34 Եւ զերկուս սիւնսն՝՝ պատեաց ոսկւով. եւ զերկուս օղամանեակս՝՝ նոցա արար ոսկիս, յորս մտանիցեն պարզունակքն. եւ պատեաց զպարզունակսն ոսկւով։
Եւ դրուագեաց Սողոմոն զտունն ի ներքուստ ոսկւով զտով. եւ հաստատեաց ոսկի բեւեռօք՝՝ հանդէպ դաբիրայն՝ եւ պատեաց զնա ոսկւով։
Եւ եղիցին օղամանեակքն լամբք լծակացն՝ բառնալ նոքօք զսեղանն։
Եւ արար զմիջին պարզունակն թափանցանց ի մէջ սեանցն ի կողմանէ ի կողմն։
Եւ արար վարագոյր ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ. գործ անկուածոյ գործեաց զնա քերոբ։