ՄԱՐԳԱՐԷՈՒԹԻՒՆ ԵԶԵԿԻԵԼԻ 23:16 - Գրաբար Աստվածաշունչ (1895)

¹⁶ եւ ակն եդ նոցա հայեցուածովք աչաց իւրոց, եւ առաքեաց հրեշտակս առ նոսա յերկիրն Քաղդէացւոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:16 ပူးပေါင်းရင်းမြစ်များ

ԾՆՈՒՆԴՔ 3:6

Եւ ետես կինն զի բարի էր ծառն ի կերակուր եւ հաճոյ աչաց հայելոյ, եւ գեղեցիկ ի տեսանել՝՝. եւ առ ի պտղոյ նորա, եկեր. եւ ետ առն իւրում ընդ իւր, եւ կերան։

ԾՆՈՒՆԴՔ 39:7

Եւ եղեւ յետ բանիցս այսոցիկ եւ արկ կին տեառն իւրոյ զաչս իւր ի վերայ Յովսեփայ, եւ ասէ ցնա. Քունեա ընդ իս։

ԾՆՈՒՆԴՔ 6:2

Տեսեալ որդւոցն Աստուծոյ զդստերս մարդկան զի գեղեցիկ էին, առին իւրեանց կանայս յամենեցունց զոր ընտրեցին։

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:2

Եւ եղեւ ընդ երեկս եւ յարեաւ Դաւիթ յանկողնէ իւրմէ, եւ զգնայր ի վերայ տանեաց տան թագաւորին. եւ ետես ի տանեացն կին մի լուացեալ, եւ կինն գեղեցիկ տեսլեամբ յոյժ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:1

Յաւուրս նորա ել Նաբուքոդոնոսոր արքայ Բաբելոնի, եւ եղեւ նորա ծառայ Յովակիմ ամս երիս, եւ դարձաւ վտարանջեաց ի նմանէ։

ԳԻՐՔ ՅՈԲԱՅ 31:1

Ուխտ եդի ընդ աչս իմ եւ ոչ հայեցաւ ի կոյս։

ԱՌԱԿՔ ՍՈՂՈՄՈՆԻ 23:33

Աչք քո իբրեւ տեսանիցեն զկին օտար, բերան քո յայնժամ խօսեսցի զթեւրս.

ԱՌԱԿՔ ՍՈՂՈՄՈՆԻ 6:25

Որդեակ, մի՛ յաղթեսցէ քեզ ցանկութիւն գեղոյ, եւ մի՛ ըմբռնեսցիս աչօք քովք,՝՝ եւ մի՛ յափշտակիցիս արտեւանամբք նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 57:9

եւ բազմացուցեր զպոռնկութիւնս քո առ նոսա. եւ զբազումս ի հեռաւորաց արարեր քեզ, եւ առաքեցեր զհրեշտակս արտաքոյ սահմանաց քոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:17

Եւ առեր զսպաս պարծանացն քոց յոսկւոյն իմոյ եւ յարծաթոյն զոր ետու քեզ, եւ արարեր քեզ պատկերս արուականս. եւ պոռնկեցար ընդ նոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:29

Յաճախեցեր դաշինս ընդ երկիրն Քանանու եւ Քաղդէացւոց՝՝, համայն եւ այնպէս ոչ յագեցար։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:15

ածեալ պէսպէս՝՝ կամարս ընդ մէջ իւրեանց, եւ խոյրս ներկեալս ի գլուխս իւրեանց. երփն երփն հարկանէր յամենեցունց՝՝, ի նմանութիւն որդւոցն Բաբելացւոց, յերկրին Քաղդէացւոց՝ յաշխարհին իւրեանց.

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:20

եւ արձակեցեր զաչս քո առ Քաղդէացիսն՝ յիշանդամս եւ ի ձիանդամս։

Մատթեոսի Աւետարան 5:28

Բայց ես ասեմ ձեզ թէ՝ Ամենայն որ հայի ի կին մարդ առ ի ցանկանալոյ նմա՝ անդէն շնացաւ ընդ նմա ի սրտի իւրում։

ԹՈՒՂԹ ՊԵՏՐՈՍԻ ԵՐԿՐՈՐԴ 2:14

աչս ունին հանգոյնս պոռնկաց, անդադարս ի մեղաց, պատրեն զանձինս յողդողդաց. որ ունին սիրտ հարեալ զագահութեան, մանկունք անիծից։