ՄԱՐԳԱՐԷՈՒԹԻՒՆ ԵԶԵԿԻԵԼԻ 40:6 - Գրաբար Աստվածաշունչ (1895)

⁶ Եւ եմուտ ընդ դուռնն որ հայէր ընդ արեւելս՝ զեւթն աստիճանօք, եւ չափեաց զկոզակսն վեց վեց զկամարօք դրանն հաւասար ձողոյն. եւ զերկայնութիւն կոզակին հաւասար ձողոյն, եւ զլայնութիւն նորին հաւասար ձողոյն. եւ կամարս ի մէջ կոզակացն ի վեց կանգնոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 6:8

Եւ դուռն կողմանոցին ի ներքոյ աջոյ՝՝ ուսոյ տանն, եւ ելանելի շուրջանակաւ՝ ի միջինն, եւ ի միջնոյն՝ յերրորդ յարկն։

ՄՆԱՑՈՐԴԱՑ ԱՌԱՋԻՆ 9:18

Մինչեւ ցայս վայր, ի դրան թագաւորին յարեւելս. այսոքիկ են դրունք բանակաց որդւոցն Ղեւեայ։

ՄՆԱՑՈՐԴԱՑ ԱՌԱՋԻՆ 9:24

ի չորեսին կողմանս դրանն՝ յարեւելս եւ ի ծովակողմն, ի հիւսիսի եւ ի հարաւ։

ԳԻՐՔ ՆԷԵՄԵԱՅ 3:29

Եւ զհետ նորա կալաւ Սադովկ որդի Եմեր, հանդէպ տան իւրոյ. եւ զհետ նորա կալաւ Սամէիա որդի Սեքենեայ, որ էր պահապան դրանն արեւելից։

ԳԻՐՔ ՍԱՂՄՈՍԱՑ 84:10

Սակայն մերձ է առ երկիւղածս իւր փրկութիւն նորա, բնակել փառաց նորա յերկրի մերում։

ՄԱՐԳԱՐԷՈՒԹԻՒՆ ԵՐԵՄԵԱՅ 19:2

եւ ելցես ի գերեզմանս որդւոցն նոցա, որ է առաջի մտից դրանն Քարսիդեայ, եւ ընթերցցիս՝՝ անդ զամենայն զբանս զոր խօսեցայց ընդ քեզ.

ՄԱՐԳԱՐԷՈՒԹԻՒՆ ԵԶԵԿԻԵԼԻ 10:18

Եւ ելին փառքն Տեառն ի միջնօդոյ տաճարին, եւ նստան ի վերայ քերովբէիցն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 11:1

Եւ ամբարձ զիս Հոգի, եւ ած զիս յանդիման դրան տանն Տեառն որ հայէր ընդ արեւելս. եւ ահա առաջի դրան սրահին արք իբրեւ քսան եւ հինգ, եւ տեսի ի մէջ նոցա զՅեզոնիա զորդի Յազերայ եւ զՓաղտիա Բանեայ՝ զառաջնորդս ժողովրդեանն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:20

Եւ տարաւ զիս ի կողմն հիւսիսոյ, եւ ահա դուռն մի որ հայէր ընդ հիւսիսի սրահին արտաքնոյ. եւ չափեաց զնա յերկայնութիւն եւ ի լայնութիւն,

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:22

Եւ պատուհանք նորա եւ կամարք եւ արմաւենիք ըստ՝՝ դրանն որ հայէր ընդ արեւելս. եւ ընդ եւթն սանդուղս ելանէին ի նա, եւ էր կամարակապ ի ներքոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:24

Եւ տարաւ զիս ընդ կողմն հարաւոյ, եւ ահա դուռն մի որ հայէր ընդ հարաւ. եւ չափեաց զնա եւ զկոզակս նորա եւ զկոնքս եւ զկամարս՝՝ ըստ նմին չափոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:26

Եւ եւթն սանդուղք ի նմա, եւ կամարք ի ներքս՝՝, եւ արմաւենիք աստի եւ անտի ի վերայ կոնքացն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:5

