ՄԱՐԳԱՐԷՈՒԹԻՒՆ ԵԶԵԿԻԵԼԻ 43:21 - Գրաբար Աստվածաշունչ (1895)

²¹ Եւ առցեն՝՝ զզուարակն զվասն մեղացն, եւ այրեսցի ի զատեալ տեղւոջ տաճարին՝ արտաքոյ սրբութեանցն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:21 ပူးပေါင်းရင်းမြစ်များ

ԵԼՔ 29:14

Եւ զմիս զուարակին եւ զմորթ նորա եւ զապաւառն այրեսցես արտաքոյ բանակին. զի այն իսկ է վասն մեղաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:2

Եւ եղիցի յայնմանէ ի սրբութիւն՝ հինգ հարեւր առ հինգ հարեւր չորեքկուսի շուրջանակի. եւ յիսուն կանգուն բացատացն շուրջանակի։

ՂԵՒՏԱԿԱՆ 4:12

հանցեն ողջոյն զզուարակն արտաքոյ բանակին ի տեղի մի սուրբ, ուր զմոխիրն հեղուցուն, եւ այրեսցեն զնա ի վերայ փայտի հրով. ի վերայ մոխրակուտին այրեսցի։

ՂԵՒՏԱԿԱՆ 8:17

Եւ զզուարակն եւ զկաշի նորա եւ զմիսն եւ զապաւառն այրեաց հրով արտաքոյ բանակին, որպէս հրամայեաց Տէր Մովսիսի։