ԵԶՐ 4:19 - Գրաբար Աստվածաշունչ (1895)

¹⁹ հասի ի վերայ եւ գտի զի քաղաքդ այդ յաւիտեանս ժամանակաց ապստամբ է, եւ ընդդէմ թագաւորաց լեալ է։

ԵԶՐ 4:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:7

Եւ էր Տէր ընդ նմա, յամենայնի զոր ինչ եւ առնէր՝ խելամուտ լինէր, եւ նշկահեաց զարքայն Ասորեստանի եւ ոչ ծառայեաց նմա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:20

Զի սրտմտութիւն Տեառն էր ի վերայ Երուսաղեմի եւ Յուդայ, մինչեւ ընկէց զնոսա յերեսաց իւրոց. եւ նշկահեաց Սեդեկիա զարքայն Բաբելացւոց։

ԵԶՐ 4:15

զի տեսցես եւ արասցես եւ գտցես ի գիրս յիշատակարանաց հարցն քոց. եւ գիտացեալ եթէ քաղաքս այս ապստամբողաց է, եւ յամենայն ժամ ընդդէմ կացին թագաւորաց, եւ ապաստան են ամենայն փախստէից յամենայն ժամանակս յաւիտենից, եւ վասն այսորիկ քաղաքս այս իսկ աւերեցաւ։

ԵԶՐ 4:18

Խաղաղութիւն ընդ ձեզ. զհարկահանս զորս առաքեցէք առ իս, մտեալ առաջի իմ եւ տեղեկացուցեալ ինձ զամենայն,

ԵԶՐ 4:20

Եւ թագաւորք հզօրք եւ բռնաւորք կացեալ են յԵրուսաղէմ, բռնացեալ կալեալ զայն կողմն արեւմտից՝ յայն կողմն Եփրատ գետոյ։ Արդ դիք ի վերայ դոցա հարկս եւ հասս, զի մի՛ եւ այլ կամակարեալ բռնասցին։

ԵԶՐ 5:17

Արդ եթէ բարւոք թուի քեզ, թագաւոր, այց արա եւ տես ի տունս պահպանութեանց գրոց յիշատակարանաց թագաւորաց Բաբելացւոց՝՝. զի գիտասցես թէ արդարեւ Կիւրոս թագաւորն հրամայեա՞ց շինել զտունս Տեառն ի Հրէաստանի՝՝ յԵրուսաղէմ. եւ տեղեկացեալ քո, թագաւոր, վասն իրացս այսոցիկ՝ առաքեսջիր առ մեզ։

ԱՌԱԿՔ ՍՈՂՈՄՈՆԻ 25:2

Փառք Աստուծոյ ծածկեն զբան, փառք թագաւորի պատուեն զհրամանս։՝՝

ԵՐԿՐՈՐԴՈՒՄՆ ՕՐԻՆԱՑ 13:14

եւ քննեսցես եւ հարցցես եւ յուզեսցես յոյժ, եւ ահա ստոյգ հաւաստեաւ իցէ բանն, եւ եղեալ իցէ գարշութիւնն ի ձեզ,