ԵԶՐ 10:14 - Գրաբար Աստվածաշունչ (1895)

¹⁴ Կացցեն իշխանք յամենայն տեղիս եւ ի քաղաքս, եւ՝՝ որոց իցէ արարեալ կանայս յայլազգեաց՝ եկեսցեն ի ժամանակին զոր ծերքն եւ հայրապետքն կարգեսցեն ի քաղաքս քաղաքս, եւ դատեալ քաւեսցեն զմեղս զայս ի մէնջ, եւ դարձուսցեն զբարկութիւն՝՝ Աստուծոյ ի մէնջ որ վասն բանիս այսորիկ։

ԵԶՐ 10:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:26

Սակայն ոչ դարձաւ Տէր ի սրտմտութենէ բարկութեան իւրոյ մեծէ զոր սրտմտեցաւ բարկութեամբ իւրով ի վերայ Յուդայ վասն զայրացութեանցն որովք զայրացոյց զնա Մանասէ։

ՄՆԱՑՈՐԴԱՑ ԵՐԿՐՈՐԴ 28:11

Եւ արդ լուարուք ինձ, եւ դարձուցէք անդրէն զգերութիւնդ զորս գերեցէք դուք յեղբարց ձերոց. վասն զի բարկութիւն սրտմտութեան Տեառն լինի ի վերայ ձեր։

ՄՆԱՑՈՐԴԱՑ ԵՐԿՐՈՐԴ 29:10

Եւ այսուհետեւ լիցի ի սիրտս մեր՝՝ դնել ուխտ Տեառն Աստուծոյ Իսրայելի, եւ դարձուսցէ զսրտմտութիւն բարկութեան իւրոյ ի մէնջ։

ՄՆԱՑՈՐԴԱՑ ԵՐԿՐՈՐԴ 30:8

Եւ արդ մի՛ խստացուցանէք զպարանոցս ձեր. տուք փառս Աստուծոյ՝՝, եւ մտէք ի սրբութիւնս նորա զոր սրբեաց յաւիտեան, եւ ծառայեցէք Տեառն Աստուծոյ ձերում, եւ դարձուսցէ ի ձէնջ զբարկութիւն սրտմտութեան իւրոյ։

ԵԶՐ 10:13

վասն զի՝՝ ժողովուրդ բազումք եմք, եւ ժամանակս ձմեռն է. եւ ոչ կարեմք կալ արտաքոյ, եւ գործդ ոչ է զմի օր կամ զերկու, վասն զի սաստիկ մեղաք յիրս յայս։

ՄԱՐԳԱՐԷՈՒԹԻՒՆ ԵՍԱՅԵԱՅ 12:1

Եւ ասասցես յաւուր յայնմիկ. Օրհնեցից զքեզ, Տէր, զի բարկացար ինձ, եւ դարձուցեր զսրտմտութիւն քո յինէն, եւ ողորմեցար ինձ՝՝։

ԹԻՒՔ 25:4

Եւ ասէ Տէր ցՄովսէս. Ա՛ռ զամենայն իշխանս ժողովրդեանդ, եւ առակեա զդոսա առաջի Տեառն յանդիման արեգական, եւ դարձցի սրտմտութիւն բարկութեան Տեառն յԻսրայելէ։

ԵՐԿՐՈՐԴՈՒՄՆ ՕՐԻՆԱՑ 13:17

Եւ մի՛ կռուիցի ի ձեռին քում ի նզովից նորա, զի դարձցի Տէր ի բարկութենէ սրտմտութեան իւրոյ, եւ տացէ քեզ ողորմութիւն, եւ ողորմեսցի քեզ եւ բազմացուսցէ զքեզ, զոր օրինակ երդուաւ Տէր հարցն քոց,

ԵՐԿՐՈՐԴՈՒՄՆ ՕՐԻՆԱՑ 17:9

եւ երթայցես առ քահանայսն Ղեւտացիս, եւ առ դատաւորն որ լինիցի յաւուրսն յայնոսիկ, եւ քննեալ պատմեսցեն քեզ զդատաստանն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:26

Եւ կուտեցին ի վերայ նոցա կարկառ մեծ քարանց մինչեւ ցայսօր։ Եւ դադարեաց Տէր ի սրտմտութենէ բարկութեան իւրոյ. վասն այնորիկ անուանեաց զնա Եմակ Աքովրայ մինչեւ ցայսօր։