ԵԼՔ 34:24 - Գրաբար Աստվածաշունչ (1895)

²⁴ Քանզի մերժեցից զազգսն յերեսաց քոց. եւ ընդարձակեցից զսահմանս քո, եւ ոչ ոք իցէ որ ակն դնիցէ երկրին քում, յորժամ ելանիցես երեւել առաջի Տեառն Աստուծոյ քո երիս ժամանակս ի տարւոջ։

ԵԼՔ 34:24 ပူးပေါင်းရင်းမြစ်များ

ԾՆՈՒՆԴՔ 15:18

Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ,

ԾՆՈՒՆԴՔ 35:5

Եւ չուեաց Իսրայէլ ի Սիկիմայ՝՝. եւ եղեւ ահ Աստուծոյ ի վերայ քաղաքացն որ շուրջ զնովաւ, եւ ոչ ելին զհետ որդւոցն Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 5:1

Եւ առաքեաց Քիրամ արքայ Տիւրոսի զծառայս իւր առ Սողոմոն. քանզի լուաւ թէ զնա օծին ի թագաւոր փոխանակ Դաւթի հօր իւրոյ. զի սիրէր Քիրամ զԴաւիթ զամենայն աւուրս։

ՄՆԱՑՈՐԴԱՑ ԱՌԱՋԻՆ 4:10

Եւ կոչեաց Գաբէս զԱստուած Իսրայելի եւ ասէ. Եթէ օրհնելով օրհնեսցես զիս, եւ յաճախեսցես զսահմանս իմ. եւ եղիցի ձեռն քո ընդ իս, եւ արասցես գիտութիւն՝ ոչ խոնարհեցուցանել զիս՝՝։ Եւ ած Ատուած ի վերայ նորա զամենայն զոր ինչ խնդրեաց։

ՄՆԱՑՈՐԴԱՑ ԵՐԿՐՈՐԴ 17:10

Եւ եղեն արհաւիրք ի Տեառնէ ի վերայ թագաւորաց երկրին որ շուրջ զՅուդայիւ, եւ ոչ պատերազմէին ընդ Յովսափատայ։

ԳԻՐՔ ՅՈԲԱՅ 1:10

ո՞չ դու ամրացուցեր զարտաքին նորա եւ զներքին տան նորա, եւ որ ինչ միանգամ արտաքոյ շուրջ զնովաւ է. զգործս ձեռաց նորա օրհնեցեր, եւ զանասուն նորա բազմացուցեր ի վերայ երկրի։

ԳԻՐՔ ՍԱՂՄՈՍԱՑ 120:1

Համբարձի զաչս իմ ի լերինս, ուստի եկեսցէ ինձ օգնութիւն։

ԳԻՐՔ ՍԱՂՄՈՍԱՑ 80:8

Ի նեղութեան կարդացեր առ իս եւ փրկեցի զքեզ, լուայ քեզ ի գաղտնութենէ մրրկին, եւ փորձեցի զքեզ ի վերայ ջուրցն Հակառակութեան։

ԵԼՔ 33:2

Եւ առաքեցից առաջի երեսաց քոց զհրեշտակ իմ, եւ մերժեսցէ՝՝ զՔանանացին եւ զԱմովրհացին եւ զՔետացին եւ զՓերեզացին եւ զԳերգեսացին եւ՝՝ զԽեւացին եւ զՅեբուսացին։

ԵԼՔ 34:11

Զգոյշ լեր դու ամենայնի զոր միանգամ ես պատուիրեմ քեզ այսօր. ահաւասիկ ես մերժեմ յերեսաց ձերոց զԱմովրհացին եւ զՔանանացին եւ զՔետացին եւ զՓերեզացին եւ զԽեւացին եւ զԳերգեսացին՝՝ եւ զՅեբուսացին։

ԱՌԱԿՔ ՍՈՂՈՄՈՆԻ 16:7

Զի ամենայն գործք Աստուծոյ արդարութեամբ են. ամպարիշտ պահի աւուր չարի։

ՂԵՒՏԱԿԱՆ 18:24

Եւ մի՛ պղծիցիք այնու ամենայնիւ, զի այնու ամենայնիւ պղծեցան ազգքն, զոր ես մերժեցից յերեսաց ձերոց։

ԳՈՐԾՔ ԱՌԱՔԵԼՈՑ 18:10

քանզի ես ընդ քեզ եմ, եւ ոչ ոք ընդդէմ դարձցի քո՝ ի չարչարել զքեզ. քանզի ժողովուրդ է իմ բազում ի քաղաքիս յայսմիկ։

ԵՐԿՐՈՐԴՈՒՄՆ ՕՐԻՆԱՑ 12:20

Եւ եթէ ընդարձակեսցէ Տէր Աստուած քո զսահմանս քո որպէս եւ խոստացաւ քեզ, եւ ասիցես թէ՝ Կերայց միս, եթէ ցանկանայցէ անձն քո ուտել միս, ըստ ամենայն ցանկութեան անձին քո կերիցես միս։

ԵՐԿՐՈՐԴՈՒՄՆ ՕՐԻՆԱՑ 16:16

Զերիս ժամանակս ի տարւոջ յանդիման լիցի ամենայն արու քո առաջի Տեառն Աստուծոյ քո ի տեղւոջն զոր ընտրեսցէ Տէր. ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն. եւ ոչ երեւեսցիս առաջի Տեառն Աստուծոյ քո՝՝ ունայնաձեռն.

ԵՐԿՐՈՐԴՈՒՄՆ ՕՐԻՆԱՑ 19:8

Եւ եթէ ընդարձակեսցէ քեզ Տէր Աստուած քո զսահմանս քո որպէս եւ երդուաւ Տէր հարցն քոց, եւ տացէ քեզ Տէր զամենայն երկիրն զոր խոստացաւ տալ հարցն քոց,

ԵՐԿՐՈՐԴՈՒՄՆ ՕՐԻՆԱՑ 7:1

Եւ եթէ տարցի զքեզ Տէր Աստուած քո յերկիրն յոր դու մտանիցես ժառանգել, եւ բարձցէ զազգսն մեծամեծս եւ զբազումս՝՝ յերեսաց քոց, զՔետացին եւ զԳերգեսացին եւ զԱմովրհացին եւ զՔանանացին եւ զՓերեզացին եւ զԽեւացին եւ զՅեբուսացին, եւթն ազգս մեծամեծս եւ զօրագոյնս քան զձեզ,