ՄԱՐԳԱՐԷՈՒԹԻՒՆ ԵԶԵԿԻԵԼԻ 21:21 - Գրաբար Աստվածաշունչ (1895)

²¹ Զի եկեսցէ կացցէ՝՝ արքայն Բաբելացւոց ի վերայ հին՝՝ ճանապարհին, ի գլուխ երկուց ճանապարհաց, հմայս հմայել, գաւազանս ընկենուլ, հարցումն հարցանել ի դրօշելոց, լերդահմայ լինել։

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:21 ပူးပေါင်းရင်းမြစ်များ

ԾՆՈՒՆԴՔ 31:19

Եւ Լաբան երթեալ էր ի կտուրս խաշանց իւրոց. եւ գողացաւ Ռաքէլ զկուռս հօր իւրոյ։

ԾՆՈՒՆԴՔ 31:30

Եւ արդ գնացեալ երթաս, զի ցանկանալով ցանկացեալ ես երթալ ի տուն հօր քո. եւ ընդէ՞ր գողացար զաստուածսն իմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:24

Եւ զվհուկս եւ զգէտս եւ զթերափիմս եւ զկուռսն եւ զամենայն գարշելիսն եղեալս ի Յուդա եւ յԵրուսաղէմ՝ եբարձ Յովսիա. զի հաստատեսցէ զբանս օրինացն գրելոց ի մատենին, զոր եգիտ Քեղկիա քահանայ ի տան Տեառն։

ԱՌԱԿՔ ՍՈՂՈՄՈՆԻ 16:10

Մարգարէութիւն է ի շրթունս թագաւորի, եւ ի դատաստանի մի՛ մոլորեսցի բերան նորա։

ԱՌԱԿՔ ՍՈՂՈՄՈՆԻ 16:33

Անդրէն ի ծոց իւրեանց դառնայ ամենայն ինչ անիրաւաց, այլ ի Տեառնէ ամենեցուն իրաւունք են։՝՝

ԱՌԱԿՔ ՍՈՂՈՄՈՆԻ 21:1

Որպէս սահանք ջրոց. նոյնպէս սիրտ թագաւորի ի ձեռս Աստուծոյ. ընդ որ կոյս կամի հայեցուցանել՝ դարձուցանէ զնա։

ՄԱՐԳԱՐԷՈՒԹԻՒՆ ՈՎՍԵԱՅ 3:4

Զի աւուրս բազումս նստցին որդիքն Իսրայելի առանց թագաւորի եւ առանց իշխանի եւ առանց պատարագաց եւ առանց սեղանոյ եւ առանց քահանայութեան եւ առանց յայտնութեանց՝՝։

ՄԱՐԳԱՐԷՈՒԹԻՒՆ ՈՎՍԵԱՅ 4:12

Ի քուեայս հարցանէին, եւ գաւազանօք նորա պատմէին նմա.՝՝ այսով պոռնկութեան մոլորեցան, եւ պոռնկեցան յԱստուծոյ իւրեանց։

ՄԱՐԳԱՐԷՈՒԹԻՒՆ ԶԱՔԱՐԵԱՅ 10:2

Զի հարցուկք բարբառեցան աշխատութիւնս՝՝, եւ ըղձապատումք տեսիլս սուտս եւ երազս սուտս խօսէին, եւ ի զուր մխիթարէին. վասն այնորիկ ցամաքեցան իբրեւ խաշինք, եւ չարագնեցան, զի ոչ գոյր բժշկութիւն՝՝։

ԹԻՒՔ 22:7

Եւ գնացին ծերակոյտն Մովաբու եւ ծերակոյտն Մադիամու, եւ ըղձութիւնք ի ձեռս նոցա. եկին առ Բաղաամ, եւ ասացին նմա զպատգամսն Բաղակայ։

