ՄԱՐԳԱՐԷՈՒԹԻՒՆ ԵԶԵԿԻԵԼԻ 39:28 - Գրաբար Աստվածաշունչ (1895)

²⁸ Եւ ծանիցեն թէ ես եմ Տէր Աստուած նոցա, յերեւել ինձ նոցա ի մէջ ազգաց՝՝. եւ ժողովեցից զնոսա յերկիրն իւրեանց, եւ ոչ եւս թողից ի նոցանէ ուրեք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:28 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 147:2

Զի զօրացոյց զնիգս դրանց քոց, եւ օրհնեաց զորդիս քո ի քեզ։

ՄԱՐԳԱՐԷՈՒԹԻՒՆ ԵՍԱՅԵԱՅ 27:12

Եւ եղիցի յաւուր յայնմիկ, արգել արկցէ՝՝ Տէր ի փոսոյ Գետոյն մինչեւ ի կողմանս Ռինոկորուրայ. բայց դուք մի մի ժողովեցէք զորդիսն՝՝ Իսրայելի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:30

Եւ ծանիցեն թէ ես Տէր Աստուած նոցա ընդ նոսա եմ, եւ նոքա ժողովուրդ իմ՝ տունն Իսրայելի, ասէ Տէր Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 37:21

Եւ ասացես ցնոսա. Այսպէս ասէ Տէր Տէր. Ահաւադիկ ես առնում զտունդ Իսրայելի ի միջոյ ազգացդ յորս մտին ի նոսա, եւ ժողովեցից զդոսա յամենայն ազգաց որ շուրջ զդոքօք են, եւ տարայց զդոսա յերկիրն Իսրայելի.

ՄԱՐԳԱՐԷՈՒԹԻՒՆ ԵԶԵԿԻԵԼԻ 38:8

Յետ աւուրց բազմաց պատրաստեսցի, ի վախճան ժամանակաց եկեսցէ եւ հասցէ՝՝ յերկիրն յապահով ի սրոյ. ժողովեալ յազգաց բազմաց յերկիրն Իսրայելի, որ եղեւ աւերակ համօրէն, եւ նոյն յազգաց ժողովեալ՝ եւ բնակեն խաղաղութեամբ՝՝ ամենեքին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:22

Եւ ծանիցեն տունն Իսրայելի՝ թէ ես եմ Տէր Աստուած նոցա, յօրէ յայնմանէ եւ առ յապայ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:27

Ի դարձուցանել ինձ զնոսա յազգաց, եւ ժողովել զնոսա ի գաւառաց հեթանոսաց, եւ սուրբ եղէց ի նոսա առաջի ազգաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:29

Եւ ոչ եւս դարձուցից զերեսս իմ ի նոցանէ, փոխանակ հեղլոյ զսրտմտութիւն՝՝ իմ ի վերայ տանն Իսրայելի, ասէ Տէր Տէր։

ՄԱՐԳԱՐԷՈՒԹԻՒՆ ՈՎՍԵԱՅ 2:20

եւ խօսեցայց զքեզ ինձ հաւատովք, եւ ծանիցես զՏէր։

ՄԱՐԳԱՐԷՈՒԹԻՒՆ ԱՄՈՎՍԱՅ 9:9

Զի ահաւասիկ ես հրաման տամ, եւ ցրուեցից զձեզ ընդ ամենայն ազգս, տունդ Իսրայելի, զոր օրինակ հոսի՝՝ հոսչաւ, եւ մի՛ անկցի մանրուած նորա յերկիր։