Եւ ետ արքայ զԲանեա որդի Յովիդայեայ փոխանակ նորա ի զօրավարութիւն. եւ թագաւորութիւնն ուղղէր յԵրուսաղէմ.՝՝ եւ զՍադովկ քահանայ ետ արքայ փոխանակ Աբիաթարու ի քահանայ առաջի Տեառն։ Եւ ետ Տէր Սողոմոնի հանճար եւ իմաստութիւն բազում յոյժ, եւ լայնութիւն սրտի իբրեւ զաւազ առ եզր ծովու. եւ բազմացաւ հանճար Սողոմոնի քան զամենայն որդւոց նախնեաց, եւ քան զիմաստնոց եգիպտացւոց։ Եւ առ զդուստրն փարաւոնի, եւ ած զնա ի քաղաքն Դաւթի, մինչեւ ցկատարել նորա զտունն իւր։ Եւ նախ զտունն Տեառն եւ զպարիսպն Երուսաղեմի շուրջանակի՝ զեւթն ամ արար եւ կատարեաց։ Եւ էին Սողոմոնի եւթանասուն հազար բեռնակրաց, եւ ութսուն հազար քարահատաց ի լերինն։ Եւ արար Սողոմոն զծովն եւ զմոյթսն եւ զաւազանսն մեծամեծսն, եւ զսիւնսն եւ զջրաբուխսն սրահին եւ զծովն պղնձի։ Եւ շինեաց զբարձաւանդակն մահարձանօք, եւ անջրպետեաց զքաղաքն Դաւթի։ Եւ ապա դուստրն փարաւոնի ել ի քաղաքէն Դաւթի ի տուն իւր զոր շինեաց նմա. եւ ապա շինեաց զբարձաւանդակն։ Եւ Սողոմոն մատուցանէր երիցս ի տարւոջ ողջակէզս եւ խաղաղականս ի վերայ սեղանոյն զոր շինեաց Տեառն, եւ արկանէր խունկս առաջի Տեառն. եւ կատարեաց զտունն։ Եւ այս են իշխանք որ կային ի վերայ գործոյն Սողոմոնի. երեք հազար եւ վեց հարեւր գործավարք ժողովրդեանն, որ գործէին զգործն։ Եւ շինեաց զԱսուր եւ զՄակդով եւ զԱզեր եւ զԲեթորոն վերին եւ զԲաղաաթ. բայց յետ շինելոյն նորա զտունն Տեառն եւ զպարիսպն Երուսաղեմի շուրջանակի՝ ապա շինեաց զքաղաքսն զայնոսիկ։
ՄԱՐԳԱՐԷՈՒԹԻՒՆ ԵԶԵԿԻԵԼԻ 40:46 - Գրաբար Աստվածաշունչ (1895)46 Եւ պատշգամն որ հայի ընդ հիւսիսի՝ քահանայիցն եղիցի, որ պահեն զպահպանութիւն սեղանոյն. նոքա են որդիք Սադովկայ՝ որ մերձենան ի Ղեւտացւոց անտի պաշտել զՏէր։ အခန်းကိုကြည့်ပါ။ |
ՄԱՐԳԱՐԷՈՒԹԻՒՆ ԵԶԵԿԻԵԼԻ 40:46
16 ပူးပေါင်းရင်းမြစ်များ
Եւ ասէ ցիս. Պատշգամքդ որ են ընդ հիւսիսի, եւ պատշգամքդ որ են ընդ հարաւ՝ հանդէպ բացատացն, դոքա են պատշգամք սրբութեանն ուր ուտեն քահանայքն որդիքն Սադովկայ մերձաւորք Տեառն զսրբութիւն սրբութեանցն՝՝, եւ անդ դիցեն զսրբութիւն սրբութեանցն, եւ զզոհսն եւ զվասն մեղացն եւ զվասն անգիտութեանն. քանզի սուրբ է տեղին։
ကြော်ငြာတွေ