ԵԼՔ 37:17 - Գրաբար Աստվածաշունչ (1895)

¹⁷ Եւ արար զաշտանակն լուսոյ ձոյլ ոսկի՝՝, զբունն, եւ զստեղունսն յերկոցունց կողմանց նորա. եւ ի ստեղանցն շառաւիղք ընտրեալք առ միմեանս՝ երեք ի միոջէն եւ երեք ի միւսմէն՝ հաւասարք միմեանց. եւ զլուսակալս նոցա որ էին ի ծայրսն ընկուզազարդս անդստին ընտրեալս։ Եւ զբազմակալսն ի նոսա, զի իցեն ճրագարանքն ի վերայ նոցա. եւ զբազմակալն զեւթներորդ՝ որ ի գլուխ լուսակալին, որ ի վերայ բուն իսկ գլխոյն ի վերուստ, ձոյլ՝ համակ ոսկի։ Եւ զեւթն ճրագարանսն որ ի վերայ նորա ոսկիս, եւ զունելիս նորա ոսկիս, եւ զյարդարիչս նորա ոսկիս յոսկւոյ սրբոյ.՝՝ ճախարակեայ գործեաց զաշտանակն, զբունն եւ զստեղունս նորա, եւ զսկահաձեւսն եւ զգնդակսն եւ զշուշանս նորա անդստին ի նմանէ։

ԵԼՔ 37:17 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 28:15

զկշիռ աշտանակաց ետ նմա, եւ զբազմակացն նմանութիւնս՝՝,

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ԵԼՔ 31:8

եւ զսեղանն եւ զամենայն զկահ նորա, եւ զաշտանակն սուրբ եւ զամենայն զկահ նորա, եւ զսեղան խնկոցն,

ԵԼՔ 37:16

Եւ արար զկահ սեղանոյն եւ զխնկաղացս նորա եւ զարիւնակալս նորա՝՝ եւ զճաշակս նորա եւ զնուիրանոցսն որովք նուիրիցեն՝ յոսկւոյ սրբոյ։

ԵԼՔ 37:18

Վեց ստեղն արձակեալ ի կողմանց նորա, երեք ստեղունք ի միոջէ կողմանէ աշտանակին, եւ երեք ստեղունք յերկրորդ կողմանէ աշտանակին։

ՂԵՒՏԱԿԱՆ 24:4

Ի վերայ աշտանակին սրբոյ այրիցէք ճրագունս առաջի Տեառն մինչեւ ցառաւօտ՝՝։

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:11

Պատասխանի ետու եւ ասեմ ցնա. Իսկ զի՞նչ են երկու ձիթենիքն որ կան ընդ աջմէ եւ ընդ ահեկէ աշտանակին։

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:2

Եւ ասէ ցիս. Զի՞նչ տեսանես դու։ Եւ ասեմ. Տեսանեմ ահա աշտանակ ոսկի ձոյլ, եւ գունդ ի վերայ նորա. եւ եւթն ճրագ ի վերայ նորա, եւ եւթն բերանք ճրագացն որ ի վերայ նորա.

ԹԻՒՔ 8:4

Եւ այս է կազմած աշտանակին. ձոյլ ոսկի, բուն նորա, եւ շուշանք նորա ձոյլ համակ՝՝, ըստ օրինակին որպէս եցոյց Տէր Մովսիսի՝ այնպէս արար զաշտանակն։

Մատթեոսի Աւետարան 5:15

Եւ ոչ լուցանեն ճրագ եւ դնեն ընդ գրուանաւ, այլ ի վերայ աշտանակի, եւ լոյս տայ ամենեցուն որ ի տանն իցեն։

ԱՌ ՓԻԼԻՊԵՑԻՍ ԹՈՒՂԹ 2:15

զի եղիջիք անբիծք եւ անարատք, որդիք Աստուծոյ, անմեղք ի մէջ կամակոր եւ խեղաթեւր ազգին, յորոց միջի երեւիցիք իբրեւ լուսաւորք յաշխարհի,

ԱՌ ԵԲՐԱՅԵՑԻՍ ԹՈՒՂԹ 9:2

Զի խորանն առաջին հանդերձեցաւ այսպէս, յորում աշտանակն եւ սեղանն եւ հացն նուիրաց, որ Սրբութիւնն կոչէր։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:12

Եւ դարձայ տեսանել զձայնն որ խօսէր ցիս. եւ ի դառնալն իմում տեսի եւթն ճրագարան ոսկի։