ԵԼՔ 37:16 - Գրաբար Աստվածաշունչ (1895)

¹⁶ Եւ արար զկահ սեղանոյն եւ զխնկաղացս նորա եւ զարիւնակալս նորա՝՝ եւ զճաշակս նորա եւ զնուիրանոցսն որովք նուիրիցեն՝ յոսկւոյ սրբոյ։

ԵԼՔ 37:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:50

եւ զդրանդսն եւ զբեւեռսն՝՝ եւ զտաշտսն եւ զսկաւառակսն եւ զտուփսն՝՝ ոսկիս զուտ, եւ զդրունս տանն ներքնոյ, զսրբութեան սրբութեանցն, եւ զդրունս տան տաճարին՝ ոսկիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:13

Բայց զի մի՛ լինիցին՝՝ տանն Տեառն դրունք արծաթիք, բեւեռք եւ տաշտք եւ փողք, ամենայն անօթ ոսկի եւ անօթ արծաթի՝ յարծաթոյ մտելոյ ի տուն Տեառն,

ԵԼՔ 25:29

Եւ արասցես զխնկաղացսն եւ զտուփս նորա, եւ զճաշակս եւ զնուիրանոցս նորա որովք նուիրեսցես, յոսկւոյ սրբոյ արասցես զայն։

ԵԼՔ 37:15

Եւ արար երկուս լծակս յանփուտ փայտից, եւ պատեաց զնոսա ոսկւով առ ի բառնալոյ զսեղանն։

ԵԼՔ 37:17

Եւ արար զաշտանակն լուսոյ ձոյլ ոսկի՝՝, զբունն, եւ զստեղունսն յերկոցունց կողմանց նորա. եւ ի ստեղանցն շառաւիղք ընտրեալք առ միմեանս՝ երեք ի միոջէն եւ երեք ի միւսմէն՝ հաւասարք միմեանց. եւ զլուսակալս նոցա որ էին ի ծայրսն ընկուզազարդս անդստին ընտրեալս։ Եւ զբազմակալսն ի նոսա, զի իցեն ճրագարանքն ի վերայ նոցա. եւ զբազմակալն զեւթներորդ՝ որ ի գլուխ լուսակալին, որ ի վերայ բուն իսկ գլխոյն ի վերուստ, ձոյլ՝ համակ ոսկի։ Եւ զեւթն ճրագարանսն որ ի վերայ նորա ոսկիս, եւ զունելիս նորա ոսկիս, եւ զյարդարիչս նորա ոսկիս յոսկւոյ սրբոյ.՝՝ ճախարակեայ գործեաց զաշտանակն, զբունն եւ զստեղունս նորա, եւ զսկահաձեւսն եւ զգնդակսն եւ զշուշանս նորա անդստին ի նմանէ։

ԹԻՒՔ 7:13

Մատոյց զընծայսն իւր. կոնք մի արծաթի՝ ի հարեւր եւ յերեսուն կշռորդէ, տաշտ մի արծաթի՝ յեւթանասուն սկեղէ ըստ սրբութեան սկեղն, երկոքին լի նաշհով զանգելով ընդ իւղոյ ի զոհ,

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:20

Այլ ի տան մեծի ոչ միայն են անօթք ոսկեղէնք եւ արծաթեղէնք, այլ եւ փայտեղէնք եւ խեցեղէնք. են որ ի պատուի են եւ են որ յանարգութեան։