ՄԱՐԳԱՐԷՈՒԹԻՒՆ ԵԶԵԿԻԵԼԻ 44:5 - Գրաբար Աստվածաշունչ (1895)

⁵ Եւ ասէ ցիս Տէր. Որդի մարդոյ, դիր ի սրտի քում, եւ տես աչօք քովք, եւ լուր ականջօք քովք զամենայն ինչ զոր ես ընդ քեզ խօսեցայց, ըստ ամենայն հրամանաց տանդ Տեառն եւ ըստ ամենայն իրաւանց դորա. եւ կարգեսցես ի սրտի քում զմուտ տանդ ըստ ամենայն ելից դորա եւ ըստ ամենայն սրբութեանցն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:5 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 22:19

Եւ արդ տուք զսիրտս ձեր եւ զանձինս ձեր խնդրել զՏէր Աստուած ձեր. արիք եւ շինեցէք զսրբութիւնս Տեառն Աստուծոյ մերոյ, տանել ի ներքս զտապանակ ուխտին Տեառն եւ զսպաս սրբութեանցն Աստուծոյ ի տունն զոր շինէք անուան Տեառն։

ՄՆԱՑՈՐԴԱՑ ԵՐԿՐՈՐԴ 11:16

եւ եհան զնոսա ի ցեղիցն՝՝ Իսրայելի, որք ետուն զսիրտս իւրեանց խնդրել զՏէր Աստուած Իսրայելի, եւ եկին յԵրուսաղէմ զոհել Տեառն Աստուծոյ հարցն իւրեանց։

ԳԻՐՔ ՍԱՂՄՈՍԱՑ 119:4

Որպէս նետք հզօրի, զի մխեալ կայծակամբք կաղնւոյ։

ԳԻՐՔ ՍԱՂՄՈՍԱՑ 24:3

Աստուած իմ, ի քեզ յուսացայ, մի՛ ամաչեցից, եւ մի՛ ծիծաղեսցին զինեւ թշնամիք իմ։

ԵԼՔ 9:21

Եւ որ ոչն անսաց ի միտս իւր բանիցն Տեառն, եթող զծառայս իւր եւ զանասուն իւր ի դաշտի։

ԱՌԱԿՔ ՍՈՂՈՄՈՆԻ 24:32

Յետոյ ասիցէ թէ՝ Զղջացայ ես՝՝, հայեցայ եւ ընտրեցի զխրատ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:4

Եւ ասէ ցիս այրն. Տեսեր, որդի՝՝ մարդոյ, արդ հայեաց աչօք քովք, եւ լուր ականջօք քովք, եւ հաստատեա ի մտի քում զամենայն զոր ես ցուցից քեզ. զի վասն ցուցանելոյ քեզ եկի այսր, եւ ցուցցես զամենայն զոր դուդ տեսանես՝ տանն Իսրայելի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 42:9

Եւ դրունք պատշգամացն որ ընդ մուտս արեւելից՝ վասն մտանելոյ ընդ նոսա յարտաքին սրահէ անտի,

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:19

Եւ տարաւ զիս ընդ ճանապարհ դրանն հարաւոյ ի պատշգամ՝՝ սրբութեանց քահանայիցն՝ որ հայէր ընդ հիւսիսի, եւ ահա անդ տեղի զատեալ.

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:6

Եւ ասէ ցիս. Տեսե՞ր որդի մարդոյ։ Եւ դարձոյց զիս եւ տարաւ յափն գետոյն։

Մատթեոսի Աւետարան 28:20

Ուսուցէք նոցա պահել զամենայն որ ինչ պատուիրեցի ձեզ. եւ ահաւասիկ ես ընդ ձեզ եմ զամենայն աւուրս, մինչեւ ի կատարած աշխարհի։

ԳՈՐԾՔ ԱՌԱՔԵԼՈՑ 8:36

Իբրեւ երթային զճանապարհայն, եկին ի ջուր ինչ, եւ ասէ ներքինին. Ահաւասիկ ջուր, զի՞նչ արգելու զիս ի մկրտելոյ։

ԵՐԿՐՈՐԴՈՒՄՆ ՕՐԻՆԱՑ 12:32

Ամենայն բանի զոր ես պատուիրեմ քեզ այսօր՝ զգուշանայցես առնելոյ, մի՛ յաւելուցուս ի նա եւ մի՛ հատանիցես ի նմանէ։

ԵՐԿՐՈՐԴՈՒՄՆ ՕՐԻՆԱՑ 32:46

եւ ասէ ցնոսա. Զգոյշ լերուք սրտիւք ձերովք ամենայն բանիցս այսոցիկ, զորոց ես դնեմ վկայութիւն ընդ ձեզ այսօր, զոր պատուիրիցէք որդւոց ձերոց, պահել եւ առնել զամենայն բանս օրինացս այսոցիկ։