ԵԼՔ 28:43 - Գրաբար Աստվածաշունչ (1895)

⁴³ Եւ ունիցի զայն Ահարոն եւ որդիք նորա, յորժամ մտանիցեն ի խորանն վկայութեան, կամ յորժամ մերձենայցեն ի սեղանն սրբութեան պաշտել, եւ մի՛ ածիցեն ի վերայ իւրեանց մեղս, զի մի՛ մեռանիցին. օրէն յաւիտենական նմա եւ զաւակի իւրում յետ նորա։

ԵԼՔ 28:43 ပူးပေါင်းရင်းမြစ်များ

ԵԼՔ 20:26

Մի՛ ելանիցես ընդ աշտիճանս ի սեղան իմ, զի մի՛ մերկասցին առականք քո ի վերայ նորա։

ԵԼՔ 27:21

Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 30:21

Լուասցեն զձեռս եւ զոտս իւրեանց, զի մի՛ մեռանիցին. եւ եղիցի նոցա օրէն յաւիտենական, նմա եւ ազգաց նորա յետ նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:17

Եւ եղիցի ի մտանելն նոցա ընդ դուռն սրահին ներքնոյ, զգեցցին զպատմուճանս կտաւիս. եւ մի՛ զգենուցուն ասուիս ի պաշտամանն իւրեանց ի դրանէ ներքին սրահին՝՝։

ՂԵՒՏԱԿԱՆ 16:13

Եւ դիցէ զխունկն ի վերայ հրոյն առաջի Տեառն, եւ ծածկեսցէ ծուխ խնկոյն զքաւութիւնն որ իցէ ի վերայ վկայութեանցն, եւ ոչ մեռանիցի։

ՂԵՒՏԱԿԱՆ 17:7

Եւ ոչ եւս զոհիցեն զզոհս իւրեանց սնոտեաց զորոց զհետ ինքեանք պոռնկէին. օրէն յաւիտենական եղիցի ձեզ յազգս ձեր։

ՂԵՒՏԱԿԱՆ 22:15

Եւ մի՛ պղծեսցեն զսրբութիւնս սրբութեանցն որդւոցն Իսրայելի, զոր զատուցին նոքա Տեառն.

ՂԵՒՏԱԿԱՆ 22:9

Եւ պահեսցեն զպահպանութիւնս իմ, զի մի՛ ընդունիցին վասն նոցա մեղս, եւ մեռանիցին վասն այնորիկ, եթէ պղծիցեն զնոսա. զի ես եմ Տէր որ սրբեմ զնոսա։

ՂԵՒՏԱԿԱՆ 3:17

Օրէն յաւիտենական յազգս ձեր, յամենայն բնակութեան ձերում. զամենայն ճարպ եւ զամենայն արիւն մի՛ ուտիցէք։

ՂԵՒՏԱԿԱՆ 5:1

Եւ եթէ մեղիցէ անձն, եւ լուիցէ զբարբառ երդման, եւ նա իցէ վկայ, կամ թէ ետես կամ թէ իրագէտ իցէ, եւ ոչ հանցէ ի վեր, մեղս ընկալցի։

ՂԵՒՏԱԿԱՆ 5:17

Եւ անձն որ մեղիցէ, եւ արասցէ մի ինչ յամենայն պատուիրանաց Տեառն զոր չիցէ պարտ առնել, եւ ոչ իմանայցէ եւ յանցանիցէ եւ ընդունիցի մեղս,

ԹԻՒՔ 15:15

Օրէն՝՝ մի եւ նոյն կացցէ ձեր եւ եկացն որ յարիցին ի ձեզ. օրէն յաւիտեանական յազգս ձեր. որպէս եւ դուքն իցէք, եւ եկն լինիցի առաջի Տեառն։

ԹԻՒՔ 18:22

Եւ մի՛ եւս մերձեսցին որդիքն Իսրայելի ի խորանն վկայութեան ընդունել զմեղս մահաբերս։

ԹԻՒՔ 18:32

Եւ մի՛ առնուցուք վասն այնորիկ մեղս, յորժամ հանիցէք զպտուղն ի նմանէ զսրբութիւն՝՝ որդւոցն Իսրայելի ոչ պղծիցէք՝ զի մի՛ մեռանիցիք։

ԹԻՒՔ 18:8

Խօսեցաւ Տէր ընդ Ահարոնի եւ ասէ. Ես ահաւասիկ ետու քեզ զպահեստ պտղոց իմոց. յամենայն նուիրելոցն ինձ յորդւոցն Իսրայելի՝ քեզ ետու զայն ի պատիւ, եւ որդւոց քոց յետ քո՝՝ օրէն յաւիտենական։

ԹԻՒՔ 9:13

Եւ մարդ ոք որ սուրբ իցէ, եւ ի հեռաւոր ճանապարհի ոչ իցէ, եւ հեղգասցի առնել զզատիկն, սատակեսցի անձն այն ի ժողովրդենէ իւրմէ, զի զպատարագն Տեառն ոչ մատոյց ի ժամանակի իւրում. զմեղս իւր ընկալցի մարդն այն։