ՄԱՐԳԱՐԷՈՒԹԻՒՆ ԵԶԵԿԻԵԼԻ 47:19 - Գրաբար Աստվածաշունչ (1895)

¹⁹ Եւ ընդ հարաւ, առ հարաւով ի Թեմանայ եւ յարմաւաստանէ մինչեւ ի ջուրն Մարիբովթ Կադէս՝՝ որ ձգի ի ծովն մեծ. այս բաժին հարաւային, եւ առ հարաւով։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:65

Եւ արար Սողոմոն յաւուր յայնմիկ տօն, եւ ամենայն Իսրայէլ ընդ նմա եկեղեցի մեծ, ի մտիցն Եմաթայ մինչեւ ցգետն Եգիպտացւոց. առաջի Տեառն Աստուծոյ մերոյ ի տանն զոր շինեաց, ուտելով եւ ըմպելով եւ ուրախ լինելով առաջի Տեառն Աստուծոյ մերոյ՝՝ զեւթն օր եւ զեւթն օր, աւուրս չորեքտասան։

ԹԱԳԱՒՈՐՈՒԹԵԱՆՑ ԵՐՐՈՐԴ 9:18

եւ զԲաղաթ եւ զԹերմովթ յանապատի յերկրի անդ,

ՄՆԱՑՈՐԴԱՑ ԵՐԿՐՈՐԴ 20:2

Եկին եւ ցուցին Յովսափատայ եւ ասեն. Եկն ի վերայ քո ամբոխ բազում յայնմ կողմանէ ծովուն յԱսորեաց, եւ ահա են յԱսասանթամար՝ որ է Ենգադդի։

ԳԻՐՔ ՍԱՂՄՈՍԱՑ 81:7

Դուք աւադիկ որպէս մարդիկ մեռանիք, եւ որպէս զմի յիշխանաց անկանիք։

ՄԱՐԳԱՐԷՈՒԹԻՒՆ ԵՍԱՅԵԱՅ 27:12

Եւ եղիցի յաւուր յայնմիկ, արգել արկցէ՝՝ Տէր ի փոսոյ Գետոյն մինչեւ ի կողմանս Ռինոկորուրայ. բայց դուք մի մի ժողովեցէք զորդիսն՝՝ Իսրայելի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:10

Եւ կացցեն ի նմա որսորդք յԵնգադեայ մինչեւ ցԵնգադիմ. ձգանք ուռկանաց առանձինն եղիցին, եւ ձկունք նորա իբրեւ զձկունս ծովուն մեծի, եւ բազմութիւն բազում յոյժ.

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:15

Եւ այս են սահմանք երկրին. Որ ընդ կողմ հիւսիսոյ, ի ծովէն մեծէ, որ իջանէ եւ մեկնէ ի մուտս Եղղադայ

ՄԱՐԳԱՐԷՈՒԹԻՒՆ ԵԶԵԿԻԵԼԻ 48:28

Եւ ի սահմանացն Գադայ մինչեւ ցհարաւ եղիցի սահմանք նորա, ի Թեմանայ եւ ի ջրոցն Ռաբովթ Կադէս՝ ժառանգութիւն մի մինչեւ ցծովն՝՝ մեծ։

ԹԻՒՔ 20:1

Եւ եկին որդիքն Իսրայելի ամենայն ժողովրդեամբն յանապատն Սինայի, յառաջնում ամսեանն. եւ բանակեցաւ ժողովուրդն ի Կադէս. եւ վախճանեցաւ անդ Մարիամ, եւ անդ թաղեցաւ։

ԹԻՒՔ 20:13

Այն է Ջուր բամբասանաց. զի բամբասեցին որդիքն Իսրայելի առաջի՝՝ Տեառն, եւ սրբեցաւ ի նոսա։

ԹԻՒՔ 34:3

եւ եղիցի ձեզ կողմն ընդ հարաւ ի Սինն անապատէ մինչեւ մօտ յԵդովմ. եւ եղիցին ձեզ սահմանքն որ ընդ հարաւ իցեն, ի մասնէ Աղի ծովուն յարեւելից կողմանէ.

ԹԻՒՔ 34:5

Եւ պատիցին սահմանքն յԱսեմոնայ ձորոյն Եգիպտացւոց, եւ եղիցին ելք նորա ընդ ծովն։

ԵՐԿՐՈՐԴՈՒՄՆ ՕՐԻՆԱՑ 32:51

փոխանակ զի հեստեցէք բանին իմոյ ի մէջ որդւոցն Իսրայելի ի վերայ ջուրցն Հակառակութեան ի Կադէս, յանապատին ի Սին. զի ոչ սրբեցէք զիս ի մէջ որդւոցն Իսրայելի։

ԵՐԿՐՈՐԴՈՒՄՆ ՕՐԻՆԱՑ 33:8

Եւ զՂեւեայ ասէ. Տուք Ղեւեայ զյայտնութիւն նորա, եւ զճշմարտութիւն նորա առնն անարատի, զոր փորձեցին փորձանօք, եւ բամբասեցին զնա՝՝ ի վերայ ջրոցն Հակառակութեան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:3

եւ Արաբայ մինչեւ ցծովն Քեներեթայ ընդ արեւելս Արաբայ ցծովն,՝՝ մինչեւ ցծովն Աղի, յարեւելից ընդ ճանապարհն Ասեմովթայ, եւ ի Թեմանայ որ է ընդ Ասեդովթաւ ի Փասգայնէ՝՝։