ԹԻՒՔ 23:23

Զի ոչ գոն հմայք ի Յակոբ, եւ ոչ ըղձութիւնք ի մէջ Իսրայելի. ըստ ժամանակի պատմեսցի Յակոբայ եւ Իսրայելի, զի՜նչ կատարելոց իցէ՝՝ Աստուած։

ԹԻՒՔ 23:28

Եւ տարաւ Բաղակ զԲաղաամ ի կատարն Փոգովրայ որ ձգի յանապատն՝՝։

Մատթեոսի Աւետարան 22:9

Արդ երթայք յանցս ճանապարհաց, եւ զորս միանգամ գտանիցէք՝ կոչեցէք ի հարսանիսս։

ԳՈՐԾՔ ԱՌԱՔԵԼՈՑ 16:16

Եւ եղեւ մինչ երթայաք մեք յաղօթս, պատահեաց մեզ աղախին ոմն զոր ունէր այս հարցուկ. որ շահս բազումս տայր տերանց իւրոց մոլելովն։

ԵՐԿՐՈՐԴՈՒՄՆ ՕՐԻՆԱՑ 18:10

Մի՛ գտանիցի ի քեզ որ ածիցէ զուստր իւր կամ զդուստր իւր զբոցով, եւ դիւթիցէ դիւթութիւն, եւ հմայիցէ, եւ հաւահարց լինիցի,

ԴԱՏԱՒՈՐՔ 17:5

Եւ տուն Միքայի՝ նմա տուն Աստուածոյ. եւ արար եփուդ եւ թերափ. եւ ելից զձեռս միոյ յորդւոց իւրոց, եւ եղեւ նմա ի քահանայ։

ԴԱՏԱՒՈՐՔ 18:14

Պատասխանի ետուն արքն հնգեքին որ երթեալ էին լրտեսել զերկիրն Լայիսա, եւ ասեն ցեղբարս իւրեանց. Եթէ գիտիցէ՞ք զի ի տունս յայսոսիկ եփուդ եւ թերափ եւ դրօշեալ եւ ձուլածոյ. արդ գիտասջիք զինչ առնիցէք։

ԴԱՏԱՒՈՐՔ 18:17

Եւ ելին հնգեքին արքն որ երթեալ էին լրտեսել զերկիրն, յարձակեցան եւ առին զդրօշեալն եւ զեփուդ եւ զթերափ եւ զձուլածոյ. եւ քահանայն արձանացեալ կայր ի մուտս դրանն. եւ վեց հարեւր արքն վառեալք պատերազմական զինու։

ԴԱՏԱՒՈՐՔ 18:18

Եւ նոքա մտին ի տունն Միքայ, եւ առին զդրօշեալն եւ զեփուդ եւ զթերափ եւ զձուլածոյ. եւ ասէ ցնոսա քահանայն. Զի՞նչ գործէք դուք։

ԴԱՏԱՒՈՐՔ 18:20

Եւ զուարթացաւ սիրտ քահանային, եւ առ զեփուդն եւ զթերափ եւ զդրօշեալ եւ զձուլածոյ՝՝, եւ եմուտ ի մէջ զօրուն։

ԴԱՏԱՒՈՐՔ 18:24

Եւ ասէ Միքա. Զի զաստուածսն իմ զոր արարի ինձ առէք, եւ զքահանայն, եւ գնացէք. եւ զի՞նչ կայ այսուհետեւ ինձ. եւ զի՞նչ է այդ զոր ասէք ցիս թէ՝ Զի՞ աղաղակես։

ԹԱԳԱՒՈՐՈՒԹԵԱՆՑ ԱՌԱՋԻՆ 15:23

Զի հմայք մեղք են, եւ ցաւս եւ աշխատութիւնս ածէ թերափդ ի վերայ՝՝. զի արհամարհեցեր զբան Տեառն, արհամարհեսցէ զքեզ Տէր չլինել թագաւոր ի վերայ Իսրայելի՝՝։