ԵԼՔ 32:17 - Գրաբար Աստվածաշունչ (1895)

¹⁷ Եւ լուեալ Յեսուայ զձայն ժողովրդեանն աղաղակելոյ, ասէ ցՄովսէս. Ձայն պատերազմի է ի բանակի անդ։

ԵԼՔ 32:17 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 7:27

Նուն որդի նորա, Յեսու որդի նորա։

ԳԻՐՔ ՅՈԲԱՅ 39:25

Եւ իբրեւ փող հարկանի, նա Վաշ վաշ կարդայ. ի հեռաստանէ առնու զհոտ պատերազմի՝ վազս առնելով եւ փռնչելով՝՝։

ԳԻՐՔ ՍԱՂՄՈՍԱՑ 47:1

Սաղմոս օրհնութեան որդւոցն Կորխայ. երկրորդ շաբաթու։՝՝

ԵԼՔ 17:9

Եւ ասէ Մովսէս ցՅեսու. Ընտրեա դու քեզ արս զօրաւորս՝՝, եւ ելեալ տացես պատերազմ ընդ Ամաղեկայ առ վաղիւ. եւ ահա ես եկեալ՝՝ կայցեմ ի վերայ գլխոյ բլրոյն, եւ գաւազանն Աստուծոյ ի ձեռին իմում։

ԵԼՔ 24:13

Յարեաւ Մովսէս եւ Յեսու պաշտօնեայ նորա, եւ ելին ի լեառնն Աստուծոյ.

ԵԼՔ 32:16

Եւ տախտակքն՝ գործ Աստուծոյ էին. եւ գիրն՝ Գիր Աստուծոյ դրոշմեալ ի տախտակսն։

ԵԼՔ 32:18

Եւ ասէ. Ոչ է ձայն նահատակաց զօրութեան, եւ ոչ բարբառ նահատակաց քաջութեան, այլ ձայն յանզգայելոց ի գինւոյ՝՝ լսեմ ես։

ԵԼՔ 32:6

Եւ կանխեալ ի վաղիւ անդր եհան ողջակէզս, եւ մատոյց զոհս փրկութեան. եւ նստաւ ժողովուրդն յուտել եւ յըմպել, եւ յարեան ի խաղալ։

ՄԱՐԳԱՐԷՈՒԹԻՒՆ ԵՐԵՄԵԱՅ 51:14

Զի երդուաւ Տէր զօրութեանց ի բազուկ՝՝ իւր, թէ՝ Լցից զքեզ զօրօք իբրեւ մարախով, եւ բարբառեսցին ի վերայ քո որ իջանեն ի քեզ՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 1:14

Բորբոքեցից հուր ի վերայ պարսպացն Ռաբայ, եւ կերիցէ զհիմունս նորա աղաղակաւ յաւուր պատերազմի, եւ շարժեսցի յաւուր վախճանի իւրոյ։

ՄԱՐԳԱՐԷՈՒԹԻՒՆ ԱՄՈՎՍԱՅ 2:2

Առաքեցից հուր ի վերայ Մովաբու, եւ կերիցէ հուր զհիմունս քաղաքաց նորա. եւ մեռցի ի տկարութեան Մովաբ՝՝, աղաղակաւ եւ ձայնիւ փողոյ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:10

Եւ ժողովրդեանն պատուէր ետ Յեսու եւ ասէ. Մի՛ աղաղակիցէք, եւ մի՛ ոք լուիցէ զբարբառ ձեր, եւ մի՛ ելանիցէ բան ի բերանոյ ձերմէ, մինչեւ յօրն յորում ինքն ազդ արասցէ՝՝ աղաղակելոյ, եւ ապա աղաղակեսջիք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:16

եւ եղեւ՝՝ յեւթներորդում նուագի պատելոյն՝ հարին քահանայքն զփողսն. եւ ասէ Յեսու ցորդիսն Իսրայելի. Արդ աղաղակեցէք, քանզի մատնեաց Տէր ի ձեռս մեր զքաղաքս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:20

Եւ աղաղակեաց ժողովուրդն, եւ հարին քահանայքն զփողսն. իբրեւ լուաւ ժողովուրդն զձայն փողոյն՝ աղաղակեաց ամենայն ժողովուրդն առհասարակ մեծ եւ ուժգին աղաղակաւ, եւ անկաւ պարիսպն շուրջանակի. եւ ել ամենայն ժողովուրդն ի քաղաքն իւրաքանչիւր հանդէպ իւր, եւ առին զքաղաքն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:5

Եւ աղաղակեսցեն առհասարակ ամենայն ժողովուրդն. եւ յաղաղակելն նոցա՝՝ կործանեսցին ինքնին պարիսպք քաղաքին ի ներքոյ նոցա. եւ մտցէ ամենայն ժողովուրդն դիմեալ իւրաքանչիւր հանդէպ երեսաց իւրոց ի քաղաքն։

ԴԱՏԱՒՈՐՔ 15:14

Եւ եկն մինչեւ ցԾնօտն. եւ այլազգիքն աղաղակեցին եւ ընթացան ընդդէմ նորա. եւ յաջողեցաւ ի վերայ նորա Հոգի Տեառն, եւ եղեն կարքն ի բազուկս նորա իբրեւ զխծուծ յորժամ ի հուր հոտոտիցի, եւ հալեցան կապանքն ի բազկաց նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:20

Եւ կանխեաց Դաւիթ ընդ առաւօտն, եւ եթող զոչխարսն ի տուարածականսն, առ եւ գնաց որպէս եւ հրամայեաց նմա Յեսսէ. եւ եկն ի տափարակն եւ ի զօրն որ ելանէր ի ճակատն, եւ աղաղակեցին ի պատերազմին,

ԹԱԳԱՒՈՐՈՒԹԵԱՆՑ ԱՌԱՋԻՆ 17:52

Եւ յարեան արք Իսրայելի եւ Յուդայ, աղաղակեցին եւ յարձակեցան զհետ նոցա մինչեւ ի մուտս Գեթայ՝՝ եւ մինչեւ ի դրունս Ակկարոնի. եւ անկան վիրաւորք այլազգեացն զճանապարհայնն մինչեւ ցդրունս Գեթայ եւ Ակկարոնի։