ՄԱՐԳԱՐԷՈՒԹԻՒՆ ԵԶԵԿԻԵԼԻ 44:8 - Գրաբար Աստվածաշունչ (1895)

⁸ Եւ ոչ պահեցէք զպահպանութիւնս սրբութեանց իմոց, եւ կարգեցէք զնոսա պահել զպահպանութիւնս սրբութեան սրբութեանց իմոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:8 ပူးပေါင်းရင်းမြစ်များ

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:1

Զայս վկայութիւն դնեմ առաջի Աստուծոյ եւ Յիսուսի Քրիստոսի, որ դատելոց է զկենդանիս եւ զմեռեալս ի յայտնութեան իւրում եւ յարքայութեան.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:13

Պատուիրեմ քեզ առաջի Աստուծոյ որ կենդանի առնէ զամենայն, եւ Յիսուսի Քրիստոսի որ վկայեաց առաջի Պոնտացւոյ Պիղատոսի զբարւոք դաւանութիւնն,

ԳՈՐԾՔ ԱՌԱՔԵԼՈՑ 7:53

Ոյք առէք զօրէնս ի հրամանս հրեշտակաց, եւ ոչ պահեցէք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:16

Նոքա մտցեն ի սրբութիւնս իմ, եւ նոքա մերձեսցին ի սեղան իմ պաշտել զիս, եւ պահեսցեն զպահպանութիւնս իմ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:14

Եւ կարգեսցեն՝՝ զնոսա պահել զպահպանութիւնս տանն՝ յամենայն ի գործս նորա, եւ յամենայն ինչ զոր գործեսցեն անդ։

ՄՆԱՑՈՐԴԱՑ ԱՌԱՋԻՆ 23:32

Եւ պահէին զպահպանութիւնս խորանին վկայութեան, եւ զպահպանութիւնս որդւոցն Ահարոնի եղբարցն իւրեանց պաշտել ի տանն Տեառն։

ԹԻՒՔ 18:7

Եւ դու եւ որդիք քո ընդ քեզ պահեսջիք զքահանայութիւն ձեր ըստ ամենայն պայմանի սեղանոյն, եւ զներքին կողմն վարագուրին, եւ պաշտեսջիք զպաշտօն քահանայութեան ձերոյ. եւ այլազգին որ մերձենայցէ՝ մեռցի։

ԹԻՒՔ 8:26

Եւ պաշտեսցէ եղբայր նորա՝՝ ի խորանին վկայութեան, պահել պահեսցէ զպահպանութիւնս, բայց գործ ինչ մի՛ գործեսցէ՝՝. այնպէս արասցես Ղեւտացւոցն ի պահպանութիւնս իւրեանց։