ՄԱՐԳԱՐԷՈՒԹԻՒՆ ԵԶԵԿԻԵԼԻ 1:16 - Գրաբար Աստվածաշունչ (1895)

¹⁶ Եւ կերպարանք անուոցն եւ արար նոցա՝ իբրեւ զտեսիլ ականց Թարսսի. եւ կերպարանք չորեցունց՝՝ եւ տեսիլ նոցա եւ գործուած իւրեանց՝ որպէս թէ շրջիցի անիւ ի մէջ անուոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 1:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:33

Եւ գործ անուոցն՝ իբրեւ զգործած անուոց կառաց, եւ ձեռք նոցա եւ պարանոցք իւրեանց եւ թիկունք իւրեանց եւ ամենայն արար նոցա ձուլածոյ։

ԳԻՐՔ ՅՈԲԱՅ 9:10

Որ առնէ զմեծամեծս եւ զանքնինս եւ զփառաւորս՝՝ եւ զհրաշակերտս՝ որոց ոչ գոյ թիւ։

ԳԻՐՔ ՍԱՂՄՈՍԱՑ 36:6

եւ հանցէ որպէս զլոյս զարդարութիւնս քո, եւ զիրաւունս քո որպէս զօր հասարակ։

ԳԻՐՔ ՍԱՂՄՈՍԱՑ 40:5

Ես ասացի, Տէր, ողորմեա ինձ, բժշկեա զանձն իմ, ես մեղայ քեզ։

ԵԼՔ 39:13

Եւ կարգն չորրորդ՝ ոսկեակն եւ եղունգն եւ բիւրեղ. պատեալ եւ ընդելուզեալ ոսկւով։

Երգ Երգոց 5:14

ձեռք նորա ոսկիք ճախարակեայք՝՝ լցեալ ակամբք Թարսսայ. որովայն նորա տախտակ փղոսկրեայ ականակապ յականց շափիղայ.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 11:33

Ո՜վ խորք մեծութեան եւ իմաստութեան եւ գիտութեանն Աստուծոյ, ո՜րպէս առանց քննելոյ են դատաստանք նորա, եւ առանց զննելոյ են ճանապարհք նորա։

ԱՌ ԵՓԵՍԱՑԻՍ ԹՈՒՂԹ 3:10

զի յայտնեսցի արդ իշխանութեանց եւ պետութեանց որ յերկինս են՝ ի ձեռն եկեղեցւոյ բազմապատիկ իմաստութիւնն Աստուծոյ։