

ԾՆՈՒՆԴՔ 19:17

Եւ եղեւ իբրեւ հանին զնոսա արտաքս, ասեն. Ապրեցո զանձն քո, մի՛ դառնայցես յետս, եւ մի՛ կայցես յամենայն կողմանս աշխարհիդ՝՝. զերծիր ի լեառն, գուցէ ընդ նոսա ըմբռնիցիս։

ԾՆՈՒՆԴՔ 19:30

Եւ ել Ղովտ ի Սեգովրայ, եւ նստէր ի լերինն, եւ երկոքին դստերք նորա ընդ նմա. քանզի երկեաւ բնակել ի Սեգովր. եւ բնակեաց յայրի անդ ինքն եւ երկոքին դստերք նորա ընդ նմա։

ԳԻՐՔ ՍԱՂՄՈՍԱՑ 83:10

Ընդունելի՝՝ ես դու մեր, տես, Աստուած, եւ նայեաց յերեսս օծելոյ քո։

ՄԱՐԳԱՐԷՈՒԹԻՒՆ ԵՍԱՅԵԱՅ 24:18

Եւ եղիցի որ փախիցէ յահէ անտի՝ անկցի ի գուբն, եւ որ ելանիցէ ի գբոյն, ըմբռնեսցի յորոգայթն. զի պատուհանք բացան յերկնից, եւ շարժեսցին հիմունք երկրի։

ՄԱՐԳԱՐԷՈՒԹԻՒՆ ԵՐԵՄԵԱՅ 48:44

Եւ որ փախիցէ յերեսաց ահին՝ անկցի ի վիհն, եւ որ ելանիցէ ի վհէ անտի՝ ըմբռնեսցի յորոգայթն. զի ածից զամենայն ի վերայ Մովաբու յամին յորում հանդէս արարից նմա, ասէ Տէր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:24

Եւ իբրեւ դադարեցին որդիքն Իսրայելի ի կոտորելոյ զամենայն Գայացիս, զորս ի դաշտս, զորս ի լերինս զառիվայրին մինչեւ հալածեցին՝՝ զնոսա. եւ անկան ամենեքին ի սուր սուսերի մինչեւ ի սպառ. եւ դարձաւ Յեսու ի Գայի, եւ եհար զնա սրով սուսերի։