ՄԱՐԳԱՐԷՈՒԹԻՒՆ ԵԶԵԿԻԵԼԻ 23:17 - Գրաբար Աստվածաշունչ (1895)

¹⁷ Եւ եկին առ նա որդիքն Բաբելացւոց յանկողինս օթի, եւ պղծեցին զնա ի պոռնկութեան իւրում. եւ պղծեցաւ ընդ նոսա, եւ յափրացաւ անձն նորա ի նոցանէ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:17 ပူးပေါင်းရင်းမြစ်များ

ԾՆՈՒՆԴՔ 10:10

Եւ եղեւ սկիզբն թագաւորութեան նորա Բաբելովն եւ Որէք եւ Աքադ եւ Քաղանէ յերկրին Սենաար։

ԾՆՈՒՆԴՔ 11:9

Վասն այնորիկ կոչեցաւ անուն նորա Խառնակութիւն. զի անդ խառնակեաց Տէր Աստուած զլեզուս ամենայն երկրի, եւ անտի ցրուեաց զնոսա Տէր Աստուած ընդ երեսս ամենայն երկրի։

ԾՆՈՒՆԴՔ 38:24

Եւ եղեւ յետ երից ամսոց ազդ եղեւ Յուդայի եւ ասեն. Պոռնկեցաւ նու քո Թամար, եւ ահա յղի է ի պոռնկութենէ։ Եւ ասէ Յուդա. Հանէք զնա արտաքս, եւ այրեսցի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:15

Եւ ատեաց զնա Ամոն ատելութիւն մեծ յոյժ. զի մեծ էր ատելութիւնն որ ատեաց զնա եւ անհնարին վերջին աղէտքն՝՝ քան զառաջին սէրն զոր սիրեաց զնա. եւ ասէ ցնա Ամոն. Արի եւ գնա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:17

Եւ թագաւորեցոյց արքայն Բաբելացւոց զՄաթթանիա որդի նորա ընդ նորա. եւ եդ նմա անուն Սեդեկիա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:37

Վասն այնորիկ ահաւասիկ ես ժողովեցից ի վերայ քո՝՝ զամենայն հոմանիս քո, ընդ որս դու խառնակէիր, եւ յարուցից ի վերայ քո՝՝ զամենայն սիրելիս եւ զատելիս քո, եւ ժողովեցից պատեցից զնոսա շուրջ զքեւ, եւ յայտնեցից զչարիս քո առաջի նոցա, եւ տեսցեն զամենայն խայտառակութիւնս քո։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:22

Վասն այդորիկ, Ոողիբա, այսպէս ասէ Տէր Տէր. Ահաւադիկ ես յարուցից ի վերայ քո զհոմանիսն յորոց յափրացաւ անձն քո, եւ ածից պատեցից զնոսա զքեւ,

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:28

Վասն այդորիկ այսպէս ասէ Տէր Տէր. Ահաւադիկ ես մատնեցից զքեզ ի ձեռս ատելեաց քոց՝ յորոց յափրացաւ անձն քո ի նոցանէ։