ԵԼՔ 29:38 - Գրաբար Աստվածաշունչ (1895)

³⁸ Եւ այս ինչ իցէ զոր առնիցես ի վերայ սեղանոյն. երկուս գառինս տարեւորս անարատս՝ առ օր ի վերայ սեղանոյն յաճախութեամբ. զի պտուղ յաճախութեան է։՝՝

ԵԼՔ 29:38 ပူးပေါင်းရင်းမြစ်များ

ԾՆՈՒՆԴՔ 22:7

Եւ ասէ Իսահակ ցԱբրահամ հայր իւր. Հայր։ Եւ նա ասէ. Զի՞ է, որդեակ։ Եւ նա ասէ. Ահա հուր եւ ահա փայտ, ո՞ւր է ոչխար յողջակէզ։

ՄՆԱՑՈՐԴԱՑ ԱՌԱՋԻՆ 16:40

մատուցանել ողջակէզս Տեառն ի վերայ սեղանոյ ողջակիզացն հանապազ առաւօտուց եւ երեկորին. եւ ըստ ամենայնի զոր ինչ գրեալ է յօրէնսն Տեառն զոր պատուիրեաց որդւոցն Իսրայելի ի ձեռն Մովսիսի ծառային Աստուծոյ՝՝։

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ՄՆԱՑՈՐԴԱՑ ԵՐԿՐՈՐԴ 2:3

Եւ առաքեաց Սողոմոն առ Քիրամ արքայ Տիւրոսի եւ ասէ. Որպէս արարեր ընդ հօրն իմոյ Դաւթի, եւ ետուր նմա մայր փայտս՝ շինել իւր տուն բնակելոյ ի նմա,

ՄՆԱՑՈՐԴԱՑ ԵՐԿՐՈՐԴ 2:4

եւ արդ ահա ես որդի նորա՝՝ շինեմ տուն անուան Տեառն Աստուծոյ իմոյ, սրբել զնա նմա, ծխել առաջի նորա խունկս եւ առաջադրութիւնս յամենայն ժամ, եւ մատուցանել ողջակէզս հանապազ առաւօտուց եւ երեկորին, եւ ի շաբաթս եւ յամսամուտս եւ ի տօնս Աստուծոյ մերոյ, յաւիտեան զայն յԻսրայելի։

ՄՆԱՑՈՐԴԱՑ ԵՐԿՐՈՐԴ 29:7

եւ փակեցին զդրունս տաճարին, եւ շիջուցին զճրագունսն, եւ խունկս ոչ ծխեցին նմա, եւ ոչ ողջակէզս մատուցին սրբոյն Աստուծոյ Իսրայելի։

ՄՆԱՑՈՐԴԱՑ ԵՐԿՐՈՐԴ 31:3

Եւ մասն թագաւորին յընչից իւրոց յողջակէզսն առաւօտու եւ երեկորին, եւ յողջակէզսն շաբաթուցն եւ ամսամտիցն եւ ի տօնսն գրեալս յօրէնս Տեառն։

ՄՆԱՑՈՐԴԱՑ ԵՐԿՐՈՐԴ 8:13

եւ ըստ բանին աւուրց յաւուրս մատուցանել ըստ պատուիրանացն Մովսիսի ի շաբաթսն եւ յամսամուտսն եւ ի տօնսն. երիս ժամանակս ի տարւոջ, ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն։

ԵԶՐ 3:3

Եւ պատրաստեցին զզոհարանն ըստ կազմութեան իւրում. վասն զի կասկածէին յազգաց երկրին. եւ մատուցին ի վերայ նորա ողջակէզս վաղվաղակի Տեառն Աստուծոյ իւրեանց՝՝, մի՝ ընդ առաւօտս, եւ մի՝ ընդ երեկոյս։

ԵԶՐ 3:5

Եւ մատուցանէին այլ եւս ողջակէզս՝՝ յամսագլուխս եւ ի շաբաթս, եւ՝՝ յամենայն տօնս տարեկանաց Տեառն սրբութեանց, եւ զամենայն ակամայիցն զոր մեղանչէին՝՝ Տեառն։

ԵԼՔ 40:29

Եւ զսեղանն ողջակիզաց եդ առ դրան խորանին, յարկի վկայութեանն. եւ եհան ի վերայ նորա ողջակէզս եւ զոհս, որպէս պատուիրեաց Տէր Մովսիսի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:13

Եւ բուծ մի տարեւոր անարատ արասցէ յողջակէզ Տեառն, հանապազօր այգուն այգուն արասցէ զայն.

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:15

հանապազ մատուցանիցեն զգառնն եւ զմաննայն, եւ զեւղն արասցէ՝՝ այգուն այգուն ողջակէզ հանապազորդ։

ՂԵՒՏԱԿԱՆ 3:5

Եւ հանցեն՝՝ զայն որդիքն Ահարոնի քահանայք ի սեղանն յողջակէզ ի վերայ փայտին եւ հրոյն պտուղ անուշից Տեառն։

ՂԵՒՏԱԿԱՆ 6:9

Պատուէր տուր Ահարոնի եւ որդւոց նորա եւ ասասցես. Այս օրէն է ողջակիզին. վասն այրելոյ նորա ի վերայ՝՝ սեղանոյն զամենայն գիշերն մինչեւ ցառաւօտ, եւ հուր սեղանոյն որ այրիցի ի վերայ նորա՝ մի՛ շիջցի։

ՂԵՒՏԱԿԱՆ 9:17

Եւ մատոյց զզոհն, եւ ելից զձեռս ի նմանէ, եւ եդ ի վերայ սեղանոյն ուրոյն յառաւօտին ողջակիզէն։

ԹԻՒՔ 29:6

Թող զողջակէզն ամսամտիցն, եւ զոհք նոցա եւ նուէրք իւրեանց՝՝ ըստ պայմանի իւրեանց ի հոտ անուշից Տեառն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:29

Ի վաղիւ անդր տեսանէ զՅիսուս զի գայր առ նա. եւ ասէ. Ահաւասիկ Գառն Աստուծոյ որ բառնայ զմեղս աշխարհի։

ԱՌ ԵԲՐԱՅԵՑԻՍ ԹՈՒՂԹ 7:27

որում ոչ հանապազ հարկ է, որպէս այլոց քահանայապետիցն, նախ վասն իւրեանց մեղացն պատարագս մատուցանել եւ ապա վասն ժողովրդեանն. իսկ սա զայն միանգամայն կատարեաց, զի զանձն իւր մատոյց պատարագ։

ՊԵՏՐՈՍԻ ԱՌԱՋԻՆ՝՝ 1:19

այլ պատուական արեամբն Քրիստոսի, իբրեւ անբիծ եւ անարատ գառին.