ԵԶՐ 8:28 - Գրաբար Աստվածաշունչ (1895)

²⁸ Եւ ասացի ցնոսա. Եւ դուք սրբեալք Տեառն Աստուծոյ էք, եւ ամենայն կահ սուրբ է Տեառն, եւ ոսկեղէնք եւ արծաթեղէնք ընտրեալք Տեառն Աստուծոյ հարցն մերոց.

ԵԶՐ 8:28 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 23:28

Քանզի կացոյց զնոսա ի ձեռն որդւոցն Ահարոնի պաշտել ի տանն Տեառն, ի սրահսն եւ ի սենեակսն եւ ի սրբութիւնսն, եւ ի վերայ ամենայն սրբութեանցն, եւ ի պաշտամունսն տանն Աստուծոյ,

ՄՆԱՑՈՐԴԱՑ ԱՌԱՋԻՆ 26:20

Եւ Ղեւտացիքն եղբարբք իւրեանց հանդերձ՝՝ ի վերայ գանձին տանն Տեառն, եւ ի վերայ գանձին սրբոյն սրբոց։

ՄՆԱՑՈՐԴԱՑ ԵՐԿՐՈՐԴ 24:14

Եւ իբրեւ կատարեցին, բերին առ արքայ եւ ա՛ռ Յովիդայէ զմնացեալ արծաթն. եւ արարին սպաս ի տանն Տեառն, կահ պաշտաման ողջակիզացն, եւ խնկարանս ոսկեղէնս եւ արծաթեղէնս. եւ մատուցանէին ողջակէզս ի տան Տեառն հանապազ զամենայն աւուրս Յովիդայեայ։

ԵԶՐ 8:27

եւ այլ կահ ոսկւոյ՝ քսան եւ երեք. եւ կահ պղնձոյ սուրբ եւ մաքուր ոսկեզօծ՝՝։

ԵԼՔ 35:29

Եւ ամենայն այր եւ կին, որոց յօժարէին միտք իւրեանց, մտանէին գործել զամենայն գործն զոր պատուիրեաց Տէր գործել ի ձեռն Մովսիսի. բերէին որդիքն Իսրայելի զնուէրսն Տեառն։

ՄԱՐԳԱՐԷՈՒԹԻՒՆ ԵՍԱՅԵԱՅ 52:11

Ի բաց կացէք, ի բաց կացէք. ելէք այտի, եւ ի պիղծս մի՛ մերձենայք. ելէք ի միջոյ նոցա, եւ մեկնեցարուք, որ բարձեալ բերէք զսպաս Տեառն։

ԹԻՒՔ 7:13

Մատոյց զընծայսն իւր. կոնք մի արծաթի՝ ի հարեւր եւ յերեսուն կշռորդէ, տաշտ մի արծաթի՝ յեւթանասուն սկեղէ ըստ սրբութեան սկեղն, երկոքին լի նաշհով զանգելով ընդ իւղոյ ի զոհ,

ԵՐԿՐՈՐԴՈՒՄՆ ՕՐԻՆԱՑ 33:8

Եւ զՂեւեայ ասէ. Տուք Ղեւեայ զյայտնութիւն նորա, եւ զճշմարտութիւն նորա առնն անարատի, զոր փորձեցին փորձանօք, եւ բամբասեցին զնա՝՝ ի վերայ ջրոցն Հակառակութեան։