ԵԶՐ 7:25 - Գրաբար Աստվածաշունչ (1895)

²⁵ Եւ դու, Եզրա, որոյ է իմաստութիւն Աստուծոյ ի ձեռին քում, կացո գրիչս եւ դատաւորս զի դատեսցեն զամենայն ժողովուրդս որ են յայն կողմն Գետոյն, եւ ուսուսցեն ամենեցուն որք ոչ գիտիցեն զօրէնս Աստուծոյ քո։

ԵԶՐ 7:25 ပူးပေါင်းရင်းမြစ်များ

ԾՆՈՒՆԴՔ 41:38

Եւ ասէ փարաւոն ցամենայն ծառայս իւր. Միթէ գտանիցե՞մք այր այնպիսի որ ունիցի զոգի Աստուծոյ յանձին իւրում։

ԾՆՈՒՆԴՔ 41:39

Եւ ասէ փարաւոն ցՅովսէփ. Որովհետեւ եցոյց քեզ Աստուած զայդ ամենայն, չիք այր իմաստնագոյն եւ խորհրդական քան զքեզ։

ԹԱԳԱՒՈՐՈՒԹԵԱՆՑ ԵՐՐՈՐԴ 3:28

Եւ լուաւ ամենայն Իսրայէլ զդատաստանն զոր դատեցաւ արքայ, եւ զահի հարան յերեսաց արքայի. զի տեսին թէ իմաստութիւն Աստուծոյ է ի նմա առնել իրաւունս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:27

Եւ հրաման ետ արքայն Ասորեստանեայց եւ ասէ. Տարայք անդր զմի ոք ի քահանայիցն գերելոց անտի զի երթեալ բնակեսցէ անդ, եւ ցուցցէ զկրօնս Տեառն, եւ լուսաւորեսցէ զնոսա իրաւամբք՝՝ Աստուծոյ երկրին։

ՄՆԱՑՈՐԴԱՑ ԱՌԱՋԻՆ 22:12

Եւ տացէ քեզ Տէր հանճար եւ իմաստութիւն, եւ զօրացուսցէ զքեզ ի վերայ Իսրայելի, եւ պահեսցես առնել զօրէնս Տեառն Աստուծոյ քո։

ՄՆԱՑՈՐԴԱՑ ԱՌԱՋԻՆ 23:4

Եւ ի նոցանէ գործավարք ի վերայ գործոյ տանն, եւ քսան եւ չորք հազարք դպիրք, եւ դատաւորք վեց հազար,

ԵԶՐ 10:4

արի եւ լուիցուք ի բերանոյ քումմէ՝՝. եւ մեք ընդ քեզ. զօրացիր եւ արա որպէս եւ հրամայեալ է ի Տեառնէ Աստուծոյ՝՝։

ԵԶՐ 6:6

Յայնժամ Դարեհ ետ զգիր հրամանի իշխանաց կողմանց Գետոյն, Սաթրաբուզանայ եւ ծառայակցաց նորա ի կողմանս Գետոյն, եւ եւս ի հեռագոյն տեղիս՝՝։

ԵԶՐ 7:10

Եւ եդ Եզրա ի սրտի իւրում՝՝ խնդրել զօրէնսն Տեառն, եւ գրել զնա եւ ուսուցանել Իսրայելի զհրամանս եւ զդատաստանս։

ԵԶՐ 7:14

Յերեսաց թագաւորի եւ եւթն խորհրդակցացն առաքեցաւ գիրս այս, այց առնել Հրէիցն եւ Երուսաղեմացւոցն առաջնորդութեամբ Եզրի, որոյ են օրէնք Աստուծոյ ի ձեռին իւրում։

ԳԻՐՔ ՆԷԵՄԵԱՅ 9:3

Եւ կային ի կարգի իւրեանց. եւ կարդայր Եզրա զգիրս օրինացն Տեառն Աստուծոյ. եւ երկիր պագանէին ամենայն ժողովուրդքն՝՝ Տեառն Աստուծոյ իւրեանց։

ԳԻՐՔ ՍԱՂՄՈՍԱՑ 19:7

Այժմ ծանեայ՝ զի կեցոյց Տէր զօծեալ իւր. լուաւ սմա յերկնից ի սրբութենէ իւրմէ, ի զօրութիւն փրկութեան աջոյ իւրոյ։

ԱՌԱԿՔ ՍՈՂՈՄՈՆԻ 2:6

Զի Տէր տայ զիմաստութիւն, եւ յերեսաց նորա գիտութիւն եւ հանճար։

ԱՌԱԿՔ ՍՈՂՈՄՈՆԻ 6:23

Զի ճրագ է պատուիրան օրինացն, լոյս՝՝ եւ ճանապարհ կենաց՝ յանդիմանութիւն եւ խրատ,

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:7

Զի շրթունք քահանային զգուշասցին գիտութեան, եւ օրէնս խնդրեսցեն ի բերանոյ նորա. զի հրեշտակ Տեառն ամենակալի է։

Մատթեոսի Աւետարան 13:52

Եւ նա ասէ ցնոսա. Վասն այսորիկ ամենայն դպիր աշակերտեալ արքայութեան երկնից նման է առն տանուտեառն, որ հանէ ի գանձէ իւրմէ զնոր եւ զհին։

ԱՒԵՏԱՐԱՆ ԸՍՏ ՄԱՐԿՈՍԻ 6:34

Եւ ելեալ ետես ամբոխ բազում եւ գթացաւ ի նոսա, զի էին իբրեւ ոչխարք որոց ոչ իցէ հովիւ. եւ սկսաւ ուսուցանել զնոսա յոյժ։

ԵՐԿՐՈՐԴՈՒՄՆ ՕՐԻՆԱՑ 16:18

Դատաւորս եւ ատենադպիրս կացուսցես յամենայն քաղաքս քո զոր Տէր Աստուած քո տացէ քեզ ըստ ցեղից, եւ դատեսցեն զժողովուրդն դատաստան արդար։

ԱՌ ԿՈՂՈՍԱՑԻՍ ԹՈՒՂԹ 1:28

զոր մեքն քարոզեմք, եւ խրատեմք զամենայն մարդ, եւ ուսուցանեմք զամենայն մարդ ամենայն հոգեւոր իմաստութեամբ, զի կացուսցուք զամենայն մարդ կատարեալ ի Քրիստոս Յիսուս.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:5

Ապա թէ ոք ի ձէնջ իցէ նուազեալ յիմաստութենէ, խնդրեսցէ յԱստուծոյ որ տայն ամենայնի առատապէս եւ ոչ նախատէ, եւ տացի նմա։