ԵԶՐ 6:8 - Գրաբար Աստվածաշունչ (1895)

⁸ Եւ իմ հրամայեալ՝ մի՛ ոք արգելցէ զծերսն Իսրայելի՝՝ ի շինել զտուն Տեառն Աստուծոյ իւրեանց. եւ յիշխանութենէ թագաւորութեան իմոյ որ են հարկահանք կողմանց Գետոյն՝՝ ամենայն զգուշութեամբ տացեն զծախս արանցն այնոցիկ եւ մի՛ խափանեսցեն։

ԵԶՐ 6:8 ပူးပေါင်းရင်းမြစ်များ

ԵԶՐ 4:16

Արդ տուաք մեք քեզ գիտել, թագաւոր, եթէ քաղաքս այս շինեսցի եւ պարիսպք սորա կանգնեսցին՝ չէ քեզ խաղաղութիւն։

ԵԶՐ 4:23

Յայնժամ հարկահանն Արսասաս թագաւորի՝ այսինքն է Արտաշէսի՝ բերեալ կարդաց զգիրն առաջի Հռեսիմայ եւ Սամսայի գրչի, եւ ծառայակցաց նորա. եւ ելեալ փութապէս յԵրուսաղէմ եւ ի Հրէաստան մեծաւ զօրութեամբ եւ այրուձիով՝ արգելին եւ խափանեցին զՀրեայսն ի շինելոյ։՝՝

ԵԶՐ 5:5

Եւ էին աչք Տեառն Աստուծոյ ի վերայ Հրէիցն դարձելոցն ի գերութենէն՝՝. եւ ոչ խափանեցին զնոսա մինչեւ տացեն գիտել Դարեհի արքայի. եւ յայնժամ առաքեցին զհարկահանս վասն իրացս այսոցիկ՝ զի տեղեկասցին գրով։

ԵԶՐ 6:14

Եւ ծերքն Հրէից եւ Ղեւտացիքն շինէին՝՝, ի ժամանակս մարգարէութեանն Անգեայ եւ Զաքարեայ որդւոյ Ադդովայ. եւ շինեցին եւ հաստատեցին ըստ հրամանին Տեառն Աստուծոյ Իսրայելի. եւ որպէս հրամայեցին Կիւրոս թագաւոր եւ Դարեհ, եւ ի ժամանակս Արտաշիսի թագաւորին Պարսից։

ԵԶՐ 6:4

եւ կարգք երեք ի զօրաւոր քարանց, եւ կարգ մի փայտեղէն. եւ այսպէս շինեսցի եւ յարկցի ամենայն տաճարն՝՝։

ԵԶՐ 6:7

Եւ արդ յայսմ հետէ թոյլ տուք շինել զտունն Աստուծոյ իշխանացն Հրէից եւ ծերոցն Իսրայելի եւ շինեսցեն զտունն Աստուծոյ ի տեղւոջ իւրում։

ԵԶՐ 6:9

Եւ զորդիս ցլուց՝՝ եւ խոյս եւ ամիկս յողջակէզս Տեառն Աստուծոյ երկնից. ցորեան եւ աղ եւ գինի եւ ձէթ, որպէս եւ հրամայեսցեն քահանայապետքն յԵրուսաղէմ. եւ լիցի անխափան տուեալ օր ըստ օրէ որպէս եւ խնդրեսցեն՝՝.

ԵԶՐ 7:14

Յերեսաց թագաւորի եւ եւթն խորհրդակցացն առաքեցաւ գիրս այս, այց առնել Հրէիցն եւ Երուսաղեմացւոցն առաջնորդութեամբ Եզրի, որոյ են օրէնք Աստուծոյ ի ձեռին իւրում։

ԳԻՐՔ ՆԷԵՄԵԱՅ 11:23

վասն զի հրաման թագաւորին էր առ նոսա լինել անդ. եւ անխափան ունել զպաշտօնն։

ԳԻՐՔ ՆԷԵՄԵԱՅ 2:8

եւ թուղթ մի առ Ասափ, որ է պահապան դրախտին արքունի. զի տացէ ինձ փայտս ի կազմած դրանցն եւ պարսպաց քաղաքին, եւ տանն յոր ես մտից անդր։ Եւ ետ ինձ թագաւորն. վասն զի ձեռն Աստուծոյ իմոյ էր ընդ իս բարութեամբ։

ՄԱՐԳԱՐԷՈՒԹԻՒՆ ԱՆԳԵԱՅ 2:8

Իմ է արծաթ եւ իմ է ոսկի, ասէ Տէր ամենակալ։