ԵԼՔ 36:8 - Գրաբար Աստվածաշունչ (1895)

⁸ Եւ գործէր ամենայն իմաստուն սրտիւ ընդ գործաւորսն զգործ խորանին տասնփեղկեան, ի բեհեզոյ մանելոյ եւ ի կապուտակէ եւ ի ծիրանւոյ եւ ի կարմրոյ կրկնելոյ, քերոբ գործ անկուածոյ՝՝ գործէին։

ԵԼՔ 36:8 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 6:23

Եւ արար ի ներքս ի դաբիրն երկուս քերովբէս ի փայտից նոճից, ի տասն կանգնոյ մեծութիւն միոյն՝ կշռով՝՝։

ՄՆԱՑՈՐԴԱՑ ԱՌԱՋԻՆ 15:1

Եւ արար իւր տունս ի քաղաքի Դաւթի, եւ պատրաստեաց զտեղի տապանակին Աստուծոյ, եւ արար նմա խորան։

ՄՆԱՑՈՐԴԱՑ ԵՐԿՐՈՐԴ 1:3

Եւ գնաց Սողոմոն եւ ամենայն եկեղեցին ընդ նմա՝ ի բարձրաւանդակն Գաբաւոնի, ուր էր անդ խորանն վկայութեան Աստուծոյ զոր արար Մովսէս ծառայ Տեառն յանապատին.

ՄՆԱՑՈՐԴԱՑ ԵՐԿՐՈՐԴ 3:10

Եւ արար ի տան սրբութեան սրբութեանցն քերովբէս երկուս գործ. եւ պատեաց զնոսա ոսկւով.

ԵԼՔ 25:18

Եւ արասցես երկուս քերոբէս ոսկիս ճախարակեայս, եւ դիցես զնոսա ի վերայ երկոցունց կողմանց քաւութեանն։

ԵԼՔ 25:22

Եւ յայտնեցայց քեզ անտի, եւ խօսեցայց ընդ քեզ ի վերուստ ի քաւութենէ անտի, ի միջոյ երկուց քերոբէիցն՝ որ իցեն ի վերայ տապանակին վկայութեան, ըստ ամենայնի զոր պատուիրեցի քեզ առ որդիսն Իսրայելի։

ԵԼՔ 31:6

Եւ ես ահա ետու զնա եւ զԵղիաբ Աքիսամայ յազգէ Դանայ. եւ ի սիրտ ամենայն իմաստնոյ ետու զիմաստութիւն, եւ արասցեն զամենայն զոր միանգամ պատուիրեցի քեզ։

ԵԼՔ 31:7

Զխորանն վկայութեան եւ զտապանակ կտակարանացն եւ զքաւութիւնն որ ի վերայ նորա, եւ զամենայն զսպաս խորանին եւ զզոհանոցսն՝՝,

ԵԼՔ 35:10

Եւ ամենայն որ իմաստուն իցէ սրտիւ ի ձեզ, եկեալ գործեսցէ զամենայն ինչ զոր պատուիրեաց Տէր։

ԵԼՔ 36:9

Երկայնութիւն միոյ փեղկին ի քսան եւ յութ կանգնոյ, եւ լայնութիւն ի չորից կանգնոց միոյ փեղկի. չափ նոյն էր ամենեցունց փեղկիցն։

ԵԼՔ 39:3

Եւ հատանէին զթիթղունս ոսկւոյն թելս թելս՝ անկանել ընդ կապուտակին եւ ընդ ծիրանւոյն եւ ընդ կարմրոյ մանելոյ եւ ընդ բեհեզոյ նիւթելոյ։