ԾՆՈՒՆԴՔ 12:7 - Գրաբար Աստվածաշունչ (1895)

⁷ Եւ երեւեցաւ Տէր Աբրամու, եւ ասէ ցնա. Զաւակի քում տաց զերկիրս զայս։ Եւ շինեաց անդ Աբրամ սեղան Տեառն որ երեւեցաւ նմա։

ԾՆՈՒՆԴՔ 12:7 ပူးပေါင်းရင်းမြစ်များ

ԾՆՈՒՆԴՔ 12:8

Եւ մեկնեցաւ անտի ի լեառնն ընդ արեւելս ի Բեթէլ. եւ եհար անդ զխորան իւր ի Բեթէլ, յանդիման ծովուն եւ Անգէի ընդ արեւելս՝՝. եւ շինեաց անդ սեղան Տեառն, եւ կոչեաց յանուն Տեառն։

ԾՆՈՒՆԴՔ 13:15

Զի զամենայն երկիրդ զոր դու տեսանես՝ քեզ տաց զդա եւ զաւակի քում մինչեւ յաւիտեան։

ԾՆՈՒՆԴՔ 13:17

Եւ արդ արի շրջեաց ընդ երկիրդ յերկայնութիւն դորա եւ ի լայնութիւն դորա, զի քեզ տաց զդա։

ԾՆՈՒՆԴՔ 13:18

Եւ չու արարեալ Աբրամու՝ եկն բնակեցաւ առ կաղնւոջն Մամբրէի, որ է ի Քեբրոն. եւ շինեաց անդ սեղան Տեառն Աստուծոյ։

ԾՆՈՒՆԴՔ 13:4

Ընդ Բեթէլ եւ ընդ Անգէէ ի տեղի սեղանոյն, զոր արար անդ զառաջինն. եւ կարդաց անդ Աբրամ զանուն Տեառն Աստուծոյ։

ԾՆՈՒՆԴՔ 15:18

Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ,

ԾՆՈՒՆԴՔ 17:1

Եւ եղեւ Աբրամ ամաց իննսուն եւ ինունց. եւ երեւեցաւ Տէր Աստուած Աբրամու եւ ասէ ցնա. Ես եմ Աստուած քո. հաճոյ լեր՝՝ առաջի իմ, եւ լեր անարատ։

ԾՆՈՒՆԴՔ 17:3

Եւ անկաւ Աբրամ ի վերայ երեսաց իւրոց. եւ խօսեցաւ ընդ նմա Աստուած եւ ասէ.

ԾՆՈՒՆԴՔ 17:8

Եւ տաց քեզ եւ զաւակի քում զերկիրս զայս, յորում բնակես պանդխտութեամբ, զամենայն երկիրդ Քանանացւոց ի ժառանգութիւն յաւիտենական. եւ եղէց նոցա Աստուած։

ԾՆՈՒՆԴՔ 18:1

Եւ երեւեցաւ նմա Աստուած առ կաղնեաւն Մամբրէի, մինչդեռ նստէր առ դուրս խորանի իւրոյ ի միջօրէի։

ԾՆՈՒՆԴՔ 22:9

Եւ եկին ի տեղին զոր ասաց նմա Աստուած. անդ շինեաց սեղան Աբրահամ, եւ եդ ի վերայ զփայտն. եւ կապեաց զԻսահակ զորդի իւր, եւ եդ զնա ի սեղանն ի վերայ փայտին։

ԾՆՈՒՆԴՔ 24:7

Տէր Աստուած երկնից եւ Աստուած երկրի՝՝, որ առ զիս ի տանէ հօր իմոյ եւ յերկրէն ուստի ծնեալ էի, որ խօսեցաւն ընդ իս եւ երդուաւ ինձ եւ ասէ. Զաւակի քում տաց զերկիրդ զայդ, նա առաքեսցէ զհրեշտակ իւր առաջի քո, եւ առցես անտի կին որդւոյ իմում Իսահակայ։

ԾՆՈՒՆԴՔ 26:25

Եւ շինեաց անդ սեղան, եւ կարդաց զանուն Տեառն, եւ եհար անդ զխորան իւր. փորեցին ծառայքն Իսահակայ անդ ջրհոր։

ԾՆՈՒՆԴՔ 26:3

Պանդխտեաց յերկրիս յայսմիկ, եւ եղէց ընդ քեզ եւ օրհնեցից զքեզ. զի քեզ եւ զաւակի քում տաց զամենայն զերկիրս զայս, եւ հաստատեցից զերդումն իմ զոր երդուայ Աբրահամու հօր քում։

