ՄԱՐԳԱՐԷՈՒԹԻՒՆ ԵԶԵԿԻԵԼԻ 21:26 - Գրաբար Աստվածաշունչ (1895)

²⁶ այսպէս ասէ Տէր Տէր. Ի բաց առ ի քէն զխոյրդ եւ հան զպսակդ, զի այդ ոչ այդպէս վճարեսցի. խոնարհեցուցեր զբարձրացեալն, եւ բարձրացուցեր զխոնարն.

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:27

Եւ եղեւ յերեսներորդի եւ յեւթներորդի ամի գերութեանն Յովաքինայ արքայի Յուդայ, յամսեանն երկոտասաներորդի, ի քսան եւ յեւթն ամսոյն, բարձրացոյց Եւիլմարովդաք արքայ Բաբելոնի յամի թագաւորութեան իւրոյ՝ զգլուխ Յովաքինայ արքայի Յուդայ, եւ եհան զնա ի տանէ բանտին իւրոյ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:6

եւ կալան զթագաւորն եւ ածին առ արքայն Բաբելոնի ի Ռեբղաթա. եւ խօսեցաւ ընդ նմա դատաստանօք։

ԳԻՐՔ ՍԱՂՄՈՍԱՑ 75:7

Ի սաստէ քումմէ, Աստուած Յակոբայ, ննջեցին, եւ ոյք հեծեալ էին ի ձիս՝՝։

ԱՌԱԿՔ ՍՈՂՈՄՈՆԻ 27:24

զի ոչ յաւիտեան է առն ոյժ եւ զօրութիւն եւ իշխանութիւն, եւ ոչ տուեալ են նմա ազգաց յազգս։

ՄԱՐԳԱՐԷՈՒԹԻՒՆ ԵՍԱՅԵԱՅ 47:12

Աղէ կաց դու այժմ ի դիւթութիւնս քո, եւ ի բազում կախարդութեան քում, զոր ուսար՝՝ ի մանկութենէ քումմէ. եթէ կարասցե՞ս ինչ օգտել. եթէ կարասցե՞ս կազդուրել.

ՄԱՐԳԱՐԷՈՒԹԻՒՆ ԵՐԵՄԵԱՅ 13:18

Ասացէք ցթագաւորն եւ ցբռնաւորսն՝՝, թէ՝ Կորացարուք եւ նստարուք, զի անկաւ ի գլխոց ձերոց պսակ փառաց ձերոց։

ՈՂԲՔ 5:16

Անկաւ պսակն ի գլխոց մերոց. վա՜յ մեզ, վա՜յ մեզ, զի մեղաք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:12

եդի քեզ գինդս՝՝, եւ գորշապահանգս յականջս քո, եւ պսակ պարծանաց ի գլուխ քո։

ՄԱՐԳԱՐԷՈՒԹԻՒՆ ԵԶԵԿԻԵԼԻ 17:24

Եւ ծանիցեն ամենայն փայտք դաշտի թէ ես եմ Տէր, որ խոնարհեցուցանեմ զփայտ բարձրացեալ, եւ բարձրացուցանեմ զփայտ խոնարհեալ, ցամաքեցուցանեմ զփայտ դալար, եւ դալարեցուցանեմ զփայտ գօսացեալ. ես Տէր խօսեցայ՝ եւ արարից։

ԱՒԵՏԱՐԱՆ ԸՍՏ ՂՈՒԿԱՍՈՒ 1:52

Քակեաց զհզօրս յաթոռոց, եւ բարձրացոյց զխոնարհս։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:10

Խոնարհեցարուք առաջի Տեառն եւ բարձրացուսցէ զձեզ։

ԴԱՏԱՒՈՐՔ 17:5

Եւ տուն Միքայի՝ նմա տուն Աստուածոյ. եւ արար եփուդ եւ թերափ. եւ ելից զձեռս միոյ յորդւոց իւրոց, եւ եղեւ նմա ի քահանայ։