ԵԼՔ 28:14 - Գրաբար Աստվածաշունչ (1895)

¹⁴ Եւ արասցես երկուս վերջս յոսկւոյ սրբոյ, մանուածոյս ծաղկեալս՝ գործ հիւսկէն, եւ դիցես զվերջսն մանուածոյս ի վերայ երկոցուն վահանակացն առ վտաւակօքն նոցա առաջոյ կողմանէ՝՝։

ԵԼՔ 28:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:17

Եւ արար երկուս վանդակս ծածկել զխոյակն, եւ արար երկուս եւս վանդակս ծածկել զերկրորդ խոյակն, գործ կախաղանաւ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:17

Յութուտասն կանգնոյ բարձրութիւն միոյ սեանն, եւ քովթար պղնձի ի վերայ նորա. եւ բարձրութիւն միոյ քովթարայ՝ յերից կանգնոց. եւ սաբաք, եւ նռնաձեւք ի վերայ քովթարայն շուրջանակի՝ ամենայն պղնձի. ըստ նմին օրինակի եւ սեանն երկրորդի ի վերայ սաբաքին։

ԵԼՔ 28:11

Գործ ճարտարութեան ակնագործաց, քանդակ կնքոյ քանդակեսցես զերկոսին ականսն՝ ըստ անուանց որդւոցն Իսրայելի. տպաւորեալս եւ քանդակեալս ոսկւով՝՝ արասցես զնոսա։

ԵԼՔ 28:13

Եւ արասցես վահանակս յոսկւոյ սրբոյ։

ԵԼՔ 28:15

Եւ արասցես զտախտակն դատաստանաց գործ նկարակերպ. ըստ ձեւոյ՝՝ վակասին արասցես զնա, յոսկւոյ եւ ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ։

ԵԼՔ 39:15

Եւ արարին ընդ տախտակաւն վերջս փողփողեալս ի վերայ երկուց օղոցն, գործ հիւսկէն յոսկւոյ սրբոյ։