ՄԱՐԳԱՐԷՈՒԹԻՒՆ ԵԶԵԿԻԵԼԻ 43:14 - Գրաբար Աստվածաշունչ (1895)

¹⁴ ի խորութենէ սկզբան փորուածոյն մինչեւ ի մեծ քաւութիւնն, կանգունք երկուք ի ներքուստ՝՝, եւ ի լայնութիւն կանգուն մի. եւ ի փոքր քաւութենէն մինչեւ ի մեծ քաւութիւնն՝՝ կանգունք չորք, եւ ի լայնութիւն կանգուն մի.

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:14 ပူးပေါင်းရင်းမြစ်များ

ԵԼՔ 27:5

Եւ դիցես զնոսա ընդ գահաւորակաւ՝՝ սեղանոյն ի ներքոյ. եւ եղիցի գահաւորակն մինչեւ ի մէջ սեղանոյն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:17

Եւ քաւութիւնն չորեքտասան կանգուն յերկայնութիւն, եւ չորեքտասան կանգուն ի լայնութիւն, հասարակ ի չորեցունց կողմանց. եւ ծնօտքն պատուածոյք շուրջանակի պատեալ զնովաւ ի կէս կանգնոյ, եւ բոլորակն նորա՝՝ շուրջանակի կանգուն մի, եւ աստիճանքն նորա ընդ արեւելս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:20

Եւ առցեն յարենէ նորա, եւ դիցեն ի վերայ չորեցունց եղջերաց սեղանոյն, եւ ի վերայ չորեցունց անկեանց քաւութեանն, եւ շուրջ զյատակաւն, եւ ցանեսցեն եւ քաւեսցեն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:19

Եւ առցէ քահանայն յարենէ քաւութեանն, եւ ցանեսցէ ի վերայ սեմոց տանն եւ ի վերայ չորեցունց անկեանց տաճարին եւ ի վերայ՝՝ սեղանոյն, եւ ի վերայ սեմոց դրանն ներքին սրահին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:9

Այսպէս ասէ Տէր Տէր. Շատ լիցի ձեզ, իշխանքդ Իսրայելի. արդ ի բաց արարէք զապիրատութիւն եւ զչուառութիւն, իրաւունս եւ արդարութիւն արարէք, ի բաց մերժեցէք զբռնաւորութիւն ի ժողովրդենէ իմմէ, ասէ Տէր Աստուած։