ՄԱՐԳԱՐԷՈՒԹԻՒՆ ԵԶԵԿԻԵԼԻ 44:23 - Գրաբար Աստվածաշունչ (1895)

²³ Եւ զժողովուրդն իմ ուսուսցեն ընտրել ի մէջ սրբոյն եւ պղծոյն, եւ ի մէջ անարատին եւ արատաւորին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:23 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՐԵՄԵԱՅ 15:19

Վասն այդորիկ այսպէս ասէ Տէր. Եթէ դարձցիս այսրէն՝ պատսպարեցից զքեզ, եւ առաջի երեսաց իմոց կացցես. եւ եթէ հանցես զպատուականն յանարգէ, իբրեւ զբերան իմ եղիցես. եւ եթէ՝՝ դարձցին նոքա առ քեզ, եւ ոչ եւս դու դարձցիս առ նոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:26

Եւ քահանայք նորա անարգէին զօրէնս իմ եւ պղծէին զսրբութիւնս իմ. եւ զսուրբն ի պղծոյն ոչ ընտրէին, եւ զարատաւորն յանարատէ անտի ոչ զատուցանէին. եւ ի շաբաթուց իմոց ծածկէին զաչս իւրեանց, եւ զշաբաթս իմ պղծէին՝՝ ի միջի նոցա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 42:20

Եւ զփողոցս նորա շուրջանակի ի չորեսին կողմանսն նովին չափով. եւ յօրինեաց զնա եւ զփողոցս նորա շուրջանակի՝ ի հինգ հարեւր կանգնոյ հանդէպ արեւելից, եւ ի հինգ հարեւր կանգնոյ զլայնութիւնն՝ անջրպետել ի մէջ սրբութեանցն, եւ ի մէջ պարսպացն յօրինուածոյ տաճարին։՝՝

ՄԱՐԳԱՐԷՈՒԹԻՒՆ ՈՎՍԵԱՅ 4:6

Նմանեցաւ ժողովուրդ իմ այնմիկ՝ յորում ոչ գոյր գիտութիւն՝՝. զի դու զգիտութիւն մերժեցեր, մերժեցից եւ ես զքեզ, զի մի՛ եւս քահանայասցիս ինձ. եւ մոռացար զօրէնս Աստուծոյ քո, մոռացայց եւ ես զորդիսն քո։

ՂԵՒՏԱԿԱՆ 11:47

որոշել ի մէջ սրբոյն եւ ի մէջ անսրբոյն, եւ խելամուտ առնել զորդիսդ Իսրայելի ի մէջ ուտելեացն կենդանածնաց եւ ի մէջ չուտելեաց անասնոց։

ՂԵՒՏԱԿԱՆ 13:50

Եւ տեսցէ քահանայն զարածն, եւ զատուսցէ քահանայն զարածն զեւթն օր։

ՂԵՒՏԱԿԱՆ 14:57

Նշանակելոյ թէ յորում աւուր պղծիցի եւ յորում աւուր սրբիցի, այս օրէն լիցի բորոտութեան։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:4

Մարգարէք նորա այսակիրք, արհամարհօղք՝՝. քահանայք նորա պղծեն զսրբութիւնս, եւ ամպարշտեն յօրէնս։

ԵՐԿՐՈՐԴՈՒՄՆ ՕՐԻՆԱՑ 33:10

Պատմեսցեն զիրաւունս քո Յակոբայ, եւ զօրէնս քո Իսրայելի. դիցեն խունկս ի բարկութեան քում հանապազ՝՝ ի վերայ սեղանոյ քո։