ՄԱՐԳԱՐԷՈՒԹԻՒՆ ԵԶԵԿԻԵԼԻ 43:26 - Գրաբար Աստվածաշունչ (1895)

²⁶ Զեւթն օր քաւեսցեն զսեղանն եւ սրբեսցեն զնա, եւ կատարեսցեն զձեռս իւրեանց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:26 ပူးပေါင်းရင်းမြစ်များ

ԵԼՔ 29:24

եւ դիցես զայն ամենայն ի վերայ ձեռացն Ահարոնի եւ ի վերայ ձեռաց որդւոց նորա, եւ նուիրեսցես զայն նուէր՝՝ առաջի Տեառն։

ԵԼՔ 32:29

Եւ ասէ ցնոսա Մովսէս. Լցէք զձեռս ձեր այսօր Տեառն իւրաքանչիւր յորդի իւր, եւ իւրաքանչիւր յեղբայր իւր, տալ ի վերայ ձեր այսօր օրհնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:20

Եւ առցեն յարենէ նորա, եւ դիցեն ի վերայ չորեցունց եղջերաց սեղանոյն, եւ ի վերայ չորեցունց անկեանց քաւութեանն, եւ շուրջ զյատակաւն, եւ ցանեսցեն եւ քաւեսցեն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:22

Եւ յաւուրն երկրորդի առցեն նոխազս երկուս յայծեաց անարատից՝՝ վասն մեղաց, եւ քաւեսցեն զսեղանն՝ որպէս քաւեցին զուարակաւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:25

Զեւթն օր արասցեն նոխազ մի վասն մեղաց հանապազ, եւ զուարակ մի յարջառոց, եւ խոյ մի ի հօտից անարատ արասցեն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:27

Եւ վախճանեսցեն զաւուրսն, եւ եղիցի յօրէն ութերորդէ եւ անդր՝ արասցեն քահանայքն ի վերայ սեղանոյն զողջակէզս ձեր, եւ զվասն փրկութեան ձերոյ՝՝, եւ ընկալայց զձեզ, ասէ Տէր Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:18

Այսպէս ասէ Տէր Աստուած. Յառաջնում ամսեանն որ օր մի իցէ ամսոյն՝ առնուցուս զուարակ մի յանդւոյ անարատ՝ քաւել զսրբութիւնն։

ՂԵՒՏԱԿԱՆ 8:33

Եւ ի դրանէ խորանին վկայութեան մի՛ ելանիցէք զեւթն օր, մինչեւ յօր լրման աւուրց կատարմանն ձերոյ. զի զեւթն օր լցցէ զձեռս ձեր։

ՂԵՒՏԱԿԱՆ 8:34

Որպէս եւ արարն յաւուրն յայնմիկ, որպէս պատուիրեաց Տէր առնել, առ ի քաւելոյ վասն ձեր։