ԾՆՈՒՆԴՔ 28:13

Եւ Տէր հաստատեալ կայր ի նմա, եւ ասէ. Ես եմ Տէր, Աստուած Աբրահամու հօր քո, եւ Աստուած Իսահակայ. մի՛ երկնչիր, զի՝՝ զերկիրդ յորում դուդ ննջեցեր, քեզ տաց զդա եւ զաւակի քում։

ԾՆՈՒՆԴՔ 28:4

Եւ տացէ քեզ զօրհնութիւնն Աբրահամու հօր իմոյ՝՝, քեզ եւ զաւակի քում յետ քո, ժառանգել քեզ զերկիր պանդխտութեան քո՝ զոր ետ Աստուած Աբրահամու։

ԾՆՈՒՆԴՔ 32:30

Եւ կոչեաց Յակոբ զանուն տեղւոյն այնորիկ Տեսիլ Աստուծոյ՝՝. զի տեսի զԱստուած դէմ յանդիման, եւ ապրեցաւ անձն իմ։

ԾՆՈՒՆԴՔ 33:20

Եւ շինեաց անդ սեղան, եւ կարդաց զԱստուած Իսրայէլի։

ԾՆՈՒՆԴՔ 35:12

Եւ զերկիրդ զոր ետու Աբրահամու եւ Իսահակայ՝ քեզ տաց զդա, քեզ եղիցի, եւ զաւակի քում յետ քո տաց զերկիրդ զայդ։

ԾՆՈՒՆԴՔ 35:7

Եւ շինեաց անդ սեղան, եւ կոչեաց զանուն տեղւոյն Բեթէլ. զի անդ երեւեցաւ նմա Աստուած ի փախչել նորա յերեսաց Եսաւայ եղբօր իւրոյ։

ԾՆՈՒՆԴՔ 50:24

Եւ խօսեցաւ Յովսէփ ընդ եղբարս իւր եւ ասէ. Ես աւասիկ մեռանիմ. այցելութեամբ այց արասցէ ձեզ Աստուած, եւ հանցէ զձեզ յերկրէս յայսմանէ յերկիրն զոր երդուաւ Աստուած տալ հարցն մերոց Աբրահամու, Իսահակայ եւ Յակոբայ։

ԾՆՈՒՆԴՔ 8:20

Եւ շինեաց Նոյ սեղան Աստուծոյ, եւ առ յամենայն անասնոց սրբոց եւ յամենայն թռչնոց սրբոց, եւ եհան ողջակէզ ի վերայ սեղանոյն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:25

Եւ շինեաց անդ Դաւիթ սեղան Տեառն Աստուծոյ, եւ եհան ողջակէզս եւ խաղաղականս ի վերայ նորա։ Եւ յաւել Սողոմոն ի սեղանն յետոյ, զի փոքր էր զառաջինն։ Եւ լուաւ Տէր՝՝ երկրին, եւ արգելաւ սատակումն յԻսրայելէ։

ԹԱԳԱՒՈՐՈՒԹԵԱՆՑ ԵՐՐՈՐԴ 18:32

Եւ շինեաց զքարինսն յանուն Տեառն, եւ արար ծով որ տանէր երկուց գրուաց սերմն շուրջ զսեղանովն։

ՄՆԱՑՈՐԴԱՑ ԱՌԱՋԻՆ 16:16

զուխտն զոր եդ ընդ Աբրահամու եւ զերդումն իւր ընդ Իսահակայ.

ՄՆԱՑՈՐԴԱՑ ԱՌԱՋԻՆ 16:18

ասէ. Քեզ տաց զերկիրն Քանանու, զվիճակ ժառանգութեան ձերոյ։

ՄՆԱՑՈՐԴԱՑ ԵՐԿՐՈՐԴ 20:11

եւ արդ աւասիկ նոքա յանդգնին գալ ի վերայ մեր, եւ հանել՝՝ զմեզ յերկրէս ժառանգութեան մերոյ զոր ետուր մեզ։

ՄՆԱՑՈՐԴԱՑ ԵՐԿՐՈՐԴ 20:7

ո՞չ ապաքէն դու ես Տէր որ սատակեցեր զբնակիչս երկրիս այսորիկ յերեսաց ժողովրդեան քո Իսրայելի, եւ ետուր զսա զաւակի Աբրահամու սիրելւոյն քո յաւիտեան։

