ԾՆՈՒՆԴՔ 13:5 - Գրաբար Աստվածաշունչ (1895)

⁵ Եւ Ղովտայ որ երթեալն էր ընդ Աբրամու՝ էր արջառ եւ ոչխար եւ անասուն։

ԾՆՈՒՆԴՔ 13:5 ပူးပေါင်းရင်းမြစ်များ

ԾՆՈՒՆԴՔ 12:4

Եւ գնաց Աբրամ որպէս խօսեցաւ ընդ նմա Աստուած. երթայր ընդ նմա եւ Ղովտ. եւ Աբրամ էր ամաց եւթանասուն եւ հնգից յորժամ ել ի Խառանէ։

ԾՆՈՒՆԴՔ 12:5

Եւ առ Աբրամ զՍարա զկին իւր, եւ զՂովտ զեղբօրորդի իւր, եւ զամենայն զինչս իւրեանց զոր ստացան, եւ զամենայն ոգիս զոր ստացան ի Խառան, եւ ելին գնալ յերկիրն Քանանացւոց. եւ եկին յերկիրն Քանանու։

ԾՆՈՒՆԴՔ 13:6

Եւ ոչ բաւէր նոցա երկիրն բնակելոյ ի միասին. զի էին նոցա ստացուածք բազումք, եւ ոչ կարէին բնակել ի միասին։

ԾՆՈՒՆԴՔ 25:27

Եւ աճեցին մանկունքն. եւ էր Եսաւ այր հմուտ որսոյ՝ վայրագ, եւ Յակոբ՝ այր առանց պաճուճանաց՝՝ ընտասուն։

ԾՆՈՒՆԴՔ 4:20

Եւ ծնաւ Ադդա զՅովբէլ. նա է հայր այնոցիկ որ բնակեալ են ի վրանս խաշնարածաց։

ՄԱՐԳԱՐԷՈՒԹԻՒՆ ԵՐԵՄԵԱՅ 49:29

Զխորանս նոցա եւ զխաշինս նոցա առցեն, զհանդերձս նոցա եւ զամենայն կահ եւ զկարասի նոցա, եւ զուղտերամակս նոցա առցեն իւրեանց. եւ կոչեցէք ի վերայ նոցա կորուստ շուրջանակի։