ՄԱՐԳԱՐԷՈՒԹԻՒՆ ԵԶԵԿԻԵԼԻ 16:49 - Գրաբար Աստվածաշունչ (1895)

⁴⁹ Բայց այս էր անօրէնութիւն Սոդոմայ քեռ քո. ամբարտաւանութիւն, ի լիութեան հացի եւ յղփութեան գինւոյ՝ փափկանայր ինքն եւ դստերք իւր. այնու առաւել էր ինքն եւ դստերք իւր՝՝, եւ ձեռն յաղքատն եւ ի տնանկն ոչ կարկառէին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:49 ပူးပေါင်းရင်းမြစ်များ

ԾՆՈՒՆԴՔ 13:10

Ամբարձ Ղովտ զաչս իւր եւ ետես զամենայն կողմանս Յորդանանու, զի ամենայն յուռթի էր, մինչչեւ կործանեալ էր Աստուծոյ զՍոդոմ եւ զԳոմոր, իբրեւ զդրախտն Աստուծոյ էր եւ իբրեւ զերկիրն Եգիպտացւոց՝ մինչեւ ի գալ ի Սեգովր։

ԾՆՈՒՆԴՔ 13:13

Եւ մարդիկն Սոդոմացւոց չարք եւ մեղաւորք էին առաջի Աստուծոյ յոյժ։

ԾՆՈՒՆԴՔ 18:20

Եւ ասէ Տէր. Աղաղակ Սոդոմացւոց եւ Գոմորացւոց յաճախեաց, եւ մեղք նոցա մեծացան յոյժ։

ԾՆՈՒՆԴՔ 19:24

Եւ Տէր տեղաց ի Սոդոմ եւ ի Գոմոր ծծումբ եւ հուր ի Տեառնէ յերկնից,

ԾՆՈՒՆԴՔ 19:9

Եւ ասեն. Ի բաց կաց. մտեր բնակել պանդխտութեամբ, միթէ եւ դատաստա՞ն եւս դատել. այժմ եւ զքեզ եւս չարչարեսցուք առաւել քան զնոսա։ Եւ բռնադատէին զայրն, զՂովտ, յոյժ, եւ մերձ էին զդուրսն խորտակել։

ԳԻՐՔ ՍԱՂՄՈՍԱՑ 138:6

Սքանչելի եղեւ գիտութիւն քո յինէն, զօրացաւ՝՝ եւ ոչ հանդարտեմ սմա։

ԱՌԱԿՔ ՍՈՂՈՄՈՆԻ 16:18

Յառաջ քան զբեկումն՝ համարին թշնամանք, եւ նախ քան զգլորումն՝ չարաբարութիւն։

ԱՌԱԿՔ ՍՈՂՈՄՈՆԻ 16:5

Պիղծ է առաջի Տեառն ամենայն մեծամիտ. որ ձեռնամուխ լինի տարապարտուց՝ ոչ արդարասցի։ Սկիզբն ճանապարհի բարւոյ՝ գործելն զարդարութիւն, եւ ընդունելի են Աստուծոյ աղօթք՝ քան մատուցանել պատարագս։

ԱՌԱԿՔ ՍՈՂՈՄՈՆԻ 18:12

Յառաջ քան զբեկումն հպարտանայ սիրտ առն, եւ յառաջ քան զկարծիս իւր կորանայ՝՝։

ԱՌԱԿՔ ՍՈՂՈՄՈՆԻ 21:13

Որ խնու զլսելիս իւր զի մի՛ լուիցէ տկարաց, եւ նա կարդասցէ առ Տէր՝ եւ ոչ լուիցէ նմա։

ԱՌԱԿՔ ՍՈՂՈՄՈՆԻ 21:4

Մեծամիտ է ի թշնամանս այր խստասիրտ՝՝. ղամբար ամպարշտաց՝ մեղք։

ՄԱՐԳԱՐԷՈՒԹԻՒՆ ԵՍԱՅԵԱՅ 1:10

Լուարուք զբան Տեառն, իշխանք Սոդոմացւոց, ունկն դիք օրինաց Աստուծոյ, ժողովուրդք Գոմորացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 16:6

Լուաք զամբարտաւանութիւնն Մովաբու, զի հպարտացեալ էր յոյժ. հպարտութիւն նորա եւ ոխակալութիւն, եւ ամբարտաւանութիւնն քո բարձցի ի քէն։

ՄԱՐԳԱՐԷՈՒԹԻՒՆ ԵՍԱՅԵԱՅ 3:9

Վասն որոյ խոնարհեցան փառք նոցա, եւ ամօթ երեսաց նոցա ծածկեաց զնոսա,՝՝ եւ զմեղս իւրեանց իբրեւ զՍոդոմացւոցն պատմեցին եւ յայտ արարին. վա՜յ անձանց նոցա՝ զի խորհեցան խորհուրդ չար առանձինն,

ՄԱՐԳԱՐԷՈՒԹԻՒՆ ԵՍԱՅԵԱՅ 47:8

Եւ արդ լուր զայս, փափուկդ, որ նստէիր յանձնապաստան, եւ ասէիր ի սրտի քում թէ՝ Ես եմ, եւ չիք ոք իմ ընկեր. ոչ նստայց յայրութեան, եւ ոչ ծանեայց զորբութիւն։

ՄԱՐԳԱՐԷՈՒԹԻՒՆ ԵՐԵՄԵԱՅ 48:11

Հանգուցեալ էր ի մանկութենէ իւրմէ Մովաբ, եւ յուսացեալ էր ի փառս՝՝ իւր, եւ չէր թափեալ աման յամանոյ, եւ ոչ երթեալ ի գերութիւն. վասն այնորիկ կայր համ նորա ի նմին, եւ հոտ նորա ոչ պակասեաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:46

