ԵԼՔ 30:18 - Գրաբար Աստվածաշունչ (1895)

¹⁸ Արա աւազան պղնձի, եւ զխարիսխ նորա պղնձի, առ ի լուանալոյ ի նմա. եւ դիցես զնա ընդ խորանն վկայութեան եւ ընդ սեղանն, եւ արկցես ի նա ջուր։

ԵԼՔ 30:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:23

Եւ արար զծովն ձուլածոյ, տասն կանգուն շրթանէ ի շուրթն, գործ բոլորշի նոյնաձեւ. հինգ կանգուն բարձրութիւն նորա, եւ գոգեալք երեսուն եւ երիւք կանգնովք պատէին՝՝ զնա շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 7:38

Եւ արար տասն պուտնարդս պղնձիս. եւ ունէր պուտնարդ մի քառասուն սափոր. ի չորից կանգնոց պուտնարդ մի չափով, եւ պուտնարդ մի ի վերայ միոյ մեքենովթայ՝ տասնեցունց մեքենովթացն։

ՄՆԱՑՈՐԴԱՑ ԵՐԿՐՈՐԴ 4:2

Եւ արար զծովն հալածոյ ի տասն կանգնոյ զչափն, բոլորակ շուրջանակի, եւ ի հինգ կանգնոյ զբարձրութիւն, եւ շուրջանակի յերեսուն կանգնոյ։

ՄՆԱՑՈՐԴԱՑ ԵՐԿՐՈՐԴ 4:6

Եւ արար աւազանս տասն, եւ եդ զհինգն յաջմէ, եւ զհինգն ի ձախմէ. լուանալ ի նոսա զգործ ողջակիզացն եւ ողողել ի նոսա. եւ ծովն առ ի լուանալ ի նմա քահանայիցն զինքեանս։

ԵԼՔ 30:17

Խօսեցաւ Տէր ընդ Մովսիսի եւ ասէ.

ԵԼՔ 31:9

եւ զսեղան ողջակիզացն եւ զամենայն զկահ նորա, եւ զաւազանն եւ զխարիսխ նորա,

ԵԼՔ 38:8

Եւ արար զաւազանն պղնձի եւ զխարիսխն նորա պղնձի՝ ի հայելեաց կանանց ուխտաւորաց, որք պահեցին պահս՝՝ առ դրան խորանին վկայութեան՝ յաւուր յորում եհար զխորանն՝՝։

ԵԼՔ 40:7

Եւ դիցես զաւազանն ընդ խորանն վկայութեան եւ ընդ սեղանն, եւ արկցես անդ ջուր։

ԺՈՂՈՎՕՂ 5:1

Մի՛ փութար բերանով քով, եւ մի՛ վաղվաղեսցէ սիրտ քո հանել բանս առաջի Աստուծոյ, զի Աստուած յերկինս է եւ դու յերկրի. վասն այնորիկ եղիցին բանք քո սակաւք։

ՂԵՒՏԱԿԱՆ 8:11

եւ օծ զսեղանն եւ սրբեաց զնա եւ զամենայն սպաս նորա, եւ զաւազանն եւ զխարիսխս նորա, եւ սրբեաց զնոսա. եւ օծ զխորանն եւ զամենայն ինչ որ ի նմա, եւ սրբեաց զնա՝՝։

ՄԱՐԳԱՐԷՈՒԹԻՒՆ ԶԱՔԱՐԵԱՅ 13:1

Յաւուր յայնմիկ եղիցի ամենայն տեղի՝՝ բացեալ տանն Դաւթի՝ ի փոփոխումն եւ ի սրսկումն՝՝։

ԱՌ ՏԻՏՈՍ ԹՈՒՂԹ 3:5

ոչ ի գործոց արդարութեան զոր արարաք մեք, այլ ըստ իւրում ողորմութեան ապրեցոյց զմեզ ի ձեռն աւազանին միւսանգամ ծննդեանն, եւ նորոգութեամբ Հոգւոյն Սրբոյ.

ՅՈՎՀԱՆՆՈՒ ԱՌԱՋԻՆ՝՝ 1:7

Իսկ եթէ ընդ լոյս գնայցեմք, որպէս նա ի լոյս է, հաղորդութիւն ունիմք ընդ միմեանս, եւ արիւնն Յիսուսի Որդւոյ նորա սրբէ զմեզ յամենայն մեղաց։