ԵԶՐ 3:2

Եւ յարեաւ Յեսու Յովսեդեկեանց եւ եղբարք նորա քահանայք, եւ Զորաբաբէլ որդի Սաղաթիելի եւ եղբարք նորա վեց, եւ շինեցին սեղան զոհից Տեառն Աստուծոյ Իսրայելի՝ մատուցանել ի վերայ նորա ողջակէզս, ըստ գրելոցն յօրէնսն Մովսիսի առնն Աստուծոյ։

ԵԼՔ 17:15

Եւ շինեաց Մովսէս սեղան Տեառն, եւ անուանեաց զանուն նորա՝ Տէր ապաւէն իմ,

ԵԼՔ 24:4

Եւ գրեաց Մովսէս զամենայն զպատգամսն Տեառն, եւ կանխեալ Մովսիսի ընդ առաւօտն, շինեաց սեղան ի ստորոտ լերինն, եւ երկոտասան վէմ կանգնեաց ըստ երկոտասան ազգացն Իսրայելի։

ԵԼՔ 32:13

Յիշեա դու զԱբրահամ եւ զԻսահակ եւ զՅակոբ զծառայս քո, որոց երդուար յանձն քո, խօսեցար ընդ նոսա եւ ասես. Առաւել բազմացուցից զզաւակ ձեր իբրեւ զաստեղս երկնից բազմութեամբ. եւ զամենայն զերկիրն զայն զոր ասացեր տալ զաւակի նոցա՝ կալցին զնա յաւիտեան։

ԵԼՔ 33:1

Եւ ասէ Տէր ցՄովսէս. Երթ ել աստի, դու եւ ժողովուրդն քո զոր հաներ յերկրէն Եգիպտացւոց, յերկիրն զոր երդուայ Աբրահամու, Իսահակայ եւ Յակոբայ, ասեմ. Զաւակի ձերում տաց զնա։

ԵԼՔ 6:3

եւ երեւեցայ Աբրահամու եւ Իսահակայ եւ Յակոբայ. Աստուած նոցա եմ, եւ անուն իմ՝ Տէր, եւ ոչ յայտնեցի նոցա։՝՝

ԵԼՔ 6:4

Եւ հաստատեցի զուխտ իմ առ նոսա, տալ նոցա զերկիրն Քանանացւոց, ուր պանդխտեցանն։

ՄԱՐԳԱՐԷՈՒԹԻՒՆ ԵՐԵՄԵԱՅ 3:18

Յաւուրսն յայնոսիկ ժողովեսցին տունն Իսրայելի առ տունն Յուդայ՝՝. եւ եկեսցեն ի միասին ի հիւսիսոյ եւ յամենայն գաւառաց՝՝ յերկիրն յորում ժառանգեցուցի զհարս նոցա։

ԹԻՒՔ 26:53

Դոցա բաժանեսցի երկիրն ժառանգել ըստ թուոյ անուանց։

ԹԻՒՔ 32:11

Մի՛ տեսցեն արք որ ելին յԵգիպտոսէ, ի քսանամենից եւ ի վեր, որ գիտիցեն զչար եւ զբարի,՝՝ զերկիրն զոր երդուայ տալ Աբրահամու եւ Իսահակայ եւ Յակոբայ, զի ոչ եկին զհետ իմ.

ԳՈՐԾՔ ԱՌԱՔԵԼՈՑ 7:5

Եւ ոչ ետ նմա ժառանգութիւն ի սմա եւ ոչ քայլ մի ոտին. եւ խոստացաւ տալ նմա զսա ի բնակութիւն, եւ զաւակի նորա յետ նորա, մինչ ոչ գոյր նորա որդի.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:8

Այսինքն թէ ոչ որ որդիք մարմնոյն են՝ են որդիք Աստուծոյ, այլ՝ որդիք աւետեացն համարին ի զաւակ։

ԱՌ ԳԱՂԱՏԱՑԻՍ ԹՈՒՂԹ 3:16

իսկ Աբրահամու խոստացան աւետիքն եւ զաւակի նորա. եւ ոչ ասէ. Զաւակաց՝ իբրեւ բազմաց, այլ իբրեւ զմիոյ, թէ՝ Եւ զաւակի քում, որ է Քրիստոս։