եւ քոյր ձեր երէց՝ Շամրին, ինքն եւ դստերք իւր որ բնակեալ է ի ձախմէ քումմէ. եւ քոյր քո կրտսեր՝ որ բնակեալ է ընդ աջմէ քումմէ՝ Սոդոմ եւ դստերք իւր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:12

եւ զաղքատն եւ զտնանկն յաղթահարեաց, եւ յափշտակութիւն յափշտակեաց, եւ զգրաւ ոչ դարձոյց, եւ ի պաշտօն դից զաչս իւր արձակեալ անօրէնութիւն գործեաց,

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:16

եւ զմարդ ոք ոչ յաղթահարեաց, եւ զգրաւ ոչ գրաւեաց, եւ յափշտակութիւն ոչ յափշտակեաց, զհաց իւր ետ քաղցելոց եւ զմերկն զգեցոյց,

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:7

եւ մարդոյ բուռն ոչ լինիցի, զգրաւ պարտապանի դարձուցանիցէ, յափշտակութիւն ոչ յափշտակիցէ, զհաց իւր տացէ քաղցելոց եւ զմերկն զգեցուցանիցէ,

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:42

Եւ ի ձայն արուեստականաց նուագէին՝՝. եւ առ այն արամբք՝ այլ եւս բազմութեան արանց գինեմոլաց եկելոց յանապատէ տայիր՝՝ ապարանջանս ի ձեռս նոցա եւ պսակ պարծանաց ի գլուխս նոցա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 28:17

Բարձրացաւ սիրտ քո ի գեղեցկութեան քում, եւ ապականեցաւ հանճար քո հանդերձ գեղովն քո. վասն բազմութեան մեղաց քոց ընկեցի՝՝ զքեզ յերկիր. յանդիման թագաւորաց ետու զքեզ ի խայտառակութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 28:2

Եւ դու որդի մարդոյ, ասա ցիշխանդ Ծուրա. Այսպէս ասէ Տէր Տէր. Փոխանակ զի հպարտացաւ սիրտ քո, եւ ասացեր թէ՝ Աստուած եմ ես, եւ զբնակութիւն Աստուծոյ բնակեցի ի սիրտ ծովու. մարդ ես դու՝ եւ ոչ Աստուած, եւ ետուր զսիրտ քո իբրեւ զսիրտն Աստուծոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 28:9

Միթէ ասելով ասիցե՞ս. Աստուած եմ ես, առաջի վիրագացն քոց. բայց դու մարդ ես, եւ ոչ Աստուած.

ՄԱՐԳԱՐԷՈՒԹԻՒՆ ԵԶԵԿԻԵԼԻ 29:3

խօսեաց եւ ասասցես. Այսպէս ասէ Տէր Տէր. Ահաւասիկ ես ի վերայ քո, փարաւոն արքայ Եգիպտացւոց, վիշապդ մեծ՝ որ նստիս ի մէջ գետոց, որ ասես թէ իմ են գետքս եւ ես արարի զսոսա՝՝։

ՄԱՐԳԱՐԷՈՒԹԻՒՆ ԱԲԴԻՈՒ 1:3

Հպարտութիւն սրտի քո բարձրացոյց զքեզ բնակել ի ծակս վիմաց. բարձրացուցանել զբնակութիւն իւր, եւ ասել՝՝ ի սրտի իւրում. Ո՞վ իջուսցէ զիս յերկիր։

ԱՒԵՏԱՐԱՆ ԸՍՏ ՂՈՒԿԱՍՈՒ 17:28

Նոյնպէս եւ որպէս յաւուրսն Ղովտայ եղեւ, ուտէին, ըմպէին, գնէին, վաճառէին, տնկէին, շինէին.

ԱՒԵՏԱՐԱՆ ԸՍՏ ՂՈՒԿԱՍՈՒ 21:34

Զգոյշ լերուք անձանց, գուցէ ծանրանայցեն սիրտք ձեր շուայտութեամբ եւ արբեցութեամբ եւ հոգովք աշխարհականօք, եւ յանկարծակի հասանիցէ ի վերայ ձեր օրն այն.

ԵՐԿՐՈՐԴՈՒՄՆ ՕՐԻՆԱՑ 32:15

Եկեր Յակոբ եւ յագեցաւ,՝՝ յօրացաւ եւ անկուշեաց սիրելին. գիրացաւ, ստուարացաւ եւ լայնացաւ, եւ եթող զՏէր Աստուած զԱրարիչ իւր, եւ ապստամբեաց յԱստուծոյ փրկչէ իւրմէ՝՝։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:5

Փափկացայք ի վերայ երկրի եւ զբօսայք, սնուցէք զսիրտս ձեր իբրեւ աւուր սպանման։

ՊԵՏՐՈՍԻ ԱՌԱՋԻՆ՝՝ 5:5

Սոյնպէս եւ, երիտասարդք, հնազանդ լերուք ծերոց. ամենեքին ընդ միմեանս զխոնարհութիւն ունիցիք. զի Աստուած ամբարտաւանից հակառակ կայ, տայ շնորհս խոնարհաց։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 11:8

Եւ դի նոցա անկեալ կայցէ ի մէջ հրապարակաց քաղաքին նոցա մեծի՝՝, որ անուանեալ կոչի ըստ հոգւոյն Սոդոմ եւ Եգիպտոս, ուր եւ Տէրն նոցա խաչեցաւ։