ԵԶՐ 7:24 - Գրաբար Աստվածաշունչ (1895)

²⁴ Եւ ետու ձեզ գիտել՝ թէ ամենայն որ իցեն ի քահանայից եւ յՂեւտացւոց եւ ի սաղմոսերգողաց, ի դռնապանացն եւ ի Նաթանայացւոցն, եւ որք իցեն սպասաւորք տանն Աստուծոյ, մի՛ տացեն հարկս եւ մի՛ ոք իշխեսցէ ծառայեցուցանել զնոսա։

ԵԶՐ 7:24 ပူးပေါင်းရင်းမြစ်များ

ԾՆՈՒՆԴՔ 47:22

Բաց յերկրէ քրմացն, զի ոչ ստացաւ զնոսա Յովսէփ. քանզի տալով տայր պարգեւս քրմացն փարաւոնի, եւ ուտէին զպարգեւսն զոր տայր նոցա փարաւոն. վասն այնորիկ ոչ վաճառեցին զերկիրն իւրեանց։

ԾՆՈՒՆԴՔ 47:26

Եւ եդ նոցա օրէնս Յովսէփ մինչեւ ցայսօր յերկրին Եգիպտացւոց՝ հինգերորդել փարաւոնի, բաց յերկրէ քրմացն որ չէր փարաւոնի։

ԵԶՐ 4:13

Այժմ գիտութիւն լիցի քեզ, թագաւոր, որ եթէ քաղաքն այն շինեսցի եւ պարիսպք նորա կանգնեսցին, հարկս քեզ ոչ ոք տայ.

ԵԶՐ 4:20

Եւ թագաւորք հզօրք եւ բռնաւորք կացեալ են յԵրուսաղէմ, բռնացեալ կալեալ զայն կողմն արեւմտից՝ յայն կողմն Եփրատ գետոյ։ Արդ դիք ի վերայ դոցա հարկս եւ հասս, զի մի՛ եւ այլ կամակարեալ բռնասցին։

ԵԶՐ 7:7

Եւ ելին ընդ նմա յորդւոցն Իսրայելի եւ ի քահանայից եւ յՂեւտացւոց, եւ յերգեցիկ պաշտօնէից եւ ի դռնապանաց եւ ի Նաթանայացւոցն՝ յԵրուսաղէմ. յամին եւթներորդի Արտաշիսի թագաւորի,

ԳԻՐՔ ՆԷԵՄԵԱՅ 5:4

Եւ էին ոմանք որ ասէին. Տուաք զստացուածս մեր, եւ առաք ոսկի եւ արծաթ, եւ տուաք ի հարկս թագաւորի։

Մատթեոսի Աւետարան 9:9

Եւ անցեալ ընդ այն Յիսուսի՝ ետես այր մի զի նստէր ի մաքսաւորութեան, Մատթէոս անուն, եւ ասէ ցնա. Եկ զկնի իմ։ Եւ յարուցեալ գնաց զկնի նորա։