ԾՆՈՒՆԴՔ 12:5 - Գրաբար Աստվածաշունչ (1895)

⁵ Եւ առ Աբրամ զՍարա զկին իւր, եւ զՂովտ զեղբօրորդի իւր, եւ զամենայն զինչս իւրեանց զոր ստացան, եւ զամենայն ոգիս զոր ստացան ի Խառան, եւ ելին գնալ յերկիրն Քանանացւոց. եւ եկին յերկիրն Քանանու։

ԾՆՈՒՆԴՔ 12:5 ပူးပေါင်းရင်းမြစ်များ

ԾՆՈՒՆԴՔ 10:19

Եւ եղեն սահմանք Քանանացւոց՝ ի Սիդոնէ մինչեւ ի գալ ի Գերարա եւ ի Գազա, մինչեւ ի գալ ի Սոդոմ եւ ի Գոմոր, եւ յԱդամա եւ ի Սեբոյիմ մինչեւ ի Լասա։

ԾՆՈՒՆԴՔ 11:27

Այս են ծնունդք Թարայի. Թարա ծնաւ զԱբրամ եւ զՆաքովր եւ զԱռան. եւ Առան ծնաւ զՂովտ։

ԾՆՈՒՆԴՔ 11:31

Եւ առ Թարա զԱբրամ զորդի իւր, եւ զՆաքովր զորդի իւր՝՝, եւ զՂովտ՝ զորդի Առանայ որդւոյ իւրոյ, եւ զՍարա զնու իւր, զկին Աբրամու որդւոյ իւրոյ, եւ եհան զնոսա յաշխարհէն Քաղդեացւոց՝ երթալ յերկիրն Քանանացւոց. եւ եկին մինչեւ ցԽառան, եւ բնակեցին անդ։

ԾՆՈՒՆԴՔ 13:5

Եւ Ղովտայ որ երթեալն էր ընդ Աբրամու՝ էր արջառ եւ ոչխար եւ անասուն։

ԾՆՈՒՆԴՔ 13:6

Եւ ոչ բաւէր նոցա երկիրն բնակելոյ ի միասին. զի էին նոցա ստացուածք բազումք, եւ ոչ կարէին բնակել ի միասին։

ԾՆՈՒՆԴՔ 14:14

Եւ իբրեւ լուաւ Աբրամ թէ գերի վարեցաւ եղբօրորդին իւր Ղովտ, համարեցաւ զընդոծինսն իւր երեք հարեւր եւ ութեւտասն։

ԾՆՈՒՆԴՔ 14:21

Եւ ասէ արքայ Սոդոմացւոց ցԱբրամ. Տուր ցիս զմարդիկդ, եւ զաւարդ քեզ առ։

ԾՆՈՒՆԴՔ 28:10

Եւ ել Յակոբ ի Ջրհորոյ անտի երդման, եւ գնաց ի Խառան։

ԾՆՈՒՆԴՔ 36:6

Եւ առ Եսաւ զկանայս իւր եւ զուստերս եւ զդստերս իւր եւ զամենայն մարդիկ տան իւրոյ, եւ զամենայն ինչս եւ զանասուն, եւ զամենայն ինչ զոր ստացաւ եւ զոր արար՝՝ յերկրին Քանանացւոց, եւ գնաց յերկրէն Քանանացւոց յերեսաց Յակոբայ եղբօր իւրոյ։

ՂԵՒՏԱԿԱՆ 22:11

Բայց թէ քահանայն ստասցի ոգի ստացուածով արծաթոյ՝ նա կերիցէ ի հացից անտի նորա. եւ ընտոծինք նորա կերիցեն ի հացից անտի նորա։

ԳՈՐԾՔ ԱՌԱՔԵԼՈՑ 7:4

Յայնժամ ելեալ յերկրէն Քաղդէացւոց բնակեցաւ ի Խառան, եւ անտի յետ մեռանելոյ հօր նորա՝ փոխեաց պանդխտեցոյց զնա յերկրիս յայսմիկ, յորում դուք այժմ բնակեալ էք։