ԱՌ ԳԱՂԱՏԱՑԻՍ ԹՈՒՂԹ 4:28

Այլ մեք, եղբարք, ըստ Իսահակայ աւետեացն որդիք եմք։

ԵՐԿՐՈՐԴՈՒՄՆ ՕՐԻՆԱՑ 1:8

Տեսէք զի ահա մատնեցի առաջի ձեր զերկիրն, մտէք ժառանգեցէք զերկիրն զոր երդուայ ես հարցն ձերոց, Աբրահամու եւ Իսահակայ եւ Յակոբայ, տալ նոցա եւ զաւակի նոցա յետ նոցա զերկիրն որ բղխէ զկաթն եւ զմեղր՝՝։

ԵՐԿՐՈՐԴՈՒՄՆ ՕՐԻՆԱՑ 30:20

սիրել զՏէր Աստուած քո եւ լսել ձայնի նորա եւ ունել զնմանէ, զի այն են կեանք քո եւ երկայնութիւն աւուրց քոց, բնակել յերկրին զոր երդուաւ Տէր հարցն քոց Աբրահամու եւ Իսահակայ եւ Յակոբա՝ տալ նոցա։

ԵՐԿՐՈՐԴՈՒՄՆ ՕՐԻՆԱՑ 34:4

Եւ ասէ Տէր ցՄովսէս. Այս է երկիրն զոր երդուայ Աբրահամու եւ Իսահակայ եւ Յակոբայ եւ ասեմ. Զաւակի քում տաց զդա. ցուցի աչաց քոց, եւ անդր մի՛ մտանիցես։

ԵՐԿՐՈՐԴՈՒՄՆ ՕՐԻՆԱՑ 6:10

Եւ եղիցի յորժամ տանիցի զքեզ Տէր Աստուած քո յերկիրն զոր երդուաւ Տէր հարցն քոց Աբրահամու եւ Իսահակայ եւ Յակոբայ՝ տալ քեզ քաղաքս մեծամեծս եւ գեղեցիկս զոր ոչ շինեցեր,

ԵՐԿՐՈՐԴՈՒՄՆ ՕՐԻՆԱՑ 9:5

Քանզի ոչ վասն արդարութեան քո եւ ոչ վասն անբծութեան սրտի քո մտանես ժառանգել զերկիր նոցա, այլ վասն անօրէնութեան ազգացն այնոցիկ Տէր Աստուած քո սատակեսցէ զնոսա յերեսաց քոց, եւ զի հաստատեսցէ զուխտն զոր երդուաւ Տէր հարցն մերոց Աբրահամու եւ Իսահակայ եւ Յակոբայ։

ԱՌ ԵԲՐԱՅԵՑԻՍ ԹՈՒՂԹ 11:13

Ըստ հաւատոց մեռան ամենեքին սոքա, եւ չեւ եւս ընկալեալ զաւետիսն. այլ ի հեռուստ տեսին զնոսա եւ ցնծացան, եւ խոստովան եղեն եթէ օտարք եւ պանդուխտք են յերկրի։

ԱՌ ԵԲՐԱՅԵՑԻՍ ԹՈՒՂԹ 11:8

Հաւատովք որ Աբրահամն կոչեցաւ՝՝ ունկնդիր եղեւ ելանել ի տեղին զոր առնլոց էր ի ժառանգութիւն. ել գնաց, եւ ոչ գիտէր յո՛վ երթիցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:6

Զօրացիր եւ քաջ լեր. զի դու բաժանեսցես ժողովրդեանդ այդմիկ զերկիրն զոր երդուայ հարցն քոց տալ դոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:10

Եւ եկին ի Գալիլովթ Յորդանանու, որ է յերկրին Քանանու, եւ շինեցին որդիքն Ռուբենի եւ որդիքն Գադայ եւ կէս ցեղին Մանասէի սեղան առ եզերբ Յորդանանու, սեղան մեծ տեսանելով։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:30

Յայնժամ շինեաց Յեսու սեղան Տեառն Աստուծոյ Իսրայելի ի լերինն Գեբաղ

ԴԱՏԱՒՈՐՔ 6:24

Եւ շինեաց անդ Գեդէոն սեղան Տեառն, եւ կոչեաց զնա Խաղաղութիւն Տեառն մինչեւ ցայսօր. եւ մինչդեռ ինքն անդէն էր՝՝ յԵփրա հօր իւրոյ Եսրեայ։

ԹԱԳԱՒՈՐՈՒԹԵԱՆՑ ԱՌԱՋԻՆ 7:17

Եւ դարձ իւր էր յԱրիմաթեմ, զի անդ էր տուն նորա. եւ անդ դատէր զԻսրայէլ, եւ շինեաց անդ սեղան Տեառն։