Եւ ահա շուրջ զտաճարաւն փողոցս, եւ ի ձեռին առնն ձող չափոյ ի վեց կանգնոյ եւ թզաւ. եւ չափեաց զլայնութիւն պարսպացն հաւասար ձողոյն, եւ բարձրութիւն նորա հաւասար ձողոյն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:7

Եւ կոզակն երկրորդ հաւասար ձողոյն ի լայնութիւն, եւ հաւասար ձողոյն յերկայնութիւն, եւ կամարն ի հինգ կանգնոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:16

Եւ տաճարն արտաքին եւ անկիւնքն եւ կամարքն եւ յարկքն եւ պատուհանքն վանդակապատքն, լուսանցոյցք շուրջ զերեքումբք վասն հայելոյ. եւ տունն, եւ որ զնովաւ յարկքն առ հասարակ շուրջ շրջանակաւ տախտակամած ի յատակացն մինչեւ ի պատուհանսն. եւ պատուհանք բացեալք երեքկին առ ի հայել, որպէս եւ ի ներքոյ կողմանն մինչեւ յարտաքինն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 42:15

Եւ կատարեցաւ չափ տաճարին ներքնոյ. եւ եհան զիս ընդ ճանապարհ դրանն որ հայէր ընդ արեւելս, եւ չափեաց զձեւ տանն շուրջանակի ըստ յօրինուածոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:1

Եւ ած զիս ի դուռնն որ հայէր ընդ արեւելս, եւ եհան զիս ընդ այն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:17

Եւ քաւութիւնն չորեքտասան կանգուն յերկայնութիւն, եւ չորեքտասան կանգուն ի լայնութիւն, հասարակ ի չորեցունց կողմանց. եւ ծնօտքն պատուածոյք շուրջանակի պատեալ զնովաւ ի կէս կանգնոյ, եւ բոլորակն նորա՝՝ շուրջանակի կանգուն մի, եւ աստիճանքն նորա ընդ արեւելս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:8

ի դնել ինձ զդրանդս իմ ի մէջ դրանդեաց նոցա, եւ զսեամս իմ առ սեամս նոցա. եւ արկին զպարիսպս նեղել՝՝ ընդ իս եւ ընդ նոսա, եւ պղծեցին զանուն իմ սուրբ անօրէնութեամբ իւրեանց զոր առնէին. եւ խորտակեցի զնոսա բարկութեամբ իմով եւ սպանմամբ՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:1

Եւ դարձոյց զիս ընդ ճանապարհ արտաքին դրան սրբութեանցն՝ որ հայէր յարեւելս, եւ այն էր փակեալ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:12

Ապա թէ առնիցէ առաջնորդն զխոստովանութեան ողջակէզս եւ զկամաւն փրկութեան Տեառն, բացցէ իւր զդուռնն որ հայի ընդ արեւելս, եւ արասցէ զողջակէզսն իւր եւ զվասն փրկութեանն, ըստ օրինակին որպէս եւ առնիցէ յաւուր շաբաթուցն. եւ ելցէ, եւ փակեսցէ զդրունսն յետ ելանելոյն իւրոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:1

Եւ եմոյծ զիս առաջի դրան տաճարին, եւ ահա ելանէր ջուր ի ներքոյ վարագուրաց տաճարին ընդ արեւելս, զի երեսք տաճարին հայէին ընդ արեւելս. եւ ջուրն հոսէր յաջմէ կողմանէ տաճարին հիւսիսոյ ի սեղանն կոյս՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 8:16

Եւ եմոյծ զիս ի ներքին սրահ տանն Տեառն, եւ ահա ի վերայ դրաց տաճարին Տեառն ընդ սեղանն եւ ընդ վանդակն՝՝ իբրեւ արք քսանեւհինգ, որոց զթիկունս ի տաճարն Տեառն դարձուցեալ էր, եւ զերեսս ընդ արեւելս, եւ երկիր պագանէին արեգական։