ԵԼՔ 29:27 - Գրաբար Աստվածաշունչ (1895)

²⁷ Եւ սրբեսցես զերբուծն ի նուէր, եւ զերի նուիրին որ նուիրիցի, եւ որ ինչ հանիցի ի խոյէն կատարման յԱհարոնէ եւ յորդւոց՝՝ նորա։

ԵԼՔ 29:27 ပူးပေါင်းရင်းမြစ်များ

ԵԼՔ 29:26

Եւ առցես զերբուծն ի խոյէ անտի կատարման՝ որ է Ահարոնի, եւ նուիրեսցես զայն նուէր՝՝ առաջի Տեառն. եւ եղիցի քեզ ի մասն։

ԵԼՔ 29:28

Եւ եղիցի Ահարոնի եւ որդւոց նորա օրէն յաւիտենական առ ի յորդւոցն Իսրայելի. զի այն է նոցա հաս, եւ եղիցի նուէր յորդւոցն Իսրայելի ի զենլեաց փրկութեանց իւրեանց, նուէր՝՝ նոցա Տեառն։

ՂԵՒՏԱԿԱՆ 10:15

Զերին զհասի եւ զերբուծն նուիրի ի վերայ ընծայից՝՝ ճարպոյն մատուսցեն նուէր նուիրել՝՝ առաջի Տեառն. եւ եղիցի քեզ եւ որդւոց քոց եւ դստերաց քոց ընդ քեզ՝ օրէն յաւիտենական, զոր օրինակ հրամայեաց Տէր Մովսիսի։

ՂԵՒՏԱԿԱՆ 7:30

Ձեռք նորա մատուսցեն պտուղ Տեառն. զճարպ երբծոյն եւ զլերդաբոյթն մատուսցէ դնել առաջի Տեառն։

ՂԵՒՏԱԿԱՆ 7:37

Այս օրէն է ողջակիզացն եւ զոհից, եւ վասն մեղացն, եւ վասն յանցանաց, եւ վասն կատարմանն եւ զոհին փրկութեան՝՝,

ՂԵՒՏԱԿԱՆ 9:21

Եւ զերբուծսն եւ զերին աջոյ նուիրեաց նուէր՝՝ առաջի Տեառն, որպէս պատուիրեաց Տէր Մովսիսի՝՝։

ԹԻՒՔ 18:11

Եւ այն եղիցի քեզ՝ ի պտղոց տրոցն նոցա, յամենայն նուիրաց՝՝ որդւոցն Իսրայելի, քեզ ետու զայն եւ ուստերաց եւ դստերաց քոց ընդ քեզ, օրէն յաւիտենական. ամենայն սուրբ ի տան քում կերիցէ զայն։

ԹԻՒՔ 6:20

եւ մատուսցէ զայն քահանայն ընծայ՝՝ առաջի Տեառն, եւ եղիցի սուրբ, քահանային եղիցի ի վերայ երբծոյն նուիրի եւ ի վերայ երւոյն հասի. եւ ապա արբցէ ուխտաւորն գինի։

ԵՐԿՐՈՐԴՈՒՄՆ ՕՐԻՆԱՑ 18:3

Եւ այս են իրաւունք քահանային ի ժողովրդենէ անտի, որք զենուցուն զենլիս. եթէ արջառ իցէ եւ եթէ ոչխար, տացէ քահանային զերին եւ զծնօտսն եւ զխախացոցն։

ԱՌ ԵԲՐԱՅԵՑԻՍ ԹՈՒՂԹ 7:28

Օրէնքն զմարդիկ կացուցանեն քահանայապետս, զգածեալս տկարութեամբ, իսկ բանն երդման յետ օրինացն՝ զՈրդի, որ յաւիտեան կատարեալ է։

ԹԱԳԱՒՈՐՈՒԹԵԱՆՑ ԱՌԱՋԻՆ 9:24

Եւ եփեաց խոհակերն զազդրն եւ զթամբն որ զնովաւ, եւ եդ զայն առաջի Սաւուղայ։ Եւ ասէ Սամուէլ ցՍաւուղ. Ահաւասիկ նշխար, դիր զայդ առաջի քո եւ կեր, զի վկայութիւն լիցի քեզ առ ի ժողովրդոց, եւ կրծեսցես՝՝։ Եւ եկեր Սաւուղ ընդ Սամուելի յաւուր յայնմիկ։