ԵԶՐ 10:11 - Գրաբար Աստվածաշունչ (1895)

¹¹ Եւ արդ տուք զօրհնութիւն Տեառն Աստուծոյ հարցն ձերոց, եւ արարէք զհաճոյսն առաջի նորա. եւ զատեալ որոշեցայք յամենայն հեթանոսաց երկրի եւ ի կանանց այլազգեաց զորս արարէք։

ԵԶՐ 10:11 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 30:22

Եւ խօսեցաւ Եզեկիաս ի սիրտս ամենայն Ղեւտացւոցն եւ յայլոց իմաստնոցն՝՝ որք իմանային զհանճար բարի Տեառն, եւ կատարեցին զտօն բաղարջոցն աւուրս եւթն, զենուլ զզոհս փրկութեանն եւ խոստովան լինել Տեառն Աստուծոյ հարցն իւրեանց։

ԵԶՐ 10:10

Եւ յարուցեալ Եզրայ՝՝ ասէ ցնոսա. Դուք էք որ՝՝ մեղայք, եւ արարէք կանայս զդստերս այլազգեաց, եւ յաւելիք զմեղս եւ զանօրէնութիւնս ի վերայ Իսրայելի։

ԵԶՐ 10:12

Եւ պատասխանի ետուն ամենայն եկեղեցին եւ ասեն. Մեծ է բանս այս զոր ասես դու ի վերայ մեր.

ԵԶՐ 10:3

Եւ արդ ուխտեսցուք ուխտս առաջի Տեառն Աստուծոյ մերոյ հանել զամենայն կանայս այլազգիս եւ զզաւակս որ ի նոցանէ. եւ արդ որպէս կամիս արի եւ կեցո զսոսա օրինօքն Տեառն Աստուծոյ եւ որպէս պատուիրանք հրամայեն.

ԵԶՐ 9:1

Եւ ի կատարել այսր ամենայնի՝ մերձեցան առ իս իշխանքն եւ ասեն. Ոչ որոշեցան ժողովուրդն Իսրայելի եւ քահանայքն եւ Ղեւտացիքն ի ժողովրդոց եւ յերկրէ՝ որ են հեռագոյն ի նոցանէ.՝՝ Քանանացին եւ Քետացին եւ Փերեզացին եւ Յեբուսացին եւ Ամմոնացին եւ Մովաբացին եւ Եգիպտացին եւ Ամովրհացին։

ԳԻՐՔ ՆԷԵՄԵԱՅ 13:3

Եւ եղեւ յորժամ լուան յօրինացն, որոշեցին ի բաց զամենայն խառնեալսն յԻսրայէլէ։

ԳԻՐՔ ՆԷԵՄԵԱՅ 9:2

Եւ որոշեցան որդիքն Իսրայելի յամենայն որդւոցն այլազգեաց, եւ քաւեցին զմեղս իւրեանց եւ զմեղս հարցն իւրեանց։

ԳԻՐՔ ՍԱՂՄՈՍԱՑ 32:5

եւ սիրէ զողորմութիւն եւ զիրաւունս Տէր. ողորմութեամբ Տեառն լի եղեւ երկիր.

ԱՌԱԿՔ ՍՈՂՈՄՈՆԻ 28:13

Որ ծածկէ զամպարշտութիւն իւր՝ ոչ յաջողեսցի, իսկ որ ի վեր հանէ եւ յանդիմանէ՝ սիրելի լիցի՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 56:4

Այսպէս ասէ Տէր ցներքինիսն որ պահիցեն զպահպանութիւնս իմ, եւ ընտրեսցեն զոր կամիմ, եւ կայցեն յուխտին իմում.

ՄԱՐԳԱՐԷՈՒԹԻՒՆ ԵՐԵՄԵԱՅ 3:13

Բայց ծանիր զանիրաւութիւնս քո, զի ի Տէր Աստուած քո ամպարշտեցար. եւ տարածեցեր զճանապարհս քո օտարաց ի ներքոյ ամենայն անտառախիտ ծառոց, եւ ձայնի իմում ոչ լուար, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 7:3

Այսպէս ասէ Տէր զօրութեանց՝ Աստուած Իսրայելի. Ուղիղ արարէք զճանապարհս ձեր եւ զգնացս, եւ բնակեցուցից զձեզ ի տեղւոջս յայսմիկ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:30

Վասն այսորիկ զիւրաքանչիւր ոք ըստ իւրում ճանապարհի դատեցայց, տունդ Իսրայելի, ասէ Ադոնայի Տէր. դարձայք եւ դարձարուք յամենայն ամպարշտութեանց ձերոց, եւ ոչ լինիցի ձեզ ի տանջանս անիրաւութեան՝՝։

ԱՒԵՏԱՐԱՆ ԸՍՏ ՅՈՎՀԱՆՆՈՒ 9:24

Դարձեալ կրկին անգամ կոչեցին զայրն որ կոյրն էր, եւ ասեն ցնա. Տուր փառս Աստուծոյ. մեք գիտեմք զի այրն այն մեղաւոր է։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:2

եւ մի՛ կերպարանիք կերպարանօք աշխարհիս այսորիկ, այլ նորոգեցարուք ի նորոգութիւն մտաց ձերոց, առ ի քննել ձեզ զլաւն, եւ՝՝ եթէ զինչ են կամքն Աստուծոյ՝ բարին եւ հաճոյն եւ կատարեալն։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:17

Վասն որոյ ելէք ի միջոյ նոցա եւ մեկնեցարուք, ասէ Տէր, եւ ի պիղծս մի՛ մերձենայք.

ԱՌ ԿՈՂՈՍԱՑԻՍ ԹՈՒՂԹ 1:10

գնալ ձեզ արժանի Տեառն յամենայն հաճութեան, յամենայն գործս բարութեան պտղաբերք եւ աճեցունք գիտութեամբն Աստուծոյ.

ԱՌ ԵԲՐԱՅԵՑԻՍ ԹՈՒՂԹ 13:21

հաստատեսցէ զձեզ ի գործս բարութեան առնել զկամս նորա, եւ արասցէ ի մեզ զհաճոյսն առաջի իւր ի ձեռն Յիսուսի Քրիստոսի, որում փառք յաւիտեանս։ Ամէն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:19

Եւ ասէ Յեսու ցԱքար. Որդեակ իմ, տուր փառս այսօր Տեառն Աստուծոյ Իսրայելի, եւ տուր խոստովանութիւն եւ պատմեա ինձ զինչ գործեցեր, եւ մի՛ թաքուցաներ յինէն։