ՄԱՐԳԱՐԷՈՒԹԻՒՆ ԵԶԵԿԻԵԼԻ 27:5 - Գրաբար Աստվածաշունչ (1895)

⁵ Մայրք ի Սանիր լեռնէ շինեցան քեզ պահանգք, եւ տախտակք նոճիք ի Լիբանանէ առան՝ առնել քեզ կայմս եղեւնափայտեայս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 27:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 5:1

Եւ առաքեաց Քիրամ արքայ Տիւրոսի զծառայս իւր առ Սողոմոն. քանզի լուաւ թէ զնա օծին ի թագաւոր փոխանակ Դաւթի հօր իւրոյ. զի սիրէր Քիրամ զԴաւիթ զամենայն աւուրս։

ԹԱԳԱՒՈՐՈՒԹԵԱՆՑ ԵՐՐՈՐԴ 5:6

Եւ արդ հրաման տուր, եւ հարցեն ինձ փայտ ի Լիբանանէ. եւ ահա ծառայք իմ եղիցին ընդ ծառայս քո. եւ զվարձս ծառայութեան քո՝՝ տաց քեզ ըստ ամենայնի զոր եւ ասասցես. զի դու ինքնին գիտես, զի ոչ գոյ մեր այր որ գիտէ հարկանել փայտ իբրեւ զՍիդոնացիս։

ՄՆԱՑՈՐԴԱՑ ԱՌԱՋԻՆ 5:23

Եւ կէս ցեղին Մանասէի բնակեաց յերկրին Բասանայ մինչեւ ի Բաաղերմոն եւ Սանիր, եւ ի լեռանն Ահերմոնի եւ ի Լիբանան՝՝. ինքեանք բազմացան։

ՄՆԱՑՈՐԴԱՑ ԵՐԿՐՈՐԴ 2:7

Եւ արդ առաքեա ինձ այր իմաստուն, որ գիտիցէ գործել զոսկի եւ զարծաթ եւ զպղինձ եւ զերկաթ եւ զծիրանի եւ զկարմիր եւ զկապուտակն եւ զբեհեզն՝՝, եւ որ գիտիցէ քանդակել զքանդակս ընդ իմաստունս իմ, որք են ի Հրէաստանի եւ յԵրուսաղէմ, զորս պատրաստեաց Դաւիթ հայր իմ։

ԳԻՐՔ ՍԱՂՄՈՍԱՑ 104:16

Կոչեաց սով յերկիր նոցա, զամենայն զօրութիւն հացի եբեկ։

ԳԻՐՔ ՍԱՂՄՈՍԱՑ 29:5

Սաղմոս ասացէք Տեառն, սուրբք նորա, խոստովան եղերուք յիշատակի սրբութեան նորա։

Երգ Երգոց 4:8

Եկ ի Լիբանանէ, հարսն, եկ այսր ի Լիբանանէ. եկեսցես եւ անցցես ի գլխոյ հաւատոց՝՝ ի կատարէ Սանիրայ եւ Հերմոնի, ի մորեաց առիւծուց, եւ ի լերանց ընծուց։

ՄԱՐԳԱՐԷՈՒԹԻՒՆ ԵՍԱՅԵԱՅ 14:8

Եւ փայտքն Լիբանանու՝՝ ոտնհար եղեն քեզ, եւ մայրքն Լիբանանու ասեն, թէ՝ Յորմէ հետէ դու դադարեցեր՝ ոչ ելին ի մեզ փայտահարք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 27:4

Դու ասէիր. Ես զարդարեցի զիս ի զարդ գեղոյ իմոյ՝ ի սիրտ ծովու Բէէղիմայ. որդիքն քո զարդարեցին զքեզ։

ԵՐԿՐՈՐԴՈՒՄՆ ՕՐԻՆԱՑ 3:9

Եւ Փիւնիկեցիք անուանեցին զՀերմոնն Սանիովր, եւ Ամովրհացին անուանեաց զնա Սանիր։