ՄԱՐԳԱՐԷՈՒԹԻՒՆ ԵԶԵԿԻԵԼԻ 46:20 - Գրաբար Աստվածաշունչ (1895)

²⁰ եւ ասէ ցիս. Այս է տեղի յորում եփիցեն քահանայքն զվասն անգիտութեանն եւ զվասն մեղացն. անդ եփեսցեն եւ զմաննայն, ամենեւին մի՛ ելանել ի սրահն՝՝ արտաքին սրբել զժողովուրդն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:20 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 35:13

Եւ խորովեցին զպասեքն հրով ըստ օրինին, եւ զսրբութիւնն եփեցին կաթսայիւք եւ սանիւք, եւ յաջողեցաւ. եւ ընթացան առ ամենեսեան որդիս ժողովրդեանն։

ԵԼՔ 29:31

Եւ զխոյն կատարման առցես, եւ եփեսցես զմիս նորա ի սրբում տեղւոջ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:19

Եւ յելանելն իւրեանց յարտաքին սրահն՝՝ առ ժողովուրդն՝ մերկասցին զպատմուճանս իւրեանց որով պաշտիցենն. եւ դիցեն զնոսա ի սենեակն սրբութեանց, եւ զգեցցին այլ պատմուճանս. եւ մի՛ սրբեսցեն զժողովուրդն պատմուճանօք իւրեանց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:29

Եւ զզոհսն եւ զվասն մեղացն եւ զվասն անգիտութեանն՝ նոքա կերիցեն, եւ ամենայն նուէրք Իսրայելի՝ նոցա լիցին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:21

Եւ եհան զիս ի սրահն արտաքին, եւ շրջեցոյց զիս ընդ չորս կողմանս սրահին. եւ ահա գաւիթ առ գաւիթս ընդ չորս կողմանս սրահին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:24

Եւ ասէ ցիս. Այս տունք են խոհակերաց՝ ուր հասուցանիցեն պաշտօնեայքն տանն զզենլիս ժողովրդեանն։

ՂԵՒՏԱԿԱՆ 2:1

Եւ անձն ոք եթէ մատուցանիցէ պատարագ Տեառն, նաշիհ լիցի պատարագն նորա. եւ արկցէ զնովաւ եւղ, եւ դիցէ ի վերայ նորա կնդրուկ. զի զոհ է։՝՝

ՂԵՒՏԱԿԱՆ 2:10

Եւ որ մնայցէ ի զոհէ անտի, Ահարոնի եւ որդւոց նորա լինիցի, սրբութիւն սրբութեանց ի զոհիցն քոց։

ՂԵՒՏԱԿԱՆ 2:3

Եւ նշխարն ի զոհէ անտի՝ Ահարոնի եւ որդւոց իւրոց լիցի, սրբութիւն սրբութեանց ի զոհից անտի Տեառն։

ՄԱՐԳԱՐԷՈՒԹԻՒՆ ԶԱՔԱՐԵԱՅ 14:20

Յաւուր յայնմիկ ի սանձս ձիոցն իցէ Սրբութիւն Տեառն։ Եւ եղիցին սանք ի տան Տեառն՝ իբրեւ զտաշտս առաջի սեղանոյն։