ԱՌ ԳԱՂԱՏԱՑԻՍ ԹՈՒՂԹ 4:12 - Գրաբար Աստվածաշունչ (1895)

¹² Եղերուք իբրեւ զիս, քանզի եւ ես իբրեւ զձեզդ էի. եղբարք, աղաչեմ զձեզ, չիք ինչ ձեր մեղուցեալ առ իս։

ԱՌ ԳԱՂԱՏԱՑԻՍ ԹՈՒՂԹ 4:12 ပူးပေါင်းရင်းမြစ်များ

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:5

Ապա թէ ոք տրտմեցոյց, ոչ եթէ զիս տրտմեցոյց, այլ փոքր ի շատէ, զի մի՛ ծանրացայց ամենեցուն ձեզ։

ԹԱԳԱՒՈՐՈՒԹԵԱՆՑ ԵՐՐՈՐԴ 22:4

Եւ ասէ արքայ Իսրայելի՝՝ ցՅովսափատ. Ելցե՞ս ընդ մեզ յՌամովթ Գաղաադ ի պատերազմ։ Եւ ասէ Յովսափատ ցարքայն Իսրայելի. Որպէս ես՝ նոյնպէս եւ դու, եւ որպէս զօրք իմ՝ զօրք քո, եւ որպէս երիվարք իմ՝ երիվարք քո։

ԾՆՈՒՆԴՔ 34:15

բայց այսու նմանեսցուք ձեզ, եւ բնակեսցուք ի միջի ձերում՝՝, եթէ լինիցիք իբրեւ զմեզ եւ դուք՝ ի թլփատել ձեզ զամենայն արու,

ԱՌ ԳԱՂԱՏԱՑԻՍ ԹՈՒՂԹ 6:14

Այլ ինձ քաւ լիցի պարծել, բայց միայն ի խաչն Տեառն մերոյ Յիսուսի Քրիստոսի, որով ինձ աշխարհ ի խաչ ելեալ է, եւ ես՝ աշխարհի։

ԱՌ ԳԱՂԱՏԱՑԻՍ ԹՈՒՂԹ 2:14

Այլ իբրեւ տեսի թէ ոչ ուղիղ գնան ի ճշմարտութիւն աւետարանին, ասեմ ցԿեփաս առաջի ամենեցուն. Եթէ դու որ Հրեայդ ես՝ հեթանոսաբար եւ ոչ Հրէաբար կեաս, զիա՞րդ ստիպես հեթանոսաց լինել Հրեարէն։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:13

արդ զնոյն հատուցումն, (իբրեւ ընդ որդեակս ունիմ,) ընդարձակեցարուք եւ դուք։

ԳՈՐԾՔ ԱՌԱՔԵԼՈՑ 21:21

Բայց իրազեկ եղեն վասն քո թէ ապստամբութիւն ուսուցանես ի Մովսիսէ որոց ի հեթանոսս ամենայն Հրեայք են. ասես, մի՛ թլփատել նոցա զորդիս, եւ մի՛ ըստ կրօնիցն գնալ։

ԱՌ ԳԱՂԱՏԱՑԻՍ ԹՈՒՂԹ 6:18

Շնորհք Տեառն մերոյ Յիսուսի Քրիստոսի ընդ ոգւոյդ ձերում, եղբարք։ Ամէն։ Առ Գաղատացիս գրեցաւ ի Հռովմէ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:11

Բերանք մեր բացեալ են առ ձեզ, Կորնթացիք, եւ սիրտք մեր ընդարձակեալք։

ԱՌ ԳԱՂԱՏԱՑԻՍ ԹՈՒՂԹ 4:11

Երկնչիմ ի ձէնջ, գուցէ թէ ի զուր ինչ վաստակեցի ի ձեզ։

ԱՌ ԳԱՂԱՏԱՑԻՍ ԹՈՒՂԹ 4:13

Գիտէք դուք զի տկարութեամբ մարմնոյ աւետարանեցի ձեզ զառաջինն. եւ զփորձանսն որ ի մարմնի իմում էին՝