ՄԱՐԳԱՐԷՈՒԹԻՒՆ ԵԶԵԿԻԵԼԻ 40:16 - Գրաբար Աստվածաշունչ (1895)

¹⁶ Եւ պատուհանք ծածուկ էին ի կոզակսն, եւ ի կամարսն ներքուստ դրան սրահին շուրջ շրջանակաւ. նոյնպէս եւ կամարացն, եւ պատուհանք շուրջ ներքոյ եւ արտաքոյ, եւ ի վերայ կամարացն արմաւենիք աստի եւ անտի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 6:29

Եւ զամենայն որմս տանն շուրջանակի քանդակեալ գրեաց գրչաւ քերոբս եւ արմաւենիս, եւ դրօշուածս հայելիս՝՝ ի ներքսագոյնն եւ յարտաքինն։

ԹԱԳԱՒՈՐՈՒԹԵԱՆՑ ԵՐՐՈՐԴ 6:32

Եւ երկուս դուրս ի փայտից մայրից, եւ քանդակս ի նոցանէ մածուցեալս քերոբս եւ արմաւենիս եւ թիթղունս թռուցեալս՝՝, եւ պատեաց ոսկւով, եւ իջանէր ի վերայ քերովբէիցն եւ արմաւենեացն ոսկին։

ԹԱԳԱՒՈՐՈՒԹԵԱՆՑ ԵՐՐՈՐԴ 6:35

Եւ դուռն երկրորդ շրջանակաւ՝ դրօշեալ՝՝ ի նմա քերոբս եւ արմաւենիս, եւ թռուցեալ թիթղունս, եւ պատեալ՝՝ ոսկւով իջելով ի վերայ յօրինուածոյն։

ԹԱԳԱՒՈՐՈՒԹԵԱՆՑ ԵՐՐՈՐԴ 6:4

Եւ արար տանն պատուհանս հայեցիկս ծածուկս։

ԹԱԳԱՒՈՐՈՒԹԵԱՆՑ ԵՐՐՈՐԴ 7:4

Եւ պատուարք երեք, եւ անջրպետք առ անջրպետօք՝՝ երեքկին։

ՄՆԱՑՈՐԴԱՑ ԵՐԿՐՈՐԴ 3:5

Եւ զտունն մեծ դրուագեաց մայր փայտիւք, եւ պատեաց ոսկւով սրբով, եւ քանդակեաց ի նմա արմաւենիս եւ շղթայագործս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:12

Եւ ի մի կանգուն բովանդակեալ դէմ յանդիման կոզակացն՝ ի մի կանգուն սահմանեալ յայս կոյս յայն կոյս, եւ կոզակքն՝՝ աստի եւ անտի ի վեց վեց կանգնոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:15

եւ զմիջոց սրահին արտաքնոյ եւ զմիջոց կամարի դրանն ներքնոյ՝ ի յիսուն կանգնոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:25

Եւ պատուհանք նորա եւ կամարք շուրջանակաւ՝ ըստ օրինակի պատուհանիցն եւ կամարացն առաջնոյն, յիսուն կանգուն յերկայնութիւն եւ քսան եւ հինգ կանգուն ի լայնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:26

Եւ եւթն սանդուղք ի նմա, եւ կամարք ի ներքս՝՝, եւ արմաւենիք աստի եւ անտի ի վերայ կոնքացն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:29

Եւ զկոզակսն եւ զկամարս եւ զկոնքս նովին չափով. եւ պատուհանք նորա եւ կամարք շուրջ շրջանակաւ, յիսուն կանգուն յերկայնութիւն եւ քսան եւ հինգ ի լայնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:30

Եւ շուրջ զնովաւ կամարք՝ յիսուն կանգուն յերկայնութիւն եւ քսան՝՝ եւ հինգ ի լայնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:31

Եւ կամարք յարտաքնում սրահին, եւ արմաւենիք ի կամարսն, եւ եւթն սանդուղք ելանելիք նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:33

զկոզակսն եւ զկամարսն եւ զկոնքսն՝ ըստ նմին չափոյ. եւ պատուհանք ի նմա, եւ կամարք շուրջանակի՝՝, յիսուն կանգուն յերկայնութիւն եւ քսան եւ հինգ ի լայնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:34

Եւ կամարք ի ներքնում սրահին, եւ արմաւենիք ի վերայ կամարացն աստի եւ անտի, եւ եւթն սանդուղք ի նմա։՝՝

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:36

զկոզակսն եւ զկամարսն եւ զկոնքս, եւ պատուհանք ի նմա շուրջանակի, եւ կամարք՝՝ յիսուն կանգուն յերկայնութիւն եւ քսան եւ հինգ կանգուն ի լայնութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:37

Եւ կամարք արտաքոյ դրանն, եւ արմաւենիք կամարացն աստի եւ անտի, եւ ութ սանդուղք ի նմա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:7

Եւ կոզակն երկրորդ հաւասար ձողոյն ի լայնութիւն, եւ հաւասար ձողոյն յերկայնութիւն, եւ կամարն ի հինգ կանգնոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:18

քերովբ քանդակեալ եւ արմաւենիք. եւ արմաւենի մի ի մէջ քերովբէիցն, եւ երկու քերովբէքն հանդէպ միմեանց՝՝.

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:25

եւ քանդակագործք ի վերայ նոցա, եւ ի վերայ մտից տաճարին քերովբէք եւ արմաւենիք քանդակեալք ըստ քանդակի սրբութեանցն. եւ փայտակերտ ազնիւ դէմ յանդիման կամարին արտաքուստ կողմանէ. եւ պատուհանք ծածուկք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:26

Եւ չափեաց յայսկոյս յայնկոյս զյարկս կամարին, եւ զկողմանս տանն խառնեալ ընդ միմեանս։՝՝

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:3

Եւ եմուտ ի ներքին սրահն, եւ չափեաց զկամար մտին երկուս կանգունս, եւ զմուտսն վեց կանգուն, եւ զխոյակս կոճոց մտիցն յայսկոյս յայնկոյս եւթն եւթն կանգուն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 42:3

նկարեալք ըստ օրինակի դրան սրահին ներքնոյ, եւ ըստ օրինակի շրջանակաւ սեանց սրահին արտաքնոյ. դէմ ընդ դէմ կարգեալ երեքսրահեան։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:2

Եւ էր յԵրուսաղէմ ի Պրոբատիկէ աւազանին, որ կոչէր Եբրայեցերէն Բեթհեզդա, հինգ սրահ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 13:12

Այժմ տեսանեմք իբրեւ ընդ հայելի օրինակաւ, այլ յայնժամ՝ դէմ յանդիման. այժմ խելամուտ եմ փոքր ի շատէ, այլ յայնժամ գիտացից, որպէս եւ նայն ծանեաւ զիս։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 7:9

Եւ յետ այսորիկ տեսի եւ ահա ժողովուրդ բազում որոց ոչ գոյր թիւ, յամենայն հեթանոսաց եւ յամենայն ազգաց եւ յամենայն լեզուաց եւ յամենայն ժողովրդոց, որք կային առաջի աթոռոյն եւ առաջի Գառինն՝ արկեալ զիւրեամբք հանդերձս սպիտակս, եւ արմաւենիս ի ձեռս իւրեանց։