ԵԶՐ 7:21 - Գրաբար Աստվածաշունչ (1895)

²¹ Ես Արտաշէս թագաւոր ետու հրաման ամենայն գանձաւորաց որ իցեն յայն կողմն Եփրատ գետոյն. զամենայն ինչ որ եւ խնդրեսցէ ի ձէնջ Եզրա քահանայ եւ գրիչ օրինացն Տեառն Աստուծոյ երկնից, տաջիք ի տուն Տեառն Աստուծոյ նորա։

ԵԶՐ 7:21 ပူးပေါင်းရင်းမြစ်များ

ԵԶՐ 4:16

Արդ տուաք մեք քեզ գիտել, թագաւոր, եթէ քաղաքս այս շինեսցի եւ պարիսպք սորա կանգնեսցին՝ չէ քեզ խաղաղութիւն։

ԵԶՐ 4:20

Եւ թագաւորք հզօրք եւ բռնաւորք կացեալ են յԵրուսաղէմ, բռնացեալ կալեալ զայն կողմն արեւմտից՝ յայն կողմն Եփրատ գետոյ։ Արդ դիք ի վերայ դոցա հարկս եւ հասս, զի մի՛ եւ այլ կամակարեալ բռնասցին։

ԵԶՐ 6:6

Յայնժամ Դարեհ ետ զգիր հրամանի իշխանաց կողմանց Գետոյն, Սաթրաբուզանայ եւ ծառայակցաց նորա ի կողմանս Գետոյն, եւ եւս ի հեռագոյն տեղիս՝՝։

ԵԶՐ 7:1

Եւ յետ բանիցս այսոցիկ ի թագաւորութեանն Արտաշիսի արքայի Պարսից ել Եզրա որդի Սարուայ, որդւոյ Ազարեայ, որդւոյ Քեղկեայ,

ԵԶՐ 7:22

Պատրաստ արարէք արծաթ տաղանդս հարեւր, եւ ցորեան՝ քոռս հարեւր, եւ գինի՝ նոյնչափ, եւ ձէթ՝ նոյնչափ. եւ մի՛ ոք կացցէ ընդդէմ հրամանաց թագաւորի։

ԵԶՐ 7:6

այս Եզրա որ ել ի Բաբելոնէ. եւ սա էր գրիչ արագագիր օրինացն Մովսիսի զոր ետ Տէր Աստուած Իսրայելի. եւ ետ նմա թագաւորն զամենայն որ ինչ խնդրեաց ի նմանէ, զի ձեռն Տեառն Աստուծոյ էր ընդ նմա։

ԵԶՐ 8:36

Եւ ետուն զգիր կարասւոյն, զոր հրամայեալ էր թագաւորին ցիշխանս կողմանց գետոյն Եփրատու. եւ փառաւորեցին զժողովուրդն եւ զտաճարն Աստուծոյ՝՝։

ԳԻՐՔ ՆԷԵՄԵԱՅ 2:7

Եւ ասացի ցթագաւորն. Եթէ գտի շնորհս առաջի քո, տուր ինձ թուղթս առ իշխանս կողմանց Գետոյն, եւ տարցին զիս մինչեւ երթայց ի Հրէաստան,

ԳԻՐՔ ՍԱՂՄՈՍԱՑ 119:4

Որպէս նետք հզօրի, զի մխեալ կայծակամբք կաղնւոյ։