ԵԼՔ 34:25 - Գրաբար Աստվածաշունչ (1895)

²⁵ Մի՛ զենուցուս ի վերայ խմորելոյ զարիւն զոհից իմոց, եւ մի՛ ելանիցէ յայգ զենումն տօնի զատկի։

ԵԼՔ 34:25 ပူးပေါင်းရင်းမြစ်များ

ԵԼՔ 12:10

Եւ ոչ թողուցուք ի նմանէ յայգ. եւ ոսկր մի՛ բեկանիցէք ի նմանէ.՝՝ եւ որ ինչ մնայցէ ի նմանէ յայգ՝ հրով այրեսջիք։

ԵԼՔ 12:20

Խմորեալ մի՛ ուտիցեն. յամենայն բնակութեան ձերում ուտիցէք բաղարջ։

ԵԼՔ 12:8

Եւ կերիցեն զմիսն ի գիշերիս յայսմիկ. խորովեալ հրով, եւ բաղարջ ընդ եղեգի կերիցեն։

ԵԼՔ 23:18

Եւ մի՛ զոհեսցես ի վերայ խմորոյ զարիւն զոհից քոց, եւ մի՛ ագցի ճարպ տօնի իմոյ մինչեւ ցառաւօտ։

ԵԼՔ 29:34

Ապա թէ մնայցէ ի մսոյ զոհին կատարման եւ ի հացէ անտի յայգ, այրեսցես զնշխարն հրով, եւ մի՛ կերիցի, զի սրբութիւն Տեառն է։

ՂԵՒՏԱԿԱՆ 2:11

Զամենայն զոհ զոր մատուցանիցէք Տեառն, ոչ առնիցէք խմորուն. զամենայն խմորուն եւ զամենայն մեղրեալ՝ մի՛ մատուցանիցէք ի նոցանէ պտուղ ի զոհ Տեառն։

ՂԵՒՏԱԿԱՆ 7:15

Եւ միս զոհին գոհութեան փրկութեան՝ նորին լինիցի,՝՝ յորում աւուր պատարագիցի՝ կերիցի, եւ մի՛ թողուցուն ի նմանէ յայգ։

ԹԻՒՔ 9:12

եւ մի՛ թողուցուն ինչ ի նմանէ յայգ, եւ ոսկր մի՛ բեկանիցեն ի նմանէ. ըստ օրինի զատկին արասցեն զնա։

Մատթեոսի Աւետարան 13:33

Այլ առակ խօսեցաւ ընդ նոսա եւ ասէ. Նման է արքայութիւն երկնից խմորոյ, զոր առեալ կնոջ՝ թագոյց ի գրիւս երիս ալեր մինչեւ ամենայն խմորեցաւ։

ԵՐԿՐՈՐԴՈՒՄՆ ՕՐԻՆԱՑ 16:3

մի՛ ուտիցէք ընդ նմա խմորուն, զեւթն օր բաղարջ կերիցես ընդ նմա, հաց չարչարանաց. քանզի տագնապաւ ելէք յԵգիպտոսէ. զի յիշիցէք զօրն ելից ձերոց յերկրէն Եգիպտացւոց զամենայն աւուրս կենաց ձերոց։

ԵՐԿՐՈՐԴՈՒՄՆ ՕՐԻՆԱՑ 16:4

Եւ մի՛ երեւեսցի ի քեզ խմոր յամենայն սահմանս քո զեւթն օր. եւ մի՛ ագցի ի մսոյն զոր զենուցուս յերեկորեայ յաւուրն առաջնոյ՝ յայգ։