ՄԱՐԳԱՐԷՈՒԹԻՒՆ ԵԶԵԿԻԵԼԻ 21:2 - Գրաբար Աստվածաշունչ (1895)

² Վասն այդորիկ մարգարեաց, որդի մարդոյ, եւ՝՝ հաստատեա զերեսս քո ի վերայ Երուսաղեմի. եւ հայեաց ի սրբութիւնս նոցա, եւ մարգարէասցիս ի վերայ երկրին Իսրայելի,

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:2 ပူးပေါင်းရင်းမြစ်များ

ԳԻՐՔ ՅՈԲԱՅ 29:22

Ի բանս իմ ոչ յաւելուին, խնդալից լինէին յորժամ խօսէի ընդ նոսա։

ՄԱՐԳԱՐԷՈՒԹԻՒՆ ԵՍԱՅԵԱՅ 37:24

Զի՞ ի ձեռն հրեշտակաց նախատեցեր զՏէր. դու ասէիր թէ՝ Բազմութեամբ կառաց իմոց ելի ի բարձրութիւն լերանց, եւ ի ծագս Լիբանանու. եւ կոտորեցի զբարձրութիւն մայրից նորա, եւ զգեղեցկութիւն նոճից նորա, եւ մտի ի բարձրութիւն կողմանց անտառին.

ՄԱՐԳԱՐԷՈՒԹԻՒՆ ԵԶԵԿԻԵԼԻ 11:4

Վասն այդորիկ մարգարեաց ի վերայ նոցա, մարգարեաց, որդի մարդոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:46

Որդի մարդոյ, հաստատեա զերեսս քո ի Թեման, եւ հայեաց ի Դագովն. եւ մարգարեաց ի վերայ անտառի իշխանին Նագեբայ՝՝.

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:1

Եւ եղեւ բան Տեառն առ իս եւ ասէ.

ՄԱՐԳԱՐԷՈՒԹԻՒՆ ԵԶԵԿԻԵԼԻ 24:9

Վասն այդորիկ այսպէս ասէ Ադոնայի Տէր. Վա՜յ քաղաք արեանց. եւ ես զփայտն յաճախեցից,

ՄԱՐԳԱՐԷՈՒԹԻՒՆ ԵԶԵԿԻԵԼԻ 25:2

Որդի մարդոյ, հաստատեա զերեսս քո ի վերայ որդւոցն Ամոնայ եւ մարգարեաց ի վերայ նոցա.

ՄԱՐԳԱՐԷՈՒԹԻՒՆ ԵԶԵԿԻԵԼԻ 28:21

Որդի մարդոյ, հաստատեա զերեսս քո ի վերայ Ծայդանու, մարգարեաց ի վերայ նորա.

ՄԱՐԳԱՐԷՈՒԹԻՒՆ ԵԶԵԿԻԵԼԻ 29:2

Որդի մարդոյ, հաստատեա զերեսս քո ի վերայ փարաւոնի արքային Եգիպտացւոց, մարգարեաց ի վերայ նորա եւ ի վերայ ամենայն Եգիպտոսի.

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:1

Եւ դու, որդի մարդոյ, մարգարեաց ի վերայ լերանցն Իսրայելի, եւ ասասցես ցլերինսն Իսրայելի. Լուարուք զպատգամս Տեառն.

ՄԱՐԳԱՐԷՈՒԹԻՒՆ ԵԶԵԿԻԵԼԻ 38:2

Որդի մարդոյ, հաստատեա զերեսս քո ի վերայ Գովգայ, երկրին Մագովգայ, իշխանին Ռովսմեսովքայ եւ Թոբելայ, եւ մարգարեաց ի վերայ նորա,

ՄԱՐԳԱՐԷՈՒԹԻՒՆ ԵԶԵԿԻԵԼԻ 4:3

Եւ առցես դու քեզ տապակ երկաթի, եւ կանգնեսցես զնա իբրեւ զպարիսպ երկաթի ընդ քեզ եւ ընդ քաղաքն. եւ պատրաստեսցես զերեսս քո ի վերայ նորա, եւ եղիցի ի պաշարումն, եւ պաշարեսցես զնա. զի այն նշանակ է որդւոցն Իսրայելի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 4:7

Եւ ի պաշարումն Երուսաղեմի պատրաստեսցես զերեսս քո, եւ զօրացուսցես զբազուկս քո՝՝, եւ մարգարէասցիս ի վերայ նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 6:2

Որդի մարդոյ, հաստատեա զերեսս քո ի վերայ լերանցդ Իսրայելի, մարգարեաց ի վերայ դոցա,

ՄԱՐԳԱՐԷՈՒԹԻՒՆ ԱՄՈՎՍԱՅ 7:16

Եւ արդ լուր զպատգամս Տեառն. Դու ասես. Մի՛ մարգարէանար ի վերայ Իսրայելի, եւ մի՛ ժողովս ժողովեր՝՝ ի վերայ տանն Յակովբու։

ՄԱՐԳԱՐԷՈՒԹԻՒՆ ՄԻՔԻԱՅ 2:11

Այս սուտ յարեաւ, կաթեաց ի քեզ գինի եւ արբեցութիւն, եւ եղիցի ի կաթուածոյ անտի՝՝ ժողովրդեանս այսմիկ։

ՄԱՐԳԱՐԷՈՒԹԻՒՆ ՄԻՔԻԱՅ 2:6

Մի՛ լայք արտասուօք, եւ մի՛ արտասուեսցեն ի վերայ այդորիկ. զի ոչ մերժեսցէ զնախատինս։

ԱՌ ԵՓԵՍԱՑԻՍ ԹՈՒՂԹ 6:19

եւ վասն իմ, զի ինձ տացի բան ի բանալ բերանոյ իմոյ համարձակութեամբ ցուցանել զխորհուրդս աւետարանին.

ԵՐԿՐՈՐԴՈՒՄՆ ՕՐԻՆԱՑ 32:2

Ակնկալեսցի իբրեւ զանձրեւ բարբառ իմ, եւ իջցեն իբրեւ զցօղ պատգամք իմ, իբրեւ զանձրեւ ի վերայ սիզոյ եւ իբրեւ զտեղատարափ ի վերայ խոտոյ.