ԱՌ ԳԱՂԱՏԱՑԻՍ ԹՈՒՂԹ 1:23 - Գրաբար Աստվածաշունչ (1895)

²³ Բայց զի լսելով լուեալ էր թէ՝ Որ հալածէրն զմեզ յայնժամ, արդ աւետարանէ զհաւատսն զոր երբեմն խախտէր.

ԱՌ ԳԱՂԱՏԱՑԻՍ ԹՈՒՂԹ 1:23 ပူးပေါင်းရင်းမြစ်များ

ԳՈՐԾՔ ԱՌԱՔԵԼՈՑ 19:13

Յանդգնեցան ոմանք եւ ի շրջող Հրէիցն, որ երդմնեցուցիչքն էին, անուանել ի վերայ այնոցիկ որք ունէին այսս չարս՝ զանուն Տեառն Յիսուսի, եւ ասէին. Երդմնեցուցանեմ զձեզ ի Յիսուս զոր Պաւղոսն քարոզէ։

ԳՈՐԾՔ ԱՌԱՔԵԼՈՑ 6:7

Եւ բանն Աստուծոյ աճէր, եւ բազմանայր թիւ աշակերտացն յոյժ յԵրուսաղէմ. եւ բազում ժողովք ի քահանայիցն անսային հաւատոցն։

ԳՈՐԾՔ ԱՌԱՔԵԼՈՑ 9:13

Պատասխանի ետ Անանիա. Տէր, լուայ ի բազմաց վասն առնն այնորիկ, որչափ արար չարիս սրբոց քոց յԵրուսաղէմ.

ԳՈՐԾՔ ԱՌԱՔԵԼՈՑ 9:20

Եւ վաղվաղակի ի ժողովուրդսն քարոզեաց զՅիսուս, թէ սա է Որդին Աստուծոյ։

ԳՈՐԾՔ ԱՌԱՔԵԼՈՑ 9:21

Զարմացեալ էին ամենեքեան որ լսէինն, եւ ասէին. Ո՞չ սա էր որ աւար հարկանէր յԵրուսաղէմ զայնոսիկ, որ կարդային զանուն Յիսուսի՝՝. եւ այսր նմին իրի եկեալ է, զի կապեալս զսոսա տարցի առ քահանայապետսն։

ԳՈՐԾՔ ԱՌԱՔԵԼՈՑ 9:26

Իբրեւ եկն Սաւղոս յԵրուսաղէմ, ընդելանէր յարել յաշակերտսն. եւ ամենեքեան երկնչէին ի նմանէ, չհաւատային թէ իցէ աշակերտ։

ԱՌ ԳԱՂԱՏԱՑԻՍ ԹՈՒՂԹ 6:10

Այսուհետեւ մինչդեռ ժամանակս ի ձեռս է, գործեսցուք զբարիս առ ամենեսեան, մանաւանդ առ ընտանիսն հաւատոյ։