ԵԼՔ 28:4 - Գրաբար Աստվածաշունչ (1895)

⁴ Եւ այս օրինակ պատմուճանացն՝՝ զոր առնիցեն. զպճղնաւորն եւ զվակաս զուսովք եւ զլանջօք, եւ զպատմուճանն բեհեզեայ՝՝ եւ խոյր եւ կամար. եւ արասցեն պատմուճան սուրբ Ահարոնի եղբօր քում եւ որդւոց նորա՝ քահանայանալ ինձ։

ԵԼՔ 28:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:14

Եւ Դաւիթ հարկանէր զտաւիղս նուագարանացն առաջի Տեառն. եւ էր Դաւիթ զգեցեալ պատմուճան հանդերձեալ՝՝։

ԵԼՔ 25:7

եւ ականս սարդիոնս, եւ ականս գրոյ ի գործ վակասին, եւ զպճղնաւորն։

ԵԼՔ 29:6

Եւ դիցես զխոյրն ի վերայ գլխոյ նորա, եւ դիցես զթիթեղնն սուրբ ի վերայ խուրին։

ԵԼՔ 39:28

Եւ զապարօշսն ի բեհեզոյ, եւ զխոյրն ի բեհեզոյ, եւ զանդրավարտիսն տաբատ ի նիւթոյ բեհեզոյ՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 11:5

Եւ եղիցի արդարութիւն ածեալ ընդ մէջ իւր, եւ ճշմարտութեամբ պատեալ զկողս իւր։

ՄԱՐԳԱՐԷՈՒԹԻՒՆ ԵՍԱՅԵԱՅ 59:17

Եւ զգեցաւ իբրեւ զրահս զարդարութիւն, եւ եդ ի գլուխ իբրեւ զսաղաւարտ զփրկութիւն, եւ արկաւ զիւրեւ հանդերձ եւ պատմուճան վրէժխնդրութեան՝ հատուցանել զհատուցումն.

ՄԱՐԳԱՐԷՈՒԹԻՒՆ ՈՎՍԵԱՅ 3:4

Զի աւուրս բազումս նստցին որդիքն Իսրայելի առանց թագաւորի եւ առանց իշխանի եւ առանց պատարագաց եւ առանց սեղանոյ եւ առանց քահանայութեան եւ առանց յայտնութեանց՝՝։

ԱՌ ԵՓԵՍԱՑԻՍ ԹՈՒՂԹ 6:14

Եւ իբրեւ զամենայն ինչ կատարիցէք, հաստատուն կացէք, զտեղի կալջիք, պնդեալ զմէջս ձեր ճշմարտութեամբ, եւ զգեցեալ զզրահսն արդարութեան,

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 5:8

Այլ մեք զի տուընջեան եմք, արթունք եղիցուք, եւ զգեցցուք զզրահսն հաւատոյ եւ զսիրոյ, եւ դիցուք զսաղաւարտն յուսոյն փրկութեան։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 9:17

Եւ տեսի ձիս ի տեսլեանն, եւ հեծեալս ի նոսա՝ որք ունէին զրահս հրեղէնս եւ յակինթս հրդեհեալս ծծմբով՝՝. եւ գլուխք ձիոցն իբրեւ զգլուխս առիւծուց. եւ ի բերանոյ նոցա հուր ելանէր եւ ծուխ եւ ծծումբ։

ԹԱԳԱՒՈՐՈՒԹԵԱՆՑ ԱՌԱՋԻՆ 2:18

Եւ Սամուէլ մանուկն պաշտէր առաջի Տեառն արկեալ զիւրեւ եփուդ։

ԹԱԳԱՒՈՐՈՒԹԵԱՆՑ ԱՌԱՋԻՆ 22:18

Եւ ասէ արքայ ցԴովեկ. Դարձիր դու եւ պատահեա քահանայիցն Տեառն։ Եւ դարձաւ Դովեկ Ասորի, եւ կոտորեաց զքահանայսն Տեառն, եւ սպան յաւուր յայնմիկ երեք հարեւր՝՝ եւ հինգ այր, զամենեսին որ կրէին զեփուդն կտաւի։

ԹԱԳԱՒՈՐՈՒԹԵԱՆՑ ԱՌԱՋԻՆ 23:6

Եւ եղեւ ի փախչելն Աբիաթարայ որդւոյ Աքիմելեքայ առ Դաւիթ եւ ինքն ընդ Դաւթի էջ՝՝ ի Կեիլա. եւ ունէր զեփուդն ի ձեռին իւրում։

ԹԱԳԱՒՈՐՈՒԹԵԱՆՑ ԱՌԱՋԻՆ 30:7

Եւ ասէ Դաւիթ ցԱբիաթար քահանայ որդի Աքիմելեքայ. Մատո զեփուդդ։ Եւ մատոյց Աբիաթար զեփուդն առ Դաւիթ։