ԵԶՐ 5:11 - Գրաբար Աստվածաշունչ (1895)

¹¹ Եւ զայս պատասխանի արարեալ Հրէիցն ասեն ցմեզ. Մեք եմք ծառայք Տեառն Աստուծոյ երկնի եւ երկրի, եւ շինեմք զտունս զայս որպէս եւ էր շինեալ յառաջ քան զբազում ամս, զոր շինեաց թագաւորն Իսրայելի մեծն Սողոմոն. ըստ այնմ օրինակի եւ մեք հաստատեմք զսա։

ԵԶՐ 5:11 ပူးပေါင်းရင်းမြစ်များ

ԾՆՈՒՆԴՔ 24:3

եւ երդմնեցուցից զքեզ ի Տէր, յԱստուած երկնից եւ յԱստուած երկրի, զի մի՛ առցես կին որդւոյ իմում Իսահակայ ի դստերաց Քանանացւոց յորոց միջի ես բնակեմ։

ԹԱԳԱՒՈՐՈՒԹԵԱՆՑ ԵՐՐՈՐԴ 6:38

եւ յամին մետասաներորդի՝ յամսեանն ի Բուլ, այն է ամիսն ութերորդ, կատարեցաւ տունն ըստ ամենայն բանի նորա, եւ ըստ ամենայն յօրինուածոյն իւրոյ. եւ շինեաց զնա զեւթն ամ։

ԹԱԳԱՒՈՐՈՒԹԵԱՆՑ ԵՐՐՈՐԴ 9:10

Եւ եղեւ յաւուրսն յայնոսիկ յամս քսան զոր՝՝ շինեաց Սողոմոն զերկոսին տունսն՝ զտունն Տեառն եւ զտունն արքայի,

ԵԶՐ 5:10

Եւ խնդրեալ զանուանս առաջնորդացն, զի տացուք տեղեկութիւն ձեզ, եւ զի գրեսցուք զանուանս արանց իշխանաց նոցա։

ՄԱՐԳԱՐԷՈՒԹԻՒՆ ՅՈՎՆԱՆՈՒ 1:9

Ասէ ցնոսա. Ծառայ Տեառն՝՝ եմ ես, եւ զՏէր Աստուած երկնից պաշտեմ որ արար զծով եւ զցամաք։

Մատթեոսի Աւետարան 10:32

Ամենայն որ խոստովանեսցի յիս առաջի մարդկան, խոստովանեցից եւ ես զնմանէ առաջի Հօր իմոյ որ յերկինսն է.

ԱՒԵՏԱՐԱՆ ԸՍՏ ՂՈՒԿԱՍՈՒ 12:8

Ասեմ ձեզ զի՝ Ամենայն որ խոստովանեսցի յիս առաջի մարդկան, եւ Որդի մարդոյ խոստովանեսցի զնմանէ առաջի հրեշտակաց Աստուծոյ։

ԳՈՐԾՔ ԱՌԱՔԵԼՈՑ 27:23

Քանզի երեւեցաւ ինձ յայսմ գիշերի հրեշտակ Աստուծոյ որոյ եսն եմ եւ պաշտեմ զնա,

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:16

Զի ոչ եթէ ամօթ ինչ համարիմ զաւետարանն, քանզի զօրութիւն Աստուծոյ է ի փրկութիւն ամենայն հաւատացելոց. նախ Հրէի եւ ապա հեթանոսի։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 6:16

Ո՞չ գիտէք թէ որում պատրաստէք զանձինս ձեր ծառայս ի հնազանդութիւն՝ ծառայ էք որում հնազանդիքն. եթէ մեղաց՝ մահու, եւ եթէ ի հնազանդութիւն՝ արդարութեան։

ԱՌ ԳԱՂԱՏԱՑԻՍ ԹՈՒՂԹ 6:14

Այլ ինձ քաւ լիցի պարծել, բայց միայն ի խաչն Տեառն մերոյ Յիսուսի Քրիստոսի, որով ինձ աշխարհ ի խաչ ելեալ է, եւ ես՝ աշխարհի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:15

Ապա թէ ոչ իցէ ձեզ հաճոյ պաշտել զՏէր, ընտրեցէք այսօր թէ զո՛ պաշտիցէք. զաստուածս հա՞րցն ձերոց որ յայնկոյս Գետոյն էին, թէ զաստուածս Ամովրհացւոցն յորոց դուք բնակեալ էք յերկրի նոցա. այլ ես եւ տուն իմ պաշտեմ զՏէր, զի սուրբ է